“ზნედაცემული უნდა ვიყო, რომ დავივიწყო ჩემი პაპა, მავთულს იქით დარჩენილი და რუსეთში ვიცეკვო”

როგორი ზნედაცემული უნდა ვიყო, რომ დავივიწყო ჩემი პაპა, მავთულს იქით დარჩენილი, მტირალი მოხუცი, ჩავიდე და რუსეთში ვიცეკვო?!, – ამის შესახებ დეკანოზი თამაზ ლომიძე სოციალურ ქსელში წერს.

დეკანოზის თქმით, ქართველი ხალხი ერად ვერ ჩამოყალიბდა, რადგან სხვა მოქალაქეების ტკივილს, როგორც საკუთარ ძმის ტკივილს, არ განიცდიან.

 

“ჩემი ძმა, ჩემი სისხლი და ხორცი, სცემეს ჩვენმა მეზობლებმა, უსამართლოდ შეურაცხყოფა მიაყენეს და დამიჩაგრეს. ბევრნი იყვნენ, ძალა ჰქონდათ და მოერივნენ. შურისძიების წყურვილს და ბოროტების ბოროტებით გადახდის სურვილს არც შემოვუშვებ გულში. ვლოცულობ მათთვისაც. მაგრამ, გუშინ იმავე ხალხმა, იმ ბოროტების ჩამდენმა მეზობლებმა, თავისი ბოროტების გასამართლებლად, უსირცხვილოდ შემომითვალეს: საახალწლო სუფრა გვაქვს და ვიცით, კარგი თამადობა, სიმღერა და მოლხენა იცი, დაივიწყე რაც მოხდა, მოდი, გვესტუმრე და მოილხინეო. გეკითხებით, როგორი ზნედაცემული უნდა ვიყო ახლა მე, რომ ჩემი ნაცემი ჩემი ძმა სახლში მიწევს და მათ სუფრასთან წამოვჯდე და მოვილხინო?!

ჩემი პაპა, ჩემი სისხლი და ხორცი, საზღვრისპირა საქართველოს სოფელში ცხოვრობს თავის ძველისძველ, მამა-პაპისეულ ეზო კარში. ერთ დღესაც, სახლში რომ მიბრუნდა მავთულხლართის იქით დახვდა საკუთარი სახლ-კარი. რუსმა სამხედროებმა უთხრეს: დღეიდან ეს შენი ქვეყანა აღარ არის, ჩვენია, იმიტომ რომ ძალა აღმართსაც ხნავს და ასე გვინდაო. ახალ წელს მივედით შვილიშვილები ეკლიან მავთულთან და ჩემს თვალცრემლიან პაპას, წართმეულ მიწაზე, მივულოცეთ შობა-ახალი წელი. არ ვიღებ ხელში თოფს და არ ვესვრი, არ მინდა ბრმა სიძულვილმა დამიპყროს. შემომითვალეს იმ სამხედროების ქვეყნიდან: შენი ცეკვა და სიმღერა ძალიან მოგვწონს, მიაფურთხე მაგ შენს პაპს, ჩამოდი, გვიცეკვე და კარგ სარგებელსაც ნახავო. ახლა კვლავ გეკითხებით, როგორი ზნედაცემული უნდა ვიყო მე, რომ დავივიწყო ჩემი სისხლი და ხორცი, ჩემი გამზრდელი პაპა, ჩავიდე და იქ ვიცეკვო?!

 

ჩემი და, ჩემი სიხლი და ხორცი, ოჩამჩირეში ცხოვრობდა, საკუთარი მშობლების ხელით, რუდუნებით აშენებულ სახლში. ერთ დღეს გამოყარეს იქიდან. იმიტომ, რომ ძალა აღმართს ხნავს. 27 წელია ენატრება მისი ბავშვობის სახლი, ღამ-ღამობით ესიზმრება და იმ სახლის ოთახების სუნი ელანდება და ახსოვს. მე კი ყოველდღე ვხედავ ჩემი დის ბოლომდე გაუხარელ, სევდიან თვალებს. გეკითხებით, როგორ უნდა ჩაკვდეს ჩემი სინდისი ისე, რომ დავივიწყო ჩემი და, მისი ტკივილი, წავიდე და მის გამომყრელებს ვემსახურო.

 

არც ის ნაცემი კაცი ყოფილა ჩემი სისხლით ძმა, არც ის პაპა და არც ის და. მაგრამ, ვთვლი, რომ ჩემი ძმაა არჩილ ტატუნაშვილი, ჩემი პაპაა მავთულს იქით დარჩენილი, მტირალი მოხუცი და ჩემი დაა ენგურის ხიდთან მდგარი, სევდიანი ქალი. ასეა თუ გვინდა, რომ ერი გვერქვას და პატივი გვცენ.

 

ჩვენ ვართ ხალხი, მაგრამ, ჩანს, რომ ჯერ ვერ შევდექით როგორც ქართველი ერი. როცა ნებისმიერი შენი ქვეყნის მოქალაქის ტკივილს, შენი საკუთარი სისხლის და ხორცის – ძმის, დის თუ პაპის ტკივილად ჩათვლი, მხოლოდ მაშინ შეგიძლია თქვა, რომ შენ ხარ შემდგარი ერის შვილი”, – წერს თამაზ ლომიძე.

ზნედაცემული უნდა ვიყო, რომ დავივიწყო ჩემი პაპა, მავთულს იქით დარჩენილი და რუსეთში ვიცეკვო

გააზიარეთ და მოიწონეთ სტატია:

მსგავსი სტატიები

  • 100
    სასტუმრო "პარაგრაფი" ივანიშვილმა ბანკ "ქართუს" გადასცაბიძინა ივანიშვილის მორიგი ხმაურიანი გადაწყვეტილება - "ქართული ოცნების" უკვე ყოფილმა თავმჯდომარემ და მისმა მეუღლემ საქართველოში არსებული საკუთარი ქონების დიდი ნაწილი საქველმოქმედო ფონდ "ქართუს" გადასცეს. საუბარია საქართველოსთვის უპრეცედენტო მასშტაბის, დაახლოებით მილიარდ-ნახევარი დოლარის აქტივებზე. ჩამონათვალთა შორის, რომელიც ფონდს გადაეცა, არის 30-მდე ობიექტი - მათ შორის სასტუმრო "პარაგრაფი", შპს თბილისი სითი, სოლოლაკის ბიზნესცენტრი, "თაბორი რიზორთსი",…
    Tags: და, ჩემი, რომ, მთავარი, თემა, ახალი, ამბები, პოლიტიკა
  • 98
    "მე ჩემი ნაბიჯი გადავდგი, გადმოდგით თქვენც" - ლევან ვასაძე მიმართვას ავრცელებსყველას, ვისაც უნდა რომ "ნამდვილ კაცებს და ქალებს გვერდით" დაუდგეს ლევან ვასაძე 16 მაისს 9 აპრილის ბაღში ეპატიჟება. პოლიტიკაში წასულმა ვასაძემ  სვანეთიდან სპეციალური ვიდეომიმართვა გაავრცელა და მხარდამჭერებს მოუწოდა შეკრებაზე ოჯახებით მივიდნენ "ყველას ეხლა გაძახით როგორც ზეიმზე, რა გვაქვს საზეიმო, მაგრამ მე იქ ჩემი ცოლ-შვილით მოვალ და ყველას გეძახით ოჯახებით , მითუმეტეს, რომ მეორე…
    Tags: და, ჩემი, რომ, მთავარი, თემა, ახალი, ამბები, პოლიტიკა
  • 98
    “თქვენ გეგონათ, რომ ჩააქრეთ ცისარტყელა, მაგრამ ის ბევრად უფრო ძლიერად მოგვევლინა თბილისის ცაზე!” – ლანა ღოღობერიძერეჟისორი, ლანა ღოღობერიძე, სოციალურ ქსელში, წერს: “ძალიან, ძალიან დამწუხრებული ვარ. ამ დღეებში ჩემ სამშობლოში მოხდა რაღაც, ძალიან შემაშფოთებელი. პატრიოტიზმის და მართლმადიდებლობის სახელით უმრავლესობამ დაჩაგრა ადამიანთა მცირე ჯგუფი! უარი ათქმევინა ღირსების მარშის მოწყობაზე. სცემა და ცხვირპირი ჩაუმტვრია ჟურნალისტებს, რომლებიც კეთილსინდისიერად და თავდადებით ასრულებდნენ თავიანთ პროფესიულ მოვალეობას! და ბოლოს, როგორც ამ ყველაფრის…
    Tags: და, რომ, მთავარი, თემა, ახალი, ამბები, პოლიტიკა
  • 98
    პატარა კომპლიმენტს დიდი ძალა აქვს!კეთილგანწყობილი ორგანიზაციული კულტურის შექმნა, სადაც თანამშრომლები და ხელმძღვანელები ერთმანეთს გვერდს უმაგრებენ, ყველა კომპანიის ტოპ-პრიორიტეტი უნდა იყოს. შექება და მადლიერება ადამიანებს მოტივაციას მატებთ. მადლიერება მათში ქმნის განცდას, რომ აფასებენ და სტრესსაც ნაკლებად განიცდიან. ნეირობიოლოგების თქმით, ტვინის ვერბალური აფირმაციები ფინანსურ სარგებელთან მჭიდრო კავშირშია. როგორც Ford-ის ყოფილმა გენერალურმა დირექტორმა ალან მულალიმ თქვა, მნიშვნელოვანია…
    Tags: და, რომ, მთავარი, თემა, ახალი, ამბები, პოლიტიკა