სახელების და გვარების ჩანაცვლებას რა მნიშვნელობა აქვს?! – ეს არის თვითაღიარებული მთავრობა, რომელსაც არავინ ართმევს ხელს და არავის უნდა მათ გვერდით ჯდომა, ესაა ფაქტი, – ასე შეაფასა ყოფილმა სახალხო დამცველმა და პლატფორმა “საქართველოს ევროპული ორბიტის” დამფუძნებელმა, ნინო ლომჯარიამ საგარეო საქმეთა მინისტრის კანდიდატად მაკა ბოჭორიშვილი წარდგენა.
მისივე თქმით, „ოცნებაში“ იქმნიან ილუზორულ გარემოს, ირგებენ პარლამენტის და მთავრობის როლს.“
მეცოდებიან, რადგან პირველ რიგში მათ იციან, რომ არჩევნები არ მოუგიათ და გააყალბეს. დღეს უწევთ ითამაშონ და საკუთარი თავი დაარწმუნონ, რომ მოიგეს. არჩევნები გაყალბდა სისტემურად, ორგანიზებულად, ის არ იყო თავისუფალი, თანასწორი დაფარული, ამიტომ არჩევნების შედეგები არ გამოხატავს ქართველი ხალხის ნებას”, – ამბობს ლომჯარია.
რაც შეეხება საპრეზიდენტო არჩევნების თარიღის ჩანიშვნას – ყოფილი სახალხო დამცველი მიიჩნევს, რომ პრეზიდენტის შეცვლა სწრაფად იმიტომ უნდათ, რადგან ის ერთადერთი ინსტიტუტია, რომელიც პარტიული კონტროლის ქვეშ არ არის.
მთელმა მსოფლიომ იცის, რომ ეს არჩევნები გაყალბდა და ვერ მოიწვიეს ვერცერთი ელჩი. სახლობანას თამაშობენ, როლები აქვთ გადანაწილებული. პრეზიდენტის ინსტიტუტი კი ერთადერთი ინსტიტუტია, რომელიც არ არის პარტიული კონტროლის ქვეშ და იღებს დამოუკიდებელ გადაწყვეტილებებს, ამიტომ მათთვის დისკომფორტია, ყოველი დღე ზურაბიშვილის პრეზიდენტად ყოფნა“, -დასძინა მან.
მსგავსი სტატიები:
ჯინაზე აკეთებენ რომ სააკაშვილს წინასაარჩევნოდ ბრალი წაუყენონ-თაკო ჩარკვიანი მელაშვილს მხარს უჭერს
სახელმწიფომ უნდა უზრუნველყოს, რომ ჩვენი სიწმინდეები დარჩეს საზღვრის აქეთ- ანდრია ჯაღმაიძე
მეუფე სტეფანე: “სიბილწის პროპაგანდა არავითარ შემთხვევაში არავის უფლება არ არის”
ზუგდიდში ავტოსაგზაო შემთხვევის შედეგად ერთი ადამიანი გარდაიცვალა, ორი დაშავდა
რა შედეგებით დასრულდა NATO-ს დღევანდელი სამიტი – ზელენსკის ისტორიული მიმართვა ალიანსს
უკრაინელებმა ხერსონის ოლქში რუსების ბაზები და საწყობები გაანადგურეს
ვიდეო: ახალი თაობა ჰიდროენერგეტიკაში
„მივიღე სამართლიანი გადაწყვეტილება, ჩემს სინდისზე და სხდომაზე გამოკვლეულ მტკიცებულებებზე დაყრდნობით”-მოსამართლე ხუჭუა