“რაც შეეხება ე.წ. ფარულ ურთიერთობებს რუსეთთან….ესეც არის იმ პროპაგანდის ნაწილი….რაშიც ერთი მილიონი დოლარია გადახდილი”-შალვა პაპუაშვილი

უკრაინის მხარდამჭერი ქვეყნების კოალიციაში, საქართველო ერთადერთი ქვეყანაა, რომელსაც არ აქვს დიპლომატიური ურთიერთობა რუსეთთან. მე მგონი, ამით ყველაფერი ნათქვამია, – ამის შესახებ საქართველოს პარლამენტის თავმჯდომარემ შალვა პაპუაშვილმა ჟურნალისტებთან საუბრის დროს განაცხადა.

როგორც შალვა პაპუაშვილმა აღნიშნა, რუსეთთან ე.წ. ფარული ურთიერთობა არის იმ პროპაგანდის ნაწილი, რაშიც ერთი მილიონი დოლარია გადახდილი.

მისი თქმით, მიუხედავად იმისა, რომ საქართველოს რუსეთთან სახმელეთო საზღვარი აქვს და სანქციის დარღვევის დიდი რისკია, არცერთი ასეთი ფაქტი არ მომხდარა და არ დადასტურებულა.

,,რაც შეეხება, ე.წ. ფარულ ურთიერთობებს რუსეთთან, ესეც არის იმ პროპაგანდის ნაწილი, რაშიც ერთი მილიონი დოლარი არის გადახდილი და აი, ამ პროპაგანდით ცდილობენ საქართველოს დაზიანებას და რა თქმა უნდა, ამ შემთხვევაში, მედია უნდა იყოს ფრთხილი და მობილიზებული იმისთვის, რომ ასეთ პროპაგანდას არ აყვეს. საქართველოს ხელისუფლება და მე მგონი, ამაში დარწმუნდა ყველა, რომ ქვეყნის შიგნითაც და ქვეყნის გარეთაც აკეთებს ერთადერთ საქმეს, ეს არის ქართული საქმე და ის საქმე, რომელიც ჩვენს საზოგადოებას და ჩვენს მოსახლეობას ჭირდება. მე მგონი, როდესაც შევაჯამებთ ჩვენ 2022 წელს, ამაში ყველა ვრწმუნდებით იმით, რომ ერთი, ჩვენ საერთაშორისო არენაზე აბსოლუტურად პატიოსნად და კეთილსინდისიერად ვართ იმ კოალიციის ნაწილი, რომელიც გვერდში უდგას უკრაინას და უკრაინელ ხალხ. ჩვენ ვართ ქვეყანა, რომელიც არის რუსეთთან მოსაზღვრე ქვეყანა და შესაბამისად, რა თქმა უნდა, რისკები სანქციის დარღვევის არსებობს, როდესაც არის პირდაპირი სახმელეთო საზღვარი, მაგრამ ამ პერიოდში, არცერთი ფაქტი, მიუხედავად იმისა, რომ მილიონი დოლარის გადახდილი კამპანია მიმდინარეობს საქართველოს წინააღმდეგ და სამწუხაროდ, ბრალდებები გვესმის ქართველი პოლიტიკოსებისგან და მედიისგან და ჩართულები არიან პირდაპირ საკუთარი სამშობლოს წინააღმდეგ კამპანიაში. სანქციების გვერდის ავლის არცერთი ფაქტი, ნული ფაქტი დადასტურდა,’’ – განაცხადა შალვა პაპუაშვილმა.

გააზიარეთ და მოიწონეთ სტატია:

მსგავსი სტატიები:

კობიაშვილი: წინა ხელისუფლებამ რაც გლდანს გაუკეთა, ააშენა ციხე და გაავსო ჩვენი მოქალაქეებით რიგში მდგომი ამომრჩევლები 8 საათის შემდეგაც მისცემენ ხმას – ცესკო “იმედია ბოლოს ვიტყვი რომ ეს ამად ღირდა” ნიკა მელიას პატიმრობა შეეფარდა ანრი ოხანაშვილი: „ამნისტია გავრცელდება ყველა პირზე“ აღდგომის ღამეს გადაადგილება რამდენიმე საათით შესაძლებელი იქნება ”სააკაშვილი სერიოზულად მუშაობს დანარჩენებზე – დანარჩენი ვართ მიმდევრები”-სანიკიძე ასეთი მოქმედებები აწყობს ნაცმოძრაობას და მის კლასტერს – მდინარაძე ქუთაისში რუსეთის დროშის გამოფენაზე