საქართველოს მესამე პრეზიდენტის ადვოკატის, ნიკა გვარამიას განცხადებით, რამდენიმე დღის წინ მიხეილ სააკაშვილს ფეხები წაერთვა და გადაადგილებას ვერ ახერხებდა.
გვარამიამ თბილისის საქალაქო სასამართლოში მიმდინარე პროცესზე აღნიშნა, რომ მესამე პრეზიდენტის ჯანმრთელობის მდგომარეობის გასაუმჯობესებლად არავითარი რეაგირება არ ხდება.
“ბოლო დღეების განმავლობაში, მიუხედავად ჩვენი არაერთგზის მოთხოვნისა, მიუხედავად იმისა, რომ სასამართლომ ფორმალურად ეს მოთხოვნები დააკმაყოფილა, არავითარი რეაგირება არ მიმდინარეობს მიხეილ სააკაშვილის მდგომარეობასთან დაკავშირებით. და მიხეილ სააკაშვილის მდგომარეობა არის მძიმე, მას წაერთვა ფეხები რამდენიმე დღის წინ და ის ვერ დადიოდა. ამასთან დაკავშირებით ხელმისაწვდომობაც კი არ მაქვს ციხის ექიმთან, რომ ვკითხო, რა მოუვიდა, ჩემ ხელმისაწვდომობას ვინ დაეძებს, ექიმი არ მყავს, რომელიც მეტყვის, ჩემი დაცვის ქვეშ მყოფი, სხვა ყველაფერს რომ თავი დავანებოთ, გადარჩება, ვერ გადარჩება, კარგად არის, ცუდად არის, წამების მსხვერპლი ხომ არ არის, ჯანმრთელობის მდგომარეობის გასაუმჯობესებლად რამე მიეწოდება თუ არა. ამასთან დაკავშირებით ინფორმაციას ვერ ვიღებ”, – თქვა ნიკა გვარამიამ.
მისივე თქმით, ყველა პროცესზე ისაუბრებს მიხეილ სააკაშვილი თავისი ჯანმრთელობის მდგომარეობაზე, რადგან სხვაგვარად მისი ექიმები პაციენტისგან ინფორმაციას ვერ იღებენ.
“ამიტომ, ყველა პროცესზე ბატონი სააკაშვილის ჯანმრთელობის მდგომარეობას მოვისმენთ და მოისმენენ მისი ექიმები, რომლებიც არიან დარბაზში, იმიტომ, რომ სხვანაირად ჩვენ ხელმისაწვდომობა ფიზიკურად არ გვაქვს უბრალოდ ადამიანის მდგომარეობის შეფასებასთან დაკავშირებით”, – თქვა გვარამიამ.
ნიკა გვარამიამ პროცესზე მიხეილ სააკაშვილს სთხოვა დაწვრილებით მოჰყვეს როგორ იღებს და იღებს თუ არა სამედიცინო დახმარებას ციხეში. მან ასევე მოსამართლეს მოუწოდა, ჩაატაროს “პროცესი პროცესში” და გამოიკვლიოს, როგორია მესამე პრეზიდენტის მდგომარეობა და მისი მკურნალობის პირობები, რადგან მასაც ეკისრება პასუხისმგებლობა მიხეილ სააკაშვილის ჯანმრთელობის მდგომარეობასთან დაკავშირებით.
მსგავსი სტატიები:
“ოზურგეთელებო თუ გსურთ საქართველოს პარლამენტში ოზურგეთს ყავდეს ორი დეპუტატი, შემოხაზეთ ხათუნა გოგორიშვილი და მიხეილ გოგოტიშვილი”
აქტივისტებმა გიორგი რურუას გათავისუფლების მოთხოვნით 20 ათასი ხელმოწერა პრეზიდენტს გადასცეს
“გაჭრა ჩემმა შეგონებამ: ტვ ნაძეჟდას პოლიტიკური თოქშოუს სტუდიაში ოპოზიცია გამოჩნდა”
“სახელმწიფო , მხოლოდ გავრილოვის -(ოკუპანტის )-ივანიშვილის, ნარჩენი მონა ბანდიტების , უჭკუო ბიჭუნების ხელშია!”
“ხელმომწერო ოპოზციავ, გვითხარით აბა, ჩვენ როგორ გავიგოთ ეს ყველაფერი?”-ნიკა გვარამია “ოცნების” კანონპროექტზე
ენმ ჩიხშია…ყველაზე არასერიოზულ პარტიად გამოირჩნენ – იონათამიშვილი
“თუ რამე ქონება მოგეწონებათ, გადაუხადეთ გომელაურს და ის მოგიგვარებთ ყველაფერსო…”-ხუხაშვილი რ2-ის საქმეზე
ჰარცელი: საქართველოში რჩება გამოწვევები ადამიანის უფლებათა კულტურის ჩამოსაყალიბებლად