გურიის სოფლის მეურნეობა გასული საუკუნის დასაწყისში

გასული საუკუნის დასაწყისში გურიაში გლეხებს მოყავდათ შემდეგი ერთწლიანი სასოფლო- სამეურნეო კულტურები: სიმინდი, ბრინჯი, პური, ქერი, ჭვავი, ფეტვი, ლობიო, სოიო, ღომი, ხანჭკოლა, ბამბა, ჭადის ჭადი, შვრია, თამბაქო და კანაფი.

“აქ თესავდნენ ჭვავს, ქერს, სიმინდს, ღომს, ფეტვს, ჭადის ჭადს, ლობიოს, სოიოს.”

(ივლიანე ბასილის-ძე ხუხუნაიშვილი 83 წლის, სოფ. ზემო აკეთი ჩაწერილია 1963 წელს)

“აქ თესავდნენ ღომს, სიმინდს, ქერს, ჭვავს, ჭადის ჭადს, ლობიოს, ბამბას.”

(ივანე გიორგის-ძე რამიშვილი 76 წლის, სოფ. დიდი ვანი ჩაწერილია 1963 წელს)

“აქ ითესებოდა სიმინდი, ღომი, ქერი, ჭვავი, ჭადის ჭადი.”

(მელქისე ფარნაოზის-ძე სანიკიძე 75 წლის, სოფ. ზემო სურები – ჩაწერილია 1963 წელს)

“აქ ძველად მოყავდათ სიმინდი, ღომი, ჭვავსაც თესავდნენ, ხანჭკოლას (რომელიც უნდა მოიხარშოს და მერმეთ ერთი კვირა მოხარშული წყალში უნდა გქონდეს, მერმეთ მარილწაყრილი იჭმება), ფეტვს, შვრიას, ჭადის ჭადს.”

(სამსონ ბეჟანის-ძე ჩიტაიშვილი 80 წლის. სოფ. ზედა ბახვი – ჩაწერილია 1958 წელს)

“თესდენ სიმინდს, ღომს, ქერს, ჭადის ჭადს, ჭვავს, პური არ იქნა ადგილობრივ, კრუპა ძალიანი კეთდდებოდა.”

(ქრისტეფორე საბას-ძე აფხაზავა 85 წლის, ჩაწერილია 1963 წელს სოფ. ნიგვზიანი)

მომზადებულია ჯულიეტა რუხაძის ეთნოგრაფიული ჩანაწერების მიხედვით.