საქართველოს პრეზიდენტმა სალომე ზურაბიშვილმა გაეროს აზიისა და წყნარი ოკეანეთის ეკონომიკური და სოციალური კომისიის 78-ე სესიას სიტყვით მიმართა. ზურაბიშვილმა საკუთარ სიტყვაში ომის გამო რეგიონში შეცვლილ ვითარებაზე ისაუბრა, რამაც სატრანსპორტო დერეფანში ცვლილებები გამოიწვია.
ზურაბიშვილის თქმით, გეოპოლიტიკურმა ვითარებამ საქართველოს, როგორც სატრანსპორტო დერეფნის როლი, გაზარდა.
“ომი ხაზს უსვამს ალტერნატიული სატრანსპორტო სისტემების სწრაფი განვითარების აუცილებლობას, ევროპასა და აზიას შორის მიწოდების ჯაჭვების შესანარჩუნებლად. მიუხედავად მის სამეზობლოში არსებული გამოწვევებისა, საქართველო, თავისი გეოგრაფიული მდებარეობის გამო, როგორც ხიდი ევროპასა და აზიას შორის და ძველ აბრეშუმის გზაზე მდებარე ქვეყანა, ჩართულია ინტენსიურ თანამშრომლობაში აზია-წყნარი ოკეანის რეგიონთან ენერგეტიკის, ტრანსპორტის, კავშირგაბმულობის ახალი პროექტების განვითარებისათვის.
გეოპოლიტიკური კონტექსტი კიდევ უფრო აძლიერებს საქართველოს როლს, როგორც კარიბჭეს აზიისაკენ და როგორც არსებით სატრანზიტო-ლოგისტიკურ ჰაბს, არსებით რგოლს შუა დერეფანში არხის გავლით საქონლის გადაადგილებისთვის, რომელიც შავ ზღვას, კავკასიას და ევრაზიის კონტინენტს აკავშირებს.
ევროინტეგრაციისკენ მიმავალ გზაზე ახალი ისტორიული მიღწევის ფონზე, საქართველო ცდილობს განავითაროს თავისი კავშირები აზიის ეკონომიკებთან, განსაკუთრებით, თავისუფალი ვაჭრობის შეთანხმებებითა და გაზრდილი თანამშრომლობით”,-განაცხადა ზურაბიშვილმა.
bm.ge
მსგავსი სტატიები:
ელჩი ან პარტნიორი რომ მეტყვის, არჩევნები არ გაყალბდაო, არ არის ობიექტური — მელია
“ქართული ოცნება” აპირებს საკუთარი თავი შეიწყალოს, საკუთარი გუნდის წევრები, რომლებიც მხილებული არიან უმძიმეს დანაშაულში”
„ქართული ოცნება“ 19 აპრილის შეთანხმებას ანულირებულად აცხადებს
“ოცნების” დაშლა გრძელდება – ჩოხატაურში მმართველი პარტიიდან გახარიას გუნდში გადასვლა დაიწყო
პუტინმა მიაღწია საწადელს და მისი მთავარი მტერი ციხეშია… ”- ლვოვის მერი მიხეილ სააკაშვილის დაკავებაზე
ცესკოს წევრების დანიშვნის წესის რეფორმების გაუქმება ძირს უთხრის მმართველი პარტიისა და ოპოზიციის შეთანხმებულ ძალისხმევას – აშშ-ს საელჩო
“სააკაშვილს რომელი ღირსება შეელახა? ადამიანებს უარეს მდგომარეობაში ჰყავთ ნანახი” – კობახიძე
“რუსეთს ფსიქიურად არანორმალური დიქტატორი მართავს“–ბორის აკუნინი რუსეთის უკრაინაში შეჭრაზე