დაიწყეს უკვე „ოცნების თამაში“, „ორპოლუსიანობა ბიძინას აწყობს“ და ა.შ. სწორედ ესაა ოლიგარქის ნარატივი – მიხეილ სააკაშვილის განცხადება

მიხეილ სააკაშვილი კიდევ ერთ განცხადებას ავრცელებს და იმ გამოხმაურებებს აფასებს, რომელიც მისი ქართულ პოლიტიკაში დაბრუნების განაცხადს მოჰყვა.

საქართველოს მესამე პრეზიდენტი კიდევ ერთხელ საუბრობს ერთიანობის მნიშვნელობაზე და წერს:

“დაიწყეს უკვე „ოცნების თამაში“, „ორპოლუსიანობა ბიძინას აწყობს“ და ა.შ. სწორედ ესაა ოლიგარქის ნარატივი. მერე ვინ გიშლით ხელს – შექმენით მეორე, მესამე, მეხუთე პოლუსი და გაანძრიეთ ხელი. მე პრაქტიკულად ხელფეხშეკრული ვარ.

საბოლოო ჯამში ყველა გაერთიანებისკენ უნდა წავიდეთ და დიდ ერთობას ალტერნატივა არა აქვს. ჯერ გავერთიანდეთ თემატურად მაგალითად კინოცენტრის თემაზე, სამედიცინო რეგულაციების თემაზე, მიგრაციის საკითხებზე.

ვისწავლოთ ერთად შედეგის მიღწევა. არავის არ უნდა დაველოდოთ, მითუმეტეს ოლიგარქის შემოგდებულ ყალბ თემებს. არსებობს რეალური გამოწვევები და ყველამ სათითაოდ უნდა ირწმუნოს საკუთარი თავის ძალის და როცა ერთიანი ნაციონალური მოძრაობის, გირჩის, ლელოს, სტრატეგია აღმაშენებლის წარმომადგენლები კონკრეტულ საკითხზე ერთად დასხდებიან და გადაწყვეტენ მას, მერე და მერე უფრო გაადვილდება ერთობის შექმნა არა ილუზიური საარჩევნო სიების, არამედ საქართველოს გადარჩენის გარშემო.

რაც შეეხება ჩემს მეტ ჩართულობას, ეს პირველ რიგში პუტინისთვის და ივანიშვილისთვისაა ცუდი ამბავი, რადგან მე ვერ გამტეხეს (ნუ ჯანმრთელობას სამწუხაროდ არ ვგულისხმობ).

ერთხელ უკვე გადავდე სიცოცხლე საქართველოსთვის, როცა არ დავტოვე თბილისი 2008-ში, მეორეჯერ 2021-ში და ეს სიცოცხლე ახლა ეკუთვნის ამ ჩვენს საერთო, ქართულ-უკრაინულ ბრძოლას.” ნათქვამია მიხეილ სააკაშვილის განცხადებაში.

გააზიარეთ და მოიწონეთ სტატია:

მსგავსი სტატიები:

ჩვენ ნიკა მელიას გადავეფარებით- შალვა ნათელაშვილი ჩემი დიდი სურვილია, რომ ნიკა მელია აღდგომას შეხვდეს სახლში – სამადაშვილი “ეს კაცუნა, ირაკლი კობახიძის სიძე, წლების წინ ჩემი სტუდენტი იყო, იქაც “პა ბლატუ” მოხვდა, ამბიციური “ტუპიაკი”- ნიკა გვარამია EMA-მ Pfizer-ისა და Moderna-ს ბუსტერ დოზის გამოყენება დაუშვა | ვის შეეძლება მესამე დოზით აცრა დაკავებულია “ოცნების” ზონდერი ფარნა მახოხაშვილი “აი სისონაი (დარჩია) ნამეტანი მაგარი კაჩაღი იყო, შამოგითლიდა ამ და ამ სალიკა დადევი ამდონი და ამდონი ფულიო”-ირაკლი მახარაძე გავრილოვს ბოდიში ხომ არ მოვუხადოთ დაჩოქილებმა? – ქაცარავა კობახიძეს ნონა მამულაშვილი ნაციონალური მოძრაობის თავმჯდომარეობის არჩევნებში მონაწილეობას მიიღებს