„ჩვენ პარტნიორებს ვესაუბრებით საქართველოს ევროპულ მომავალზე, ევროპულ პერსპექტივებზე, კანდიდატის სტატუსთან დაკავშირებულ პროცესებზე და რა თქმა უნდა, საუბარი გვაქვს იმაზე, რომ გერმანიის როლი და მათი მხარდაჭერა განსაკუთრებით მნიშვნელოვანია ამ პროცესში“, – ამის შესახებ ბერლინში სამუშაო ვიზიტით მყოფმა „ქართული ოცნების“ თავმჯდომარე ირაკლი კობახიძემ განაცხადა.
კობახიძის თქმით, ბუნდესტაგის წევრები კარგად არიან ინფორმირებული მიმდინარე პროცესის შესახებ, მათ შორის 12 პუნქტთან დაკავშირებით.
„მათ აქვთ სათანადო ინფორმაცია, თუმცა ჩვენ ბევრად უფრო ღრმა ინფორმაციას ვაწვდით იმის შესახებ, თუ როგორ წარიმართება ეს პროცესი და როგორ ვხედავთ საქართველოს მიერ კანდიდატის სტატუსის მიღებას. ყრილობაზე არიან წარმოდგენილი ლიდერები პრაქტიკულად ევროპის ყველა ქვეყნიდან, მათ შორის არიან მმართველი პარტიების ლიდერები, პრემიერ-მინისტრები და ბუნებრივია მათი როლი ძალიან მნიშვნელოვანია როგორც ზოგადად ევროპის გაძლიერების, ასევე საქართველოს როლის გამოკვეთის კუთხით საერთო ევროპულ ოჯახში. ამ პლატფორმას ჩვენ მაქსიმალურად გამოვიყენებთ იმისთვის, რომ ჩვენი გზავნილი ჩვენი ეროვნული ინტერესები მაქსიმალურად მივიტანოთ ჩვენს პარტნიორებამდე“, – განაცხადა კობახიძემ.
ცნობისთვის, 4-15 ოქტომბერს, „ქართული ოცნების“ დელეგაცია პარტიის თავმჯდომარის, ირაკლი კობახიძის ხელმძღვანელობით, ბერლინში ევროპელი სოციალ-დემოკრატების პარტიის (PES) საერთაშორისო კონგრესში მიიღებს მონაწილეობას.
მსგავსი სტატიები:
“ახლიდან სწავლობს ცხოვრებას, სიარულს და ლაპარაკს“- ბოლო ცნობები ცოტნე გამსახურდიას ჯანმრთელობაზე
“დილის 7 საათზე მოვიდნენ” – “აფრიკაში” სახლები კიდევ დაანგრიეს
“ორი ევროპა, ორი ამერიკა, ორი საქართველო”
“ნაციონალურ მოძრაობას პარლამენტში შესვლა უნდა, მაგრამ “რცხვენია”
“არ შეწყვეტს ის კაცი შიმშილობას ამ თქვენი გოიმური დაშანტაჟებით,მოწყდით უცნობის კიდობანს,აზრზე მოდით”-დავით ზურაბიშვილი ხელისუფლებას
კანონპროექტით, მოსამართლეს ეკრძალება აზრის გამოთქმა “ზომიერების პრინციპის დარღვევით”
“ძალიან მრცხვენია იმ ქვეყნის მოქალაქე რომ ვარ…რომელსაც ასეთი კაცი აქ უზის”- ახალაია მიხეილ სააკაშვილის პატიმრობაზე
”არ მინდა რუსული ჩექმის ქვეშ გასრესილი ყოფნა..ამ ქვეყანას ღირსება შერჩა?” – ოთარ რევიშვილი