ტრავმირებული თორნიკე შენგელია მიმართვას ავრცელებს

მძიმე ტრავმის მიღების შემდეგ, საქართველოს კალათბურთელთა ნაკრების კაპიტანი მიმართვას ავრცელებს და გულშემატკივრებს სოციალურ ქსელში მიმართავს:

პოსტს უცვლელად გთავაზობთ:

„ყველას უდიდესი მადლობა მხარდაჭერისთვის, გვერდში დგომისთვის და პოზიტიური მესიჯებისთვის. ვერ გადმოგცემთ რა გრძნობა მეუფლება, როცა ასეთ მხარდაჭერას ვგრძნობ თგვენგან. იმ დღიდან, როცა გაირკვა, რომ ევრობასკეტი ჩემს სახლში ტარდებოდა, ალბათ არცერთ დღეს ჩაუვლია ისე, რომ ამ ღონისძიებაზე არ მეფიქრა.

თითოეული ჩემი ქმედება მიმართული იყო იქითკენ, რომ მაქსიმალურად მზად შევხვედროდი თამაშებს და თქვენი მოლოდინები გამემართლებინა. მაგრამ სპორტში, სხვა ბევრ დადებითთან ერთად ასეთი მომენტებიც ხშირად დგება.
მხარზე მეტად სული მტკივა, რომ ვერ შევძლებ საქართველოს ნაკრების დახმარებას ასეთ მნიშვნელოვან მომენტში და ვერ ვიდგები მოედანზე ჩემი ბიჭების გვერდით საჭირო დროს.

თუმცა, დღეს მშვიდად ვარ, რადგან ვიცი ჩვენი გულშემატკივრების და ჩვენი ბიჭების ხასიათი და დარწმუნებული ვარ, რთული მომენტები მათ მეტ მოტივაციას და ძალას შემატებს.

ჩემზე არ იდარდოთ, ამ სიტუაციაში ბევრჯერ ვყოფილვარ და უფრო ძლიერიც დავბრუნებულვარ. მადლობა ღმერთს, რომ მომცა ბრძოლის უნარი და მეხმარება სირთულეების გადალახვაში.

ახლა გთხოვთ, რომ ყველა თქვენი პოზიტიური ენერგია და მხარდაჭერა ჩვენი ნაკრებისკენ იყოს მიმართული , პირადი გამოცდილებით გეტყვით, რომ თითოეულ გამამხნევებელ შეძახილს ძალიან დიდი მნიშვნელობა აქვს.მხოლოდ ერთად, გუნდურად შევძლებთ დიდი მიზნების მიღწევას“, წერს თორნიკე.

ცნობისთვის, 24 აგვისტოს ნიდერლანდებთან მიღებული ტრავმის გამო კაპიტანი თორნიკე შენგელია საქართველოს ნაკრებს გამოაკლდა.

გააზიარეთ და მოიწონეთ სტატია:

მსგავსი სტატიები:

1 თებერვლიდან მაღაზიები და სავაჭრო ცენტრები იხსნება “რობოტი პეპერის მსგავსი სათამაშო გამოიგონა, ეხლა მობეზრდა და გადააგდო“ აქტივისტი: LGBTQ სამკლაურის გამო აქციიდან გამომაგდეს, რას გავხარო, მეძახნდნენ კონსტანტინე შარაშენიძე ოზურგეთის მერობისათვის კვლავ დამოუკიდებლად იბრძოლებს რა დაგიჯდებათ საშუალოდ საახალწლო სუფრის მომზადება? როგორ დავეხმაროთ უკრაინას?- პრაქტიკული გზები, რომლებითაც უკრაინის დახმარება რეალურად შეგიძლიათ კადიროვის ოჯახი დუბაიში ისვენებს მაქსიმ გალკინი თბილისში, უკრაინელი დევნილების დასახმარებლად კონცერტს გამართავს