2021 წლის მონაცემებით, დასაქმებულთა საშუალო თვიური ნომინალური ხელფასი 1304.5 ლარი იყო. ამის შესახებ ინფორმაციას სტატისტიკის ეროვნული სამსახური ავრცელებს.
2021 წლის მონაცემებით, სქესის მიხედვით კაცების ხელფასი ყველა პოზიციაზე აღემატება ქალების ხელფასს. მენეჯერების პოზიციაზე ქალების ხელფასი 1863.5 ლარით განისაზღვრა, ხოლო კაცების ხელფასი – 2768.9 ლარით. გენდერული სახელფასო სხვაობა ყველაზე მაღალია არაკვალიფიციური მუშაკების პოზიციაზე, სადაც ქალების საშუალო ხელფასი მამაკაცების ხელფასს 53.5 პროცენტით ჩამორჩება.
გამოკვლევის შედეგების მიხედვით, 2021 წელს საშუალო წლიური დანახარჯი ერთ დაქირავებით დასაქმებულზე 16142.8 ლარს შეადგენდა, საიდანაც 97.0% შრომის ანაზღაურებაზე მოდის, ხოლო 3.0% – სხვა დანახარჯებზე (თანამშრომლების სოციალურ, კულტურულ-საგანმანათლებლო, კვალიფიკაციის ამაღლებისა და მსგავსი სახის ღონისძიებები).
აღსანიშნავია, რომ 2021 წლის მონაცემებით, სამუშაო ძალაზე გაწეული დანახარჯები საშუალოდ ერთ დაქირავებით დასაქმებულზე 2017 წლის შესაბამის მაჩვენებელს 32.3%-ით აღემატება.
სექტორების მიხედვით, სამუშაო ძალაზე გაწეული საშუალო წლიური ხარჯების ყველაზე მაღალი მაჩვენებელი საფინანსო და სადაზღვევო საქმიანობების სფეროში ფიქსირდება და 29 201.0 ლარი შეადგინა, ხოლო ყველაზე დაბალი – განათლების სფეროში გამოვლინდა და 10 152.9 ლარით განისაზღვრა.
მსგავსი სტატიები:
10 რამ, რაც ინტროვერტებს სურთ, რომ მათ შესახებ ვიცოდეთ
საქართველოს მოქალაქეები გერმანიაში დროებით ლეგალურად დასაქმდებიან
დეკანოზ ბასილ კვირჩილაძის საკითხის შესწავლა სინოდალურ ზნეობრივ კომისიას დაევალა
“Жизнь ворам” – ამ წარწერით დახვდნენ 51-ე საჯარო სკოლაში მოსწავლეები მანდატურის სამსახურის ხელმძღვანელს
ბათუმში, კორპუსის ჩამონგრევისას ნანგრევებში მოყოლილი მცირეწლოვანი ამოიყვანეს
“სექსი დასაშვებია, ოღონდ უკონტაქტო…მანქანა მძღოლის გარეშე…რესტორანი საჭმლის…”– ლალი მოროშკინა ღიბრაძის განცხადებას გამოეხმაურა
ქუთაისში, 28-წლიანი ლოდინის შემდეგ, წყვილს შვილი შეეძინა
„არ ჰგავს ეს ხალხი არც ტურისტს და არც დროებით ჩამოსულს” – რას წერს ზურა შევარდნაძე რუს ტურისტებზე