გიგიაძე თანამშრომლებს უკვე დაემშვიდობა, თუმცა, მისთვის სხვა თანამდებობა ჯერ არავის შეუთავაზებია. ფორმულას ინფორმაციით, რეზერვში მას სწორედ ივერი მელაშვილის და ნატალია ილიჩოვას მხარდაჭერისთვის უშვებენ – საკითხი უმაღლეს დონეზე გადაწყდა. გიგიაძემ ფორმულას უთხრა, რომ თებერვალში იწურება მისი ელჩობის 4-წლიანი ვადა და რომ ჯერ არ არის გადაწყვეტილი, სად გააგრძელებს კარიერას. თუმცა, არ უპასუხა კითხვას, არის თუ არა ამის მიზეზი ივერი მელაშვილის და ნატალია ილიჩოვას საქმე. გიგი გიგიაძე კარიერული დიპლომატია. ბოლო 4 წლის განმავლობაში ის დანიის სამეფოში საქართველოს ელჩის მოვალეობას ასრულებდა. ის ერთადერთია ქართველ დიპლომატთა შორის, რომელმაც ივერი მელაშვილს და ნატალია ილიჩოვას მხარდაჭერა გამოუცხადა. 7 ოქტომბერს, კარტოგრაფების დაკავების დღეს გიგიაძემ ფეისბუქზე დაწერა, რომ მათ მიმართ წარდგენილი ბრალდებები აბსურდული და საღ აზრს მოკლებულია. მისი თქმით, მელაშვილი საქართველოს პატრიოტი და პროფესიონალია და იმედი გამოთქვა, რომ “სრულიად უდანაშაულო, თავის ქვეყანაზე შეყვარებული ადამიანი მალევე გათავისუფლდება”. მომდევნო დღეს, 8 ოქტომბერს საქართველოს საგარეო საქმეთა მინისტრმა, დავით ზალკალიანმა თქვა, რომ გიგიაძეს ხელისუფლებისთვის “უნდა ეკითა მანამ, სანამ ასეთ განცხადებას გააკეთებდა”. ირაკლი კობახიძის შეფასებით კი, გიგი გიგიაძემ კარტოგრაფებისთვის მხარდაჭერის გამოცხადებით “უხეშად დაარღვია დიპლომატიური საქმიანობის სტანდარტები”.
მსგავსი სტატიები:
“ერთხელ მაინც შეგრცხვეთ, ერთხელ მაინც დაფიქრდით”!!!
“მე ყოველთვის ვხელმძღვანელობდი სამართლიანობის, კეთილსინდისიერების პრინციპებით”… ანა მიქელაძემ ცესკო დატოვა
რა შემთხვევაში იქნება “ოცნება” იძულებული დანიშნოს ხელახალი არჩევნები?
“აშშ_მ დღეს მსოფლიოს წინაშე ჩააბარა გამოცდა დემოკრატიაში”
პუტინს სურს დემოკრატიას ძირი გამოუთხაროს, პრეზიდენტმა მას საჩუქარი გაუკეთა – ნენსი პელოსი
შეძლებს თუ არა მელია სააკაშვილის ჩანაცვლებას?
“ხელისუფლება ჯიუტად აგრძელებს პოლიტიკას მომავალი თაობის წინააღმდეგ”
რა წერია წერილში, რომელიც გიორგი გახარიამ აშშ-ს პრეზიდენტს მისწერა