ჩემთვის გუშინდელი დღის გმირები მუსლიმი დედები არიან… საკუთარი შვილებისაგან ქრისტიანთა შვილების დასაცავად თავგანწირულები

ჩემს ცხოვრებაში არ დამავიწყდება კადრები, რომელიც საკუთარი თვალით ვიხილე გუშინ ბუკნარში: მას შემდეგ, რაც მუსლიმი თემის წარმომადგენლებმა პოლიციის კორდონი გაარღვიეს და სოფლის ცენტრისაკენ სირბილით წავიდნენ – სადაც ადგილობრივი ქრისტიანები იყვნენ შეკრებილნი – მე პოლიციის კორდონის უკან ვიდექი და შესაბამისად, სოფლის ცენტრისკენ სირბილით მიმავალი დემონსტრანტების თავში მოვექეცი – რაც შემეძლო მივრბოდი, თუმცა ჩემი ფიზიკური შესაძლებლობები აშკარად ჩამორჩებოდა დემონსტრანტებისას..
უცებ სოფლის ცენტრამდე დაახლოებით 400 მეტრში – ათამდე მუსლიმმა ქალმა გამასწრო სირბილით, მათ უმრავლესობას ხელში მოხდილი თავშალი ეჭირა, სახეზე აშკარად სასოწარკვეთილები იყვნენ და ერთმანეთს შეძახილებით ამხნევებდნენ – ქალებო იქნებ მივასწროთ ჩვენებს და ხალხს გადავეფაროთო, ასე ამხნევებდნენ ისინი ერთმანეთს, რომ სირბილი არ შეენელებინათ…
მათ იმ წუთისათვის არ იცოდნენ, რომ პოლიციამ, კორდონის გარღვევამდე რამდენიმე წუთით ადრე ,სოფლის ცენტრში მართლმადიდებელთა პარალელური აქცია, ნაწილობრივ დაშალა. ნაწილობრივ, რადგან გარკვეულმა ნაწილმა თავი იქვე ცენტრში მოქმედ ეკლესიას შეაფარა… შემზარავი სურათი იყო… მივრბოდით ბუკნარის ცენტრალურ გზაზე, ჯერ დემონსტრანტები, შემდეგ ოპერატორები და ჟურნალისტები, ბოლოს კი დემორალიზებული პოლიციელები (რომლებმაც სხვათაშორის 10-15 წუთში შეძლეს ძალების კონცენტრირება და სოფლის ცენტრში მორიგი კორდონი-უკვე სოლიდური-გააკეთეს) და მუსლიმი დედები…
გზის გაღმა-გამოღმა, ეზოებში გამოფენილი ადგილობრივების ნაწილი გვწყევლიდა, ნაწილი გვლოცავდა, ნაწილი ჟურნალისტებს გვაგინებდა და უფრო მეტი ხელისუფლებას… დავასწრებ მოვლენებს და ვიტყვი, რომ ყველაფერი ასე თუ ისე, კარგად დასრულდა და გურია “შავ კალანდას” გადაურჩა, თუმცა ამ ხელისუფლების ხელში ფაქტია, რომ “მშვიდობა” მყიფეა, მოლაპარაკებებში მონაწილეებს არცერთი მხარე არ ენდობა და სიტუაცია უაღრესად კრიტიკული, ანუ როგორიც იყო ისეთივე, რჩება. ეს დიდი თემააა და ამაზე მოგვიანებით , მაგრამ ახლა პირად ემოციაზე ვწერ: ჩემში, გუშინდელი ბუკნარის მოვლენებისას, დღის გმირები ის მუსლიმი ქალები არიან, რომლებიც სოფლის ცენტრისაკენ თავდაუზოგავად, თავგანწირულად მირბოდნენ, მირბოდნენ იმისათვის, რომ საკუთარი შვილებისა და ქმრებისაგან ადგილობრივი ქრისტიანების შვილები და ქმრები დაეცვათ… მათ განსაკუთრებით წყევლიდნენ და აგინებდნენ, მაგრამ ისინი ამას ყურადღებას არ აქცევდნენ, რადგან იცოდნენ რას აკეთებდნენ და იმ წუთებში მორალურად ყველაზე მაღლა იდგნენ, ყველაზე, ვინც ბუკნარის გუშინდელ მოვლენებში მონაწილეობდა… მათზე აუცილებლად უნდა დამეწერა. ძალიან ვწუხვარ, რომ ჩემთან ერთად იმ წუთებში ეს ვერავინ დაინახა ან ვერ შენიშნა, ვწუხვარ, რადგან ამას, ალბათ, ჩემზე ასჯერ უკეთესად აღწერდა.
ლადო მენაბდე
გააზიარეთ და მოიწონეთ სტატია:

მსგავსი სტატიები

  • 99
    ცხრა აპრილის ქვეყანა  რა მივუტანეთ 9 აპრილს? დიახ, დიახ - რა მოგვიტანა კი არა, რას ელის ჩვენგან 9 აპრილი პარლამენტის წინ მდგარ მონუმენტთნ ყვავილების თაიგულისა და დანთებული სანთლის გარდა? ვიცით, რომ თარიღს თავისთავად არანაირი მნიშვნელობა და ღირებულება არ აქვს. ის ძვირფასი ხდება ჩვენთვის იმ დღეს მომხდარ მოვლენასთან თუ მოქმედ პირებთან ემოციური და…
    Tags: და, რომ, მთავარი, თემა, ახალი, ამბები, პოლიტიკა
  • 99
    "ძვირფასო კენტ,დაუყოვნებლივ და გადაუდებლადაა საჭირო უმკაცრესი ფინანსური სანქციები ივანიშვილისა და მისი გარემოცვის მიმართ""ამერიკის შეერთებული შტატების სახელმწიფო მდივნის მოადგილის თანაშემწეს, ბატონ ჯორჯ კენტს ძვირფასო კენტ, თქვენ მიერ სენატში საქართველოს საკითხებისადმი მიძღვნილ სხდომაზე საქართველოს რუსი დიქტატორ-ოლიგარქის, პუტინის გარემოცვის წევრ მილიარდერ ბიძინა ივანიშვილისა და მისი მმართველი პარტიის გათეთრების მცდელობამ საქართველოში გამოიწვია შოკი. თქვენ საჩუქარი გაუკეთეთ ივანიშვილს, როდესაც გამოაცხადეთ ის პროდასავლური კურსის მიმდევრად, საქართველოში პუტინის სცენარით…
    Tags: და, რომ, არ, მთავარი, თემა, ახალი, ამბები, პოლიტიკა
  • 99
    "ავანტიურისტი შულერი, "ოცნების მზე", რომელმაც ყველა გადააგდო"- გიორგი თარგამაძე ივანიშვილზე"ცუდი მენეჯერი, თუ შულერი?! გვითხრა რომ წავიდა... საკითხავად 15-გვერდიანი წერილი და მოსასმენად 1-საათიანი ინტერვიუ დაგვიტოვა. დაგვამადლა მენეჯერული სუპერ თვისებები, მილიარდიანი ქველმოქმედება და კიდევ უფრო დიდი ქველმოქმედება, რაც თურმე მისი პოლიტიკაში ყოფნა ყოფილა. აღარ დამირეკოთო თქვა და კარი გაიჯახუნა… წავიდა, არწავიდა, სად წავიდა - გვირილას ფოთლების პუტვას და მარჩიელობას თავი რომ დავანებოთ, საინტერესოა დავფიქრდეთ მართლა რა დაგვიტოვა…
    Tags: და, რომ, მთავარი, თემა, ახალი, ამბები, პოლიტიკა
  • 99
    "როდესაც საქმეს თავდადებით აკეთებ, მაშინ მოდიხარ მანკიერ სისტემასთან წინააღმდეგობაში""პოლიტიკა ბინძური საქმეა!.. სახელმწიფო მანქანას კი ვერ მოერევი. ამიტომ, იყავი შენთვის, აკეთე შენი საქმე კეთილსინდისიერად, პროფესიონალურად და პოლიტიკა და სიბინძურე შენ არ შეგეხება.." - ბევრჯერ მსმენია ასეთი რჩევა, თუმცა ყოველთვის მიმაჩნდა, რომ ეს მცდარი და მეტიც, ცუდი რჩევაა. სინამდვილეში პირიქითაა: როდესაც საქმეს თავდადებით, ენთუზიაზმით და პროფესიონალურად აკეთებ, სწორედ მაშინ მოდიხარ…
    Tags: და, არ, რომ, მთავარი, თემა, ახალი, ამბები, პოლიტიკა