სიტყვა გაექცა, შეცდომა დაუშვა, წამოსცდა ის, რაც არ უნდა ეთქვა და ახლა ცდილობს თავის მართლებას – ირაკლი კობახიძე

სექტემბრის დასაწყისში, თბილისში ყოფნისას ევროპარლამენტარმა ვილოა ფონ კრამონმა თქვა, რომ თითქოს ამერიკელი პარტნიორები ევროპარლამენტის იმ რეზოლუციის შემუშავებაში მონაწილეობდნენ რომელშიც ივანიშვილის დასანქცირებაზე იყო საუბარი. ეს ინფორმაცია „იმედთან” ინტერვიუში აშშ-ის ელჩმა საქართველოში კელი დეგნანმა უარყო.

„სიტყვა გაექცა, შეცდომა დაუშვა, წამოსცდა ის, რაც არ უნდა ეთქვა და ახლა ცდილობს თავის მართლებას. რასაც ახლა უწოდებს სისულელეს, ის თავად თქვა. სინამდვილეში ყველაფერი არის ხელის გულზე. ხელმისაწვდომია ჩანაწერები, სადაც პირდაპირ ამბობს ვიოლა ფონ კრამონი, რომ ამერიკელ პარტნიორებთან ერთად შემუშავდა ევროპარლამენტის რეზოლუციის კონკრეტულად ის ნაწილი, რომელიც სანქციებს ეხებოდა. ეს არის ჩვენთვის მიუღებელი, ისევე როგორც მთლიანად სამარცხვინო რეზოლუცია, რომელიც ამბობს, რომ სააკაშვილი და გვარამია უნდა გამოვიდნენ გარეთ, არ უნდა მოიხადონ სასჯელი მძიმე დანაშაულებისთვის. მეორე მხრივ, რეზოლუცია ითხოვს ბიძინა ივანიშვილის სანქცირებას. რა თქმა უნდა, ეს მოკლებულია ყოველგვარ ღირსებას”, – განაცხადა კობახიძემ.

„ქართული ოცნების” თავმჯდომარე ამბობს, რომ ყველა ქმედებაზე და განცხადებაზე, რომელიც უსამართლოა და ემსახურება საქართველოში სიტუაციის რადიკალიზაციას, პასუხის გაცემა აუცილებელია, ვისგანაც არ უნდა მოდიოდეს ეს. რადგან მმართველი გუნდისთვის დასავლეთი პირველ რიგში ღირებულებებია და არა ცალკეული ადამიანების განცხადებები.

„გვახსოვს, რომ 2004-2012 წლებში ამის საპირისპირო ღირებულებები იყო დამკვიდრებული ჩვენს ქვეყანაში, როდესაც დამნაშავეები არ ისჯებოდნენ და უდანაშაულო ადამიანები მრავლად იყვნენ ციხეებში. სწორედ ეს არის ღირებულებებიდან აცდენა. როდესაც იგივეს ითხოვს ევროპარლამენტის რეზოლუცია – დამნაშავეების გარეთ გაშვებას და უდანაშაულო ადამიანების დასჯას, ეს მთლიანად აცდენილია ევროპულ ღირებულებებთან”, – აცხადებს კობახიძე.

გააზიარეთ და მოიწონეთ სტატია:

მსგავსი სტატიები:

ირაკლი ჩავლეიშვილისთვის შეურაცხყოფის მიყენების ფაქტზე შინაგან საქმეთა სამინისტრომ ერთი პირი დააკავა “ოპოზიცია ცდილობს, სოციალური თუ ნებისმიერი საპროტესტო მუხტით ხელი მოითბოს” საქართველოს პირველობაზე ბერძნულ-რომაულ ჭიდაობაში პირველი ადგილი გიორგი თოხაძემ დაიკავა თავზარდამცემი ამბავი: შვილის გაუპატიურების ბრალდებით დაკავებულია მამა- როცა ამბავი ბაბუამ გაიგო თავი მოიკლა ეს საყურადღებოა… ჩვენ ვსაუბრობთ იმასთან დაკავშირებით, თუ რა რეკომენდაციები იქნება გაცემული – ეკატერინე ტიკარაძე ვაშნარის ნაქალაქარი, ქეიფი გურიანთაში თოფის სროლითა და ჯირითით გიორგი თარგამაძის ედიტორიალი: “ცარიალ მშვიდაბა..” “პირველი საბრძოლო დავალება შესრულებულია! – ოპერაცია წარმატებული იყო…ქართველების ჯგუფს ერთი ნაკაწრი არ გვაქვს…ოკუპანტებიდან ბევრი გაუყვა საიქიოს გზას”-ალეკო ელისაშვილი