მიწები, წყლები, სასახლეები, ძვირადღირებული სამკაულები, ოქროს საბადოები, ცხენები, გედები და ღამურები- რა ქონებას ფლობდა ელისაბედ II?

დიდი ბრი­ტა­ნე­თის მო­ნარ­ქი ელი­სა­ბედ II, რო­მე­ლიც 8 სექ­ტემ­ბერს გარ­და­იც­ვა­ლა, მსოფ­ლი­ო­ში ერთ-ერთი უმ­დიდ­რე­სი ადა­მი­ა­ნი იყო. მისი პერ­სო­ნა­ლუ­რი ქო­ნე­ბის მთა­ვარ ნა­წილს ხე­ლოვ­ნე­ბის ნი­მუ­შე­ბი, სამ­კა­უ­ლე­ბი და უძ­რა­ვი ქო­ნე­ბა წარ­მო­ად­გენ­და. მი­უ­ხე­და­ვად ამი­სა, მას არ გა­აჩ­ნდა იმის შე­საძ­ლებ­ლო­ბა, რომ მათ­გან რა­ი­მე სარ­გე­ბე­ლი მი­ე­ღო, რომ აღა­რა­ფე­რი ვთქვათ მათი გა­ყიდ­ვის უფ­ლე­ბა­ზე. ეს ყვე­ლა­ფე­რი მო­ნარ­ქის კერ­ძო სა­კუთ­რე­ბას არ წარ­მო­ად­გენს, მო­მა­ვა­ლი თა­ო­ბე­ბის­თვის არის გან­კუთ­ვნი­ლი და რო­გორც წესი, ისი­ნი მომ­დევ­ნო მე­ფეს გა­და­ე­ცე­მა მემ­კვიდ­რე­ო­ბით.

დე­დოფ­ლის პი­რა­დი ქო­ნე­ბა “ფორბსის” მიერ 500 მი­ლი­ონ დო­ლა­რა­დაა შე­ფა­სე­ბუ­ლი. დე­დოფ­ლის გარ­დაც­ვა­ლე­ბის შემ­დეგ უმე­ტე­სი ნა­წი­ლი მეფე ჩარლზ III-ს გა­და­ე­ცე­მა მემ­კვიდ­რე­ო­ბით. რაც შე­ე­ხე­ბა მთლი­ა­ნად დიდი ბრი­ტა­ნე­თის სა­მე­ფო ოჯა­ხის ქო­ნე­ბას, 2017 წლის მო­ნა­ცე­მე­ბით, ყვე­ლაფ­რის ფასი 88$ მი­ლი­არდს აღე­მა­ტე­ბა.

მი­უ­ხე­და­ვად ყვე­ლაფ­რი­სა, დე­დოფ­ლის ქო­ნე­ბის ფასი ოფი­ცი­ა­ლუ­რად არას­დროს გამ­ჟღავ­ნე­ბუ­ლა. რო­გორც Guardian-ი იტყო­ბი­ნე­ბო­და, დე­დო­ფა­ლი 1970-იან წლებ­ში ბრი­ტა­ნე­თის მთავ­რო­ბას ლო­ბი­რებ­და, რომ მისი პი­რა­დი ქო­ნე­ბა, კა­ნონპ­რო­ექ­ტის შეც­ვლის გზით, სა­ზო­გა­დო­ე­ბის­გან და­ე­ფა­რა, რა­საც იმით ხსნი­და, რომ ამის გამ­ჟღავ­ნე­ბა უხერ­ხუ­ლი იყო.

• დე­დოფ­ლის პი­რა­დი შე­მო­სავ­ლის წყა­რო­ე­ბი

სა­მე­ფო ოჯა­ხი აგ­რეთ­ვე აგ­რო­ვებს გა­და­სა­ხა­დებს სუ­ვე­რე­ნუ­ლი საგ­რან­ტო აქ­ტი­დან, იგი­ვე გა­და­სა­ხა­დე­ბის გა­დამ­ხდელ­თა ფონ­დი­დან, რო­მე­ლიც გა­მო­ი­ყე­ნე­ბა სა­მე­ფო სა­სახ­ლე­ე­ბის მო­სავ­ლე­ლად და სა­მე­ფო მო­ვა­ლე­ო­ბე­ბის შე­სას­რუ­ლებ­ლად, რო­გო­რი­ცაა ოფი­ცი­ა­ლუ­რი მი­ღე­ბე­ბი და მოგ­ზა­უ­რო­ბა. გრან­ტი, წლი­უ­რად, 100 მი­ლი­ონ დო­ლარს შე­ად­გენს.

• დე­დო­ფალ ელი­სა­ბედ II-ის აქ­ტი­ვე­ბი

სა­მე­ფო ქო­ნე­ბა, იგი­ვე Crown Estate არის გა­ერ­თი­ა­ნე­ბუ­ლი სა­მე­ფოს მი­წე­ბი­სა და სხვა ტი­პის სა­კუთ­რე­ბის ნაკ­რე­ბი, რო­მე­ლიც დე­დოფ­ლის სა­ჯა­რო ქო­ნე­ბას წარ­მოდ­გენ­და, თუმ­ცა ის არც მთავ­რო­ბის სა­კუთ­რე­ბაა და არც მო­ნარ­ქის კერ­ძო ქო­ნე­ბაა. მას “The Firm” – უინ­ძო­რის სახ­ლის წევ­რე­ბის ჯგუ­ფი მარ­თავს. დე­დო­ფალ­თან ერ­თად, ჯგუ­ფის წევ­რე­ბი იყ­ვნენ: მეფე ჩარლ­ზი და მისი ცოლი კა­მი­ლა, პრინ­ცი უი­ლი­ა­მი და მისი მეღ­ლე ქე­ი­თი, დე­დოფ­ლის ქა­ლიშ­ვი­ლი პრინ­ცე­სა ანა და დე­დოფ­ლის უმ­ცრო­სი ვაჟი, პრინ­ცი ედ­ვარ­დი და მისი ცოლი სოფი.

მო­ნარ­ქი ფლობს, მაგ­რამ ვერ ყი­დის სხვა­დას­ხვა ტი­პის ქო­ნე­ბას და აქ­ტი­ვებს, მათ შო­რის: Crown Estate (19,5 მი­ლი­არ­დი დო­ლა­რი), ბუ­კინ­გე­მის სა­სახ­ლე (4,9 მი­ლი­არ­დი დო­ლა­რი), კორ­ნუ­ო­ლის სა­ჰერ­ცო­გო (1,3 მი­ლი­არ­დი დო­ლა­რი), ლან­კას­ტე­რის სა­ჰერ­ცო­გო (748 მი­ლი­ო­ნი დო­ლა­რი), კენ­სინგტო­ნის სა­სახ­ლე (630 მი­ლი­ო­ნი დო­ლა­რი) და Crown Estate Scotland (592 მი­ლი­ო­ნი დო­ლა­რი).

• დე­დოფ­ლის აუ­რა­ცხე­ლი მემ­კვიდ­რე­ო­ბა: წყლე­ბი და მი­წე­ბი

ელი­სა­ბე­დი იყო ერთ-ერთი იმ ადა­მი­ან­თა შო­რის, ვინც ყვე­ლა­ზე მეტ მი­წას ფლობ­და დიდ ბრი­ტა­ნეთ­ში, მას ასე­ვე ჰქონ­და მსოფ­ლი­ო­ში ყვე­ლა­ზე დიდი სხვა­დას­ხვა ტი­პის პი­რა­დი კო­ლექ­ცი­ე­ბი. მის კო­ლექ­ცი­ა­ში ისე­თი ძვე­ლი ნივ­თე­ბი­ცაა, რომ­ლე­ბიც შუა სა­უ­კუ­ნე­ე­ბით თა­რიღ­დე­ბა და მო­ნარ­ქებს მემ­კვიდ­რე­ო­ბით გა­და­ე­ცე­მათ. ძირ­ფა­სი სამ­კა­უ­ლე­ბით და­წყე­ბუ­ლი, იშ­ვი­ა­თი ბრი­ლი­ან­ტე­ბით დამ­თავ­რე­ბუ­ლი, დე­დო­ფალს ყვე­ლა­ფე­რი ჰქონ­და. ყვე­ლა­ფერ­ში ზღვის ფსკე­რიც კი მო­ი­აზ­რე­ბა. არა მხო­ლოდ ფსკე­რი, წყლე­ბი, რომ­ლე­ბიც დიდ ბრი­ტა­ნეთს აკ­რავს, 1963 წლი­დან დე­დო­ფალს ეკუთ­ვნო­და: ინ­გლი­სის არხი, ირ­ლან­დი­ის ზღვა, ჩრდი­ლო­ეთ ატ­ლან­ტის ოკე­ა­ნე და ჩრდი­ლო­ე­თის ზღვა. გაზი და ნავ­თო­ბიც ამ წყლებ­ში მო­ი­პო­ვე­ბა და ყვე­ლა­ფე­რი ეს შე­უ­ფა­სე­ბე­ლია, მაგ­რამ მხო­ლოდ ნავ­თო­ბი, 60 მი­ლი­არდ დო­ლა­რა­დაა შე­ფა­სე­ბუ­ლი. მო­ნარ­ქი ფლობს ზღვის სა­ნა­პი­რო­ებ­საც, რო­მელ­თა სა­ერ­თო ღი­რე­ბუ­ლე­ბა 100 მი­ლი­ონ დო­ლა­რამ­დე აღ­წევს.

დე­დოფ­ლის მემ­კვიდ­რე­ო­ბა­ში შე­დის აგ­რეთ­ვე მი­ლი­ო­ნო­ბით ჰექ­ტა­რი მიწა. კო­ლო­ნი­ზა­ცი­ის შემ­დეგ მი­ღე­ბუ­ლი მი­წე­ბი ჯამ­ში 6.6 მი­ლი­ონ ჰექ­ტა­რი მი­წის მფლო­ბელს ხდის დიდ ბრი­ტა­ნეთს და შე­სა­ბა­მი­სად, მო­ნარ­ქს. ეს დე­და­მი­წის ზე­და­პი­რის 1/6-ია. დე­დო­ფა­ლი ამ ტე­რი­ტო­რი­ე­ბი­დან ეკო­ნო­მი­კუ­რი შე­მო­სავ­ლე­ბის 15%-ს იღებ­და.

დე­დო­ფალსვე ეკუთ­ვნო­და ლონ­დო­ნის თა­უ­ე­რი, რო­მე­ლიც 56 მი­ლი­არდ დო­ლა­რა­დაა შფა­სე­ბუ­ლი და ბალ­მო­რა­ლისა (140 მი­ლი­ო­ნი დო­ლა­რი) და სენ­დრინ­გჰე­მის (65 მი­ლი­ო­ნი დო­ლა­რი) სა­სახ­ლე­ე­ბი.

ხე­ლოვ­ნე­ბის ნი­მუ­შე­ბი­სა და ძვირ­ფა­სე­უ­ლო­ბის უზარ­მა­ზა­რი კო­ლექ­ცი­ე­ბი

• თავ­და­პირ­ვე­ლად, მეფე ჩარლზ I-მა და­ი­წყო ხე­ლოვ­ნე­ბის ნი­მუ­შე­ბის შეგ­რო­ვე­ბა და მას შემ­დეგ, მისი კო­ლექ­ცია მო­ნარ­ქებს მემ­კვიდ­რე­ო­ბით გა­და­ე­ცე­მა. კო­ლექ­ცი­ა­ში უძ­ვე­ლე­სი ნა­მუ­შევ­რე­ბიც კია მოხ­ვედ­რი­ლი. ფერ­წე­რის ნი­მუ­შე­ბის კო­ლექ­ცი­ის შეგ­რო­ვე­ბის ტრა­დი­ცი­ას ყო­ვე­ლი მმარ­თვე­ლი აგ­რძე­ლებ­და და ამ დრო­ის­თვის დე­დოფ­ლის კო­ლექ­ცი­ა­ში უკვე 150 000 ორი­გი­ნა­ლი ნა­მუ­შე­ვა­რია. ნა­მუ­შევ­რე­ბის ავ­ტო­რებს შო­რის უნდა იყოს: ლე­ო­ნარ­დო და­ვინ­ჩი, პი­ტერ პოლ რუ­ბენ­სი და რემ­ბრან­ტიც კი.

• ელი­სა­ბედ II-ს ფა­ბერ­ჟეს კვერ­ცხე­ბის კო­ლექ­ცი­აც ჰქონ­და, ჯამ­ში მათი რა­ო­დე­ნო­ბა 600-ია. სა­მე­ფო ოჯახ­ში მათი შეგ­რო­ვე­ბის ტრა­დი­ცია 1900-იან წლებ­ში და­ი­წყო და 600-ვე მო­ოქ­რო­ვი­ლი კვერ­ცხი 200 მი­ლი­ონ დო­ლა­რა­დაა შე­ფა­სე­ბუ­ლი.
• დე­დო­ფა­ლი ასე­ვე ფლობ­და მსოფ­ლი­ო­ში ყვე­ლა­ზე ძვი­რა­დღი­რე­ბულ 530.2-კა­რა­ტი­ან ბრი­ლი­ან­ტის ქვას, რო­მე­ლიც 51$ მი­ლი­ო­ნა­დაა შე­ფა­სე­ბუ­ლი.
• დე­დო­ფალ ვიქ­ტო­რი­ას გა­სა­ო­ცა­რი გვირ­გვი­ნიც ელი­სა­ბედ II-ს ეკუთ­ვნო­და. მას ზუ­ტად 1 333 ბრი­ლი­ან­ტი აქვს და მათი დი­ზა­ი­ნი Rundell & Bridge-მა 1820 წელს შექ­მნა. ის 700 000 $-დაა შე­ფა­სე­ბუ­ლი. ეს იგი­ვე გვირ­გვი­ნია, რო­მე­ლიც ელი­სა­ბედ II-მ 1953 წელს თა­ვის კო­რო­ნა­ცი­ა­ზე მი­ი­ღო და რე­გუ­ლა­რუ­ლად ატა­რებ­და.

დე­დოფ­ლის მა­ტე­რი­ა­ლუ­რი ქო­ნე­ბა

• კი­დევ ერთი სა­ინ­ტე­რე­სო რამ, რაც დე­დოფ­ლის კუთ­ვნი­ლე­ბა­ში იყო, სა­ვაჭ­რო ცენ­ტრე­ბია: ელი­სა­ბედს 3 სა­ვაჭ­რო ცენ­ტრი ჰქონ­და. მათი სა­ერ­თო კა­პი­ტა­ლი კი 2 მი­ლი­არდს შე­ად­გენს.
• მო­ნარ­ქი ფლობ­და შოტ­ლან­დი­ის ოქ­როს სა­ბა­დო­ებსაც, რომ­ლე­ბიც 1910 წლი­და­ნაა სა­მე­ფო ოჯა­ხის სა­კუთ­რე­ბა და 300 მი­ლი­ონ დო­ლა­რა­დაა შე­ფა­სე­ბუ­ლი.
• ჰაიდ პარ­კი 1660 წლი­დან ეკუთ­ვნის სა­მე­ფო ოჯახს და 19 მი­ლი­არ­და­დაა შე­ფა­სე­ბუ­ლი.
• ძვირ­ფა­სი მან­ქა­ნე­ბის კო­ლექ­ცია დე­დო­ფალ­მა 1940 წელს და­ი­წყო და მათი სა­ერ­თო ფასი 10 მი­ლი­ო­ნი დო­ლა­რია.
• Launer-ის ჩან­თე­ბის კო­ლექ­ცია. თი­თო­ე­ულ­ში ელი­სა­ბედ II-ს 2.500$ აქვს გა­დახ­დი­ლი და მას კო­ლექ­ცი­ა­ში სულ 200 ცალი ჰქონ­და. დე­დო­ფა­ლი Launer-ის ჩან­თებს 1950 წლი­დან აგ­რო­ვებ­და.

დე­დო­ფა­ლი და ბუ­ნე­ბა

• დე­დოფ­ლის და ზო­გა­დად, სა­მე­ფოს სა­კუთ­რე­ბა­შია ინ­გლი­სის და უე­ილ­სის გე­დე­ბიც. ამ არე­ალ­ში გე­დე­ბის ზუს­ტი რი­ცხვი უც­ნო­ბია, მაგ­რამ 1 გედი აქ 300$-ად ფა­სობს და და­ახ­ლო­ე­ბით 130 000 დო­ლარს აღ­წევს მათი სა­ერ­თო ფასი. რო­გორც ცნო­ბი­ლია, დე­დო­ფა­ლი რე­გუ­ლა­რუ­ლად ით­ვლი­და გე­დე­ბის რა­ო­დე­ნო­ბას, რათა მათი პო­პუ­ლა­ცი­ის რა­ო­დე­ნო­ბა სტა­ბი­ლუ­რი ყო­ფი­ლი­ყო.
• ასე­ვე, დე­დო­ფალს ჰყავ­და 450 სარ­ბო­ლო ცხე­ნი, მათ­გან 30 კი­დევ გა­მო­დის რბო­ლებ­ზე. მათი სა­ერ­თო ღი­რე­ბუ­ლე­ბა 9 მი­ლი­ო­ნი დო­ლა­რია.
• ღა­მუ­რე­ბის გუნდსაც კი ფლობ­და დე­დო­ფა­ლი, მან ისი­ნი 2019 წელს შე­ი­ფა­რა და შე­უ­ფა­სებ­ლე­ბი არი­ან. ისი­ნი პირ­ვე­ლად ბალ­მო­რა­ლის სა­სახ­ლის ჭერს ეწ­ვივ­ნენ და დე­დო­ფა­ლი იმ­დე­ნად გა­ნაც­ვიფ­რა ღა­მუ­რე­ბის გუნ­დმა, რომ სა­სახ­ლის ჭე­რის ფან­ჯრებს დღემ­დე ღიას ტო­ვე­ბენ, რომ ღა­მუ­რებს აქ შეს­ვლის სა­შუ­ა­ლე­ბა და­უ­ტო­ვონ.
• ლონ­დო­ნის ზო­ო­პარკში იმ­პორ­ტი­რე­ბუ­ლი ორი ია­გუ­ა­რიც დე­დოფ­ლი­საა. ასე­თი ია­გუ­ა­რე­ბი მხო­ლოდ 600-ია მსოფ­ლი­ო­ში. ელი­სა­ბე­დის ორი­ვე ია­გუ­ა­რის ფასი 56 000$-ია.

კვირის პალიტრა

გააზიარეთ და მოიწონეთ სტატია:

მსგავსი სტატიები:

საქართველოს მოქალაქეები გერმანიაში დროებით ლეგალურად დასაქმდებიან დეკანოზ ბასილ კვირჩილაძის საკითხის შესწავლა  სინოდალურ ზნეობრივ კომისიას დაევალა კულტურის კომიტეტის თავმჯდომარედ ელისო ბოლქვაძის კანდიდატურას განიხილავენ “მედროვეობაც ქართული სიტყვაა და დღეს ბიძინას მოპარულ პარლამენტში ჯდომას ქვია და “მელია დასაჭერიას” ძახილს” თავდაცვის სამინისტროს ანგარიშებზე ნაშთების უზუსტობა 697 406 534 ლარია – აუდიტის სამსახური გურიის მოამბის სტატიის შემდეგ ტროტუარიდან კონსტრუქცია აიღეს ანიტა რაჭველიშვილი დედა გახდა ჩვენი ოცნება იყო ამ მიწაზე აგვეშენებინა პატარა სახლი…ყველაფერი დაარბიეს – თელავში უცხოელი წყვილი მეხუთედ გაქურდეს