“ჩემი ქვეყნის თავისუფლებაზე უზენაესი ღირებულება არ არსებობს”

მომღერალი სოფო ბათილაშვილი სოციალურ ქსელში ქვეყანაში მიმდინარე მოვლენებს ეხმაურება და წერს, რომ მას რუსეთი და რუსული პოლიტიკა არ სურს, მისთვის უზენაესი საქართველოს თავისუფლებაა და ამიტომ, არც რუსულ შოუბიზნესში ჩართვა უნდა.

„ყველას გაქცევა უნდა აქედან, ყველას, ვისზეც სახელმწიფო წესით, იმედს უნდა ამყარებდეს.

ძალიან ძნელია, ვინმე ამის გამო გააკრიტიკო, იმდენად არასტაბილურ, ჩამყაყებულ და სრულიად მორღვეულ ქვეყანაში ვცხოვრობთ, სადაც ოდნავი სანდოობის განცდაც კი არ გაქვს.

რაც დილის გადაცემაში ვმუშაობ, უფრო ახლოს მომიწია სხვადასხვა სფეროებში დამდგარ პრობლემებთან სახის გასწორება და უფრო მეტად მაღიზიანებს ხელისუფლების უსაქმურობა.

მელიას დაიჭერდნენ თუ ტურას, აქ ამაზე არაა საუბარი. აქ იმაზეა საუბარი, რომ ოპოზიციაზე შურისძიება იყო მოტივი და არა კანონი. კანონი და მორალური ღირებულებები რომ ადარდებდეთ, გავრილოვს პარლამენტში ურცხვად არ გამოსვამდნენ.

კანონის აღსრულების მოტივით ოპოზიციური ლიდერი დაიჭირეს მათ, ვინც არჩევნები გააყალბა და საკუთარი ოჯახის წევრებს, ნათესავებს, მეგობრებს, შვილებს ხმები მოპარა.

ჩრდილოეთზე ბევრი მსმენია და ზუსტად ვიცი, რომ საერთოდ არ მინდა მაგ რეალობაში ცხოვრება.

არ მინდა რუსული პოლიტიკა, არ მინდა რუსეთი! არ მინდა არც კარიერული წარმატებისთვის, არც ფულისთვის და არც რამენაირი ბროლის კოშკებისთვის.

ჩემი ქვეყნის თავისუფლებაზე უზენაესი ღირებულება არ არსებობს ბუნებაში.” – წერს მომღერალი.

გააზიარეთ და მოიწონეთ სტატია:

მსგავსი სტატიები:

ჩემთვის გუშინდელი დღის გმირები მუსლიმი დედები არიან… საკუთარი შვილებისაგან ქრისტიანთა შვილების დასაცავად თავგანწირულები არ დავუშვებთ რელიგიურ ნიადაგზე პროვოკაციებს- პრემიერი ბუკნარის ინცინდენტზე პაატა ბურჭულაძე არ გამორიცხავს, რომ პოლიტიკაში დაბრუნდეს ნიკა მელიას სასამართლო სხდომა გადაიდო გიგა ბოკერია “ევროპული საქართველოს” თავმჯდომარედ აირჩიეს საქართველოში, სავარაუდოდ, 6 ქვეყნის საგარეო საქმეთა მინისტრი ჩამოვა ფრიდონ ინჯია თამარ ჟვანიას: “უნდა მოგიხადოთ ბოდიში იმ, პირდაპირ რომ ვთქვათ, შეურაცხყოფების გამო” გახარია სააკაშვილთან შეხვედრაზე: “ერთ სასტუმროში ვიყავით ერთი ღამე, მაგრამ გადაკვეთა არ გვქონია”