“მთავარი არხი”, “ფორმულა”, “ტვ პირველი”, “კავკასია” – კრიტიკული მედიის ერთობლივი საგანგებო განცხადება

“მოგმართავთ თხოვნით, მხარი დაგვიჭიროთ ამ უსამართლო ბრძოლაში” – “მთავარი არხის”, ფორმულას, ტვ პირველისა და კავკასიის წარმომადგენლები, ნიკა გვარამიას დაჭერასთან დაკავშირებით, ქვეყნის დასავლელ პარტნიორებს მიმართავენ. მედიის ერთობლივ განცხადებას უცვლელად გთავაზობთ:

ჩვენ, დამოუკიდებელი მედიის წარმომადგენლები, მივმართავთ ჩვენს დასავლელ მეგობრებს დამოუკიდებელი მედიის, მთავარი არხის დამფუძნებლისა და დირექტორის, ნიკა გვარამიას დაჭერასთან დაკავშირებით:

– ნიკა გვარამიას დაჭერა არის პირდაპირი, დემონსტრაციული გზავნილი დასავლეთისთვის, რომ საქართველო არის რუსული, ოლიგარქიული, მიტაცებული ქვეყანა და ის იმართება პუტინის მეთოდებით.

– ნიკა გვარამიას დაჭერა ნიშნავს, რომ საქართველო უარს ამბობს ევროპასა და ნატოზე. ეს განსაკუთრებით თვალსაჩინოა საქართველოს ევროკავშირის წევრობაზე განაცხადის განხილვის ფონზე. ასევე, ოცნების რეჟიმის პოზიცია უკრაინაში მიმდინარე ომთან დაკავშირებით ცხადყოფს, რომ ხელისუფლება გაემიჯნა ცივილიზებულ სამყაროს და ნიკა გვარამიას დაკავება ამის კიდევ ერთი დასტურია.

– ნიკა გვარამიას დაჭერა არ არის ერთი მედიის, მთავარი არხის ან ერთი ადამიანის საკითხი. ეს არის მთლიანად ქართული მედიის და ჩვენი ქვეყნის დემოკრატიის გადარჩენის საქმე.

– ჩვენ, ოპოზიციური მედია, ჩვენი საქმიანობით ყოველთვის მხარს ვუჭერთ დასავლურ ფასეულობებს და ვდგავართ დემოკრატიის სადარაჯოზე.

– თქვენ, ჩვენს დასავლელ მეგობრებს, ქვეყანის დემოკრატიისთვის გაწეული გაქვთ დიდი ძალისხმევა, მათ შორის ფინანსური დახმარება.

– მიუხედავად ამისა, ქვეყანაში არ არის მართლმსაჯულება, სისტემას მართავს კლანი, ქვეყანა მიტაცებულია და იმართება, უკვე დაუფარავად, რუსული რეჟიმის მიერ, რომელიც ყველაფერს აკეთებს, იმისათვის, რომ ქართველ ხალხს ევროპული არჩევანი წაართვას.

– ჩვენ გამოვიარეთ და გავუძელით ყველანაირ ჩაგვრას, ზეწოლას. ფაქტია, რომ ოლიგარქი არ ჩერდება და მორიგ ჯერზე ოფიციალურად გაფორმდა ავტოკრატია.

– ქართველი ხალხის და ჩვენი, კრიტიკული მედიის ერთადერთ მოკავშირედ გთვლით თქვენ, ჩვენს დასავლელ მეგობრებსა და გულშემატკივრებს.

– ამიტომ, მოგმართავთ თხოვნით, მხარი დაგვიჭიროთ ამ უსამართლო ბრძოლაში და არ მისცეთ საშუალება ოლიგარიულ რეჟიმს, რომ საბოლოოდ მოკლას დემოკრატია და ქართველი ხალხის მიერ სისხლით მოპოვებული თავისუფლება და თქვენს მიერ გაწეული ძალისხმევა აღმოჩნდეს ფუჭი, – ნათქვამია განცხადებაში.

გააზიარეთ და მოიწონეთ სტატია:

მსგავსი სტატიები:

“გაგუდული დაგხვდებით” – კორონავირუსით გარდაცვლილი 31 წლის გოგოს ოჯახი მედპერსონალის პასუხისმგებლობას ითხოვს “პოლიტიკური კრიმინალების” ჩამონათვალი კობახიძისგან რეჟისორი გიორგი (კახა) კახაბრიშვილი გარდაიცვალა IRI-ის კვლევა: გამოკითხულთა 45% კოვიდსაწინააღმდეგო ვაქცინას არ გაიკეთებს მკაცრი რეკომენდაციაა, დავუბრუნდეთ ყველაგნ პირბადის გამოყენებას – გაბუნია მიხეილ სააკაშვილთან მისი პირადი ექიმი შეუშვეს დაპირისპირება “ოცნების” სამთავრობო გუნდში – რა გახდა ღარიბაშვილსა და ტიკარაძეს შორის განხეთქილების მიზეზი ”საერთოდ ქვეყნის სტატუსი გვაქვს თუ იცით?!” – კახა ასკურავა