საქართველოს ხილის ექსპორტიორთა ასოციაციის ხელმძღვანელის, ვახტანგ ბეჟიტაშვილის თქმით, მიმდინარე წელს ექსპორტის შემცირებაა მოსალოდნელი. ამის მიზეზი შიდა მოთხოვნის ზრდაა, რაც გამოწვეულია საქართველოს ტერიტორიაზე ტურისტული ნაკადის ზრდასა და რუსეთის მოქალაქეების დიდი ოდენობით შემოსვლით.
„საქართველოში ციტრუსების სეზონი ახლაა, მაგრამ წლევანდელი მოსავალი შარშანდელთან შედარებით 20 000 ტონით ნაკლებია და მოსალოდნელი 40 000 ტონა არ იქნება იმ ხარისხის, რომ ექსპორტზე გავიდეს. რაც შეეხება ვაშლს, მოსავალი ძალიან დიდია, თუმცა პრობლემები აქაც არის, ძირითადად ხარისხსა და შეფუთვაში. გარდა ამისა, არ არის საკმარისი სამაცივრე მეურნეობები პროდუქტების შესანახად. თუ ეს ინფრასტრუქტურა არ შეიქმნება და პროდუქციის ხარისხი არ გაიზრდება, მაშინ ექსპორტზე ფიქრს აზრი არ აქვს“, – ამბობს ვახტანგ ბეჟიტაშვილი.
მისი თქმით, ამჟამად ქართული ხილისა და ბოსტნეულის ძირითადი საექსპორტო ბაზარი კვლავ რუსული ბაზარია – პროდუქციის დაახლოებით 80% რუსეთში მიდის. იყო ექსპორტი უკრაინაშიც, რომელიც ომისა და ლოგისტიკური გართულებების გამო შეჩერდა.
„დღეს რუსეთი აგრძელებს ჩვენთან ვაჭრობას, მაგრამ არავინ იცის, რა იქნება ხვალ, ამიტომ ჩვენ უნდა ვიზრუნოთ გაყიდვების ბაზრების დივერსიფიკაციაზე. საქართველოს ნამდვილად აქვს ეკოლოგიურად სუფთა პროდუქტების მოყვანის პოტენციალი, მაგრამ ამ მიმართულებით ჯერ კიდევ ბევრია გასაკეთებელი. უფრო მეტიც, საჭიროა აქტიურობა როგორც სახელმწიფო დონეზე, ასევე ასოციაციებისა და საწარმოების დონეზე, რომ სექტორი განვითარდეს და სოფლის პროდუქტები სუბსიდიებზე არ იყოს დამოკიდებული“, – აღნიშნავს ვახტანგ ბეჟიტაშვილი.
მსგავსი სტატიები:
ვინ არის ლანჩხუთელი ბიჭი, რომელსაც სწრაფი ჩარიცხვის აპარატის ქურდობის გამო 2000 ლაიანი გირაო შეეფარდა
ოზურგეთის “მედალფას” კლინიკაში კოვიდინფიცირებულმა ქალმა იმშობიარა
ზოტიყელი, ჩოხატაურის მუნიციპალიტეტი- ფოტოამბავი
საქართველო მსოფლიოში თხილის მწარმოებელი ქვეყნების შვიდეულშია
რთული პერიოდი პურზე ფასის შენარჩუნებისთვის მომდევნო ორი თვე იქნება
ვაშინგტონის შტატში კორონავირუსზე აცრილები უფასო ჯოინთის მიღებას შეძლებენ
მეუფე ზენონი დიდ ბრიტანეთს დევნილად ჩაბარდა
დეპუტატი ვასილ ჩიგოგიძე წლის ჩოხატაურელად დასახელდა