ევროკავშირი ზაზა გახელაძის დაუყოვნებლივ გათავისუფლებას ითხოვს

ევროკავშირი მოითხოვს ზაზა გახელაძის დაუყოვნებლივ გათავისუფლებას. ამის შესახებ ევროკავშირის ელჩის კარლ ჰარცელის განცხადებაშია ნათქვამი.

„დღეს საქართველოს თვითგამოცხადებული რეგიონის სამხრეთ ოსეთის დე ფაქტო ხელისუფლებამ ბ-ნ ზაზა გახელაძის უკანონო პატიმრობა თორმეტი წლით და ექვსი თვით გააგრძელა.

ევროკავშირი მოითხოვს ბ-ნ გახელაძის დაუყოვნებლივ გათავისუფლებას.

2020 წლის 11 ივლისს მისი უკანონო დაკავების შემდეგ, ევროკავშირი მის მყისიერ გათავისუფლებას დაჟინებით მოითხოვს, მათ შორის ევროკავშირის სადამკვირვებლო მისიის მიერ მართული ცხელი ხაზის მეშვეობით და ერგნეთის ინციდენტების პრევენციისა და მათზე რეაგირების მექანიზმის (IPRM) და ჟენევის საერთაშორისო დისკუსიების ფარგლებში.

ამ კონტექსტში, ევროკავშირი რუსეთის ფედერაციას ასევე ახსენებს მისი პასუხისმგებლობის შესახებ ადამიანის უფლებათა ევროპული სასამართლოს მიერ 2021 წლის 21 იანვრას მიღებული გადაწყვეტილების შესაბამისად.

ევროკავშირი მტკიცედ უჭერს მხარს საქართველოს სუვერენიტეტსა და ტერიტორიულ მთლიანობას მის საერთაშორისოდ აღიარებულ საზღვრებში და გააგრძელებს ადმინისტრაციული საზღვრების გასწვრივ მცხოვრები კონფლიქტის შედეგად დაზარალებული მოსახლეობის ადამიანის უფლებებისა და უსაფრთხოების მდგომარეობის საკითხების მოგვარებას ჟენევის საერთაშორისო დისკუსიებისა და ინციდენტების პრევენციისა და მათზე რეაგირების მექანიზმის (IPRM) შეხვედრების ფარგლებში“, – ნათქვამია კალრ ჰარცელის განხადებაში, რომელსაც საქართველოში ევროკავშირის წარმომადგელობა ავრცელებს.

გააზიარეთ და მოიწონეთ სტატია:

მსგავსი სტატიები:

ენმ-ს ლიდერები კელი დეგნანსა და კარლ ჰარცელს ხვდებიან “ქვეყანას მართავს მაფიოზურ- ტერორისტული ოჯახი” Forbes-მა ივანიშვილის ქონება $3.3 მილიარდამდე შეამცირა “განა შეიძლება ვაჟკაცობად ითვლებოდეს ადამიანთან ურთიერთობის გარკვევა, როდესაც მას შანსიც კი არა აქვს თავისი სიმართლე დაიცვას” ლიეტუვა საქართველოს 15 ათას დოზა ვაქცინას გაუგზავნის “ოლიგარქია თავისით არ მიდის არა!!!!!ერთი დიდი ” მიწოლა” და ძირს არის ჩათვალეთ ოლიგარქია” “მოგვწონს თუ არ მოგვწონს ცალკეული დეტალები, წილი ნაყარია! რუბიკონი გადალახულია! ბრძოლა ქვეყნის გადასარჩენად დაიწყო! „ეს არის საბოტაჟის მოსურნე ჯგუფი,მათთვის მიშელის დოკუმენტი რაღაც ფურცელია, რომელსაც, როცა სჭირდებათ, მაშინ აფრიალებენ”