გურიაში სტიქიის ზონაში ქვიშა ხრეშის მოპოვებაზე ლიცენზიების გაცემას აპროტესტებენ

გარემოს დამცველები და ოზურგეთის საკრებულოს დეპუტატები შეიკრიბნენ დღეს, მდინარე სუფსის სანაპიროსთან, სოფელ ბაილეთში და მინერალური რესურსების სააგენტოს მიერ, სტიქიის ზონაში, ინერტული მასალების მოპოვების მიზნით ლიცენზიების გაცემა გააპროტესტეს.

გარემოს დამცველის, ირმა გორდელაძის განცხადებით, გურიაში დატრიალებული სტიქიური უბედურებიდან რამდენიმე თვეც კი არაა გასული და მინერალური რესურსების სააგენტომ ათზე მეტი ლიცენზია გასცა ჩოხატაურში, ლანჩხუთსა და ოზურგეთში-მდინარეებში სუფსა, ნატანები და ბჟუჟი – ინერტული მასალების მოპოვების მიზნით:

“მაშინ როცა, გასულ წელს გურიაში დატრიალებული უბედურების ერთ ერთ შესაძლო მიზეზად,, მდინარეებიდან ინერტული მასალის ჭარბი და უკონტროლო მოპოვება დასახელდა, რამაც დიდი ალბათობით გამოიწვია მეწყრული პროცესები, ხელისუფლება კიდევ უფრო ართულებს მდგომარეობას და ლიცენზიებს ინერტული მასალის მოპოვებაზე – ლანჩხუთში, ჩოხატაურსა და ოზურგეთში – სტიქიის ზონაში, გასცემს, რაც კატასტროფულ შედეგებს გამოიწვევს”

უთხრა ადგილზე, გარემოს დამცველმა, ირმა გორდელაძემ “გურიის მოამბეს”

ოზურგეთის საკრებულოს დეპუტატი, დავით მჟავანაძე “ქართული ოცნების” ხელისუფლების დანაშაულზე საუბრობს:

“მაშინ როცა სტიქიამ მსხვერპლი გამოიწვია და ასეულობით ოჯახი დარჩა ღია ცის ქვეშ, დაუშვებელია სტიქიის ზონაში ლიცენზიების გაცემა, ეს დანაშაულია” გვითხრა მჟავანაძემ.

გარემოს დამცველები და ოზურგეთის საკრებულოს დეპუტატები, მინერალური რესურსების სააგენტოსაგან – გურიაში – სტიქიის ზონაში – ლიცენზიების გაცემის შეჩერებას მოითხოვენ.

მდინარე სუფსის სანაპიროს ბაილეთის მონაკვეთზე, ერთ ერთი კომპანია, მინერალური რესურსების სააგენტოს მიერ, მიმდინარე წლის 3 თებერვალს გაცემული ლიცენზიის საფუძველზე – ინერტული მასალის მოპოვებას ახორციელებენ.

კომპანიის წარმომადგენლის თქმით, მიმდინარეობს გასწორხაზოვნება.

გააზიარეთ და მოიწონეთ სტატია:

მსგავსი სტატიები:

რას ნიშნავს, იყო მუსლიმი საქართველოში “უმნიშვნელოვანესი ნაბიჯი გადავდგით,ეს საქართველოს გამარჯვებაა” მახარაძის “სიხარული”, ლანჩხუთის “გურია” – 4:0 (1959 წელი) უკრაინის მზადება მოსალოდნელი ომისთვის – ქვეყანაში მოხალისეებს ამზადებენ “ეს ის საქართველოა, სადაც მტერი ქართველების თავებით ფეხბურთს თამაშობდა, დინამოზე კი მოსკოვის “ტორპედოსთან” მატჩი იმართებოდა” „ბრიტანეთი აღარასოდეს იქნება ისეთი, როგორიც ელისაბედის დროს იყო“ – რა ელის გაერთიანებულ სამეფოს დედოფალ ელისაბედის გარეშე? ხვიჩას “ნაპოლი” ჩემპიონთა ლიგაზე “მილანს” დაუპირისპირდება – წილი ნაყარია მოსკოვი თბილისისგან მოითხოვს, ოკუპირებულ რეგიონებთან ე.წ საზღვრის დელიმიტაციის პროცესი დაიწყოს