ირაკლი ღარიბაშვილს ნერვებმა უმტყუნა. პრემიერმინისტრს ოპონენტების კითხვები არ მოეწონა და პარლამენტის მაღალი ტრიბუნიდან ლანძღვა დაიწყო. სანამ სიტყვით გამოვიდოდა, ცდილობდა ოპოზიციის კრიტიკა არ მოესმინა და გვერდით მჯდომ საგარეო საქმეთა მინისტრთან ერთად ცოტა გაერთო. ბოლოს ტრიბუნასთან დადგა და ტრადიციულად სამიზნეში ოპონენტები ამოიღო.
ღარიბაშვილმა ტრადიციას არ უღალატა და ბიძინა ივანიშვილს საკანონმდებლო ორგანოს უმაღლესი ტრიბუნიდანაც ხოტბა შეასხა.
ღარიბაშვილს ოპოზიციისგან ევროინტეგრაციის განაცხადზე მწვავე გზავნილების მოსმენა მოუწია. პარლამენტის სხდომათა დარბაზში დღეს პრემიერს გაუხსენეს ყველა ის განცხადება, რომელიც ომში მყოფი ხელისუფლების და საერთაშორისო პარტნიორების წინააღმდეგ გაუკეთებია – რომ სანქციები არ მუშაობს და რომ ომი უკრაინაშია და მას არ აინტერესებს.
ოპოზიცია დღეს ითხოვდა პასუხებს, როგორ აპირებს ოცნების ხელისუფლება ქვეყნის ევროინტეგრაციას მაშინ, როცა ციხეში ნიკა გვარამია და მიხეილ სააკაშვილი პირადი შურისძიების გამო ჰყავს გამოკეტილი.
საპარლამენტო ოპოზიციის დიდმა ნაწილმა ერთობლივი განცხადება გააკეთა და ხელისუფლების 7 პუნქტიანი გეგმა შესთავაზა, როგორ უნდა გადაარჩინონ ევროკავშირის განაცხადი.
ამ შეთავაზებისთვის ხელისუფლებას არ უპასუხია. დღეს მთავრობის მეთაური გამოსვლაში ძირითადად ტრაბახით და ე.წ პრაგმატული პოლიტიკით თავის მოწონებით იყო დაკავებული. პირობა დადო, რომ საქართველო რუსეთისთვის სანქციების გვერდის ავლის ტერიტორია არასდროს გახდება.
პრემიერ მინისტრის მოსმენა პარლამენტში 3 საათის განმავლობაში გაგრძელდა. მთავრობის მეთაურმა არგუმენტირებული პასუხების ნაცვლად კი ტრადიციულად ისევ სიძულვილის და თავდასხმის გზა აირჩია.
მსგავსი სტატიები:
“ფიქრი დაუთმე მხოლოდ სიკეთეს, სიყვარულს, სინათლეს”
“მოეკითხებათ მწარედ თავდამსხმელებსაც და წამქეზებელ ხელისულფებასაც, ძალიან მწარედ”
საჯარო სკოლებში საყოველთაო რეგისტრაცია 15 ათასამდე პირველკლასელმა გაიარა
,,სეზონის დასაწყისისთვის ასეთი მაღალი ფასი აქამდე არასოდეს ყოფილა“ – რა ღირს თხილი ქართულ ბაზარზე
სტიქიამ ჩოხატაურსაც შეუტია _ რამდენიმე ადგილზე მეწყერი ჩამოწვა
“გადავუხდი მილიონს, ვინც მოკლავს ბიძინა ივანიშვილს” – რას ამბობს უმძიმეს ბრალდებაზე პრეზიდენტის ბიძა
მინდა გავახსენო საქართველოს ხელისუფლებას, როცა თბილისს დაემუქრა საფრთხე, რეგიონის ლიდერები ჩამოვიდნენ – ფოტიგა
რუსეთის თავდაცვის კვლევის ცენტრში ხანძარს 17 ადამიანი ემსხვერპლა