,,რასაც საქართველოში ვხედავთ კლასიკური რუსული სახელმძღვანელოა” – ევროპარლამენტარი ლენა შილინგი

,,რასაც საქართველოში ვხედავთ კლასიკური რუსული სახელმძღვანელოა” – ამის შესახებ  ევროპარლამენტარმა ლენა შილინგმა განაცხადა.

მან საქართველოზე სტრასბურგში, ევროპარლამენტის პლენარულ სესიაზე ისაუბრა.

მისი თქმით, ევროპარლამენტარები საქართველოს საკითხს განიხილავენ, რათა ქართველ ხალხს უთხრან – “თქვენთან ვართ მანამ, სანამ ევროკავშირის ნაწილი არ იქნებით”.

,,როდესაც აქ, თქვენს წინაშე ვდგავარ, ვფიქრობ მომენტზე როდესაც საქართველოში სასამართლოში ვიყავი – ხალხი შუშის გალიაში ისხდა და ჟურნალისტები თვალს ადევნებდნენ პროცესს. ამას საქართველოში ყველა ამ ადამიანისთვის ვაკეთებ, ვისი გაგონებაც ახლა არ შეგვიძლია, ვისი გაგონებაც არ შეგვიძლია ვინაიდან ისინი ჩაახშეს, დააპატიმრეს.

რასაც საქართველოში ვხედავთ კლასიკური რუსული სახელმძღვანელოა, თავისი სახელი უნდა დავარქვათ ამას. რა ხდება რეჟიმში, როდესაც ვკარგავთ დემოკრატიულ ძალებს და ძალაუფლებაში პრო-რუსული ძალები მოდის. რა ხდება, როდესაც ჟურნალისტებს აპატიმრებენ.

მზიას [ამაღლობელი] ოჯახსა და მეგობრებს ვესაუბრე, და ერთი რამ არის უფრო ცხადი, ვიდრე ოდესმე – ისინი არასდროს დანებდებიან. ეს ქართველი ხალხი, რომელიც ქუჩაში გამოდის და ყვირის, მათ ვერ გააჩუმებ. და ჩვენ აქ უბრალოდ ცხოვრებას ვაგრძელებთ, როგორც არაფერი, მაგრამ ეს ხალხი იმ რეჟიმის პირობებში ცხოვრობს, რომელიც საფრთხეს უქმნის მათ. მაგრამ ყველაფრის მიუხედავად, ისინი არ ნებდებიან. ამიტომ ჩვენ, როგორც ევროკავშირს, პასუხისმგებლობა გვაქვს იგივე სიმამაცე გამოვიჩინოთ ამ მამაცი ხალხის მიმართ, და ნამდვილად წინააღმდეგობა გავუწიოთ მათ, ვინც ხალხის რეპრესირებას ახდენს.

აქ ვდგავარ, რათა ქართველ ხალხს ვუთხრა – თქვენთან ვართ მანამ, სანამ ევროკავშირის ნაწილი არ იქნებით,” – თქვა ლენა შილინგმა. 

გააზიარეთ და მოიწონეთ სტატია:

მსგავსი სტატიები:

„ვინოტელის“ მფლობელი: “პოზნერისთვის მოულოდნელი იყო ასეთი დახვედრა, ცუდი რეაქცია ჰქონდა – სტუმრები წავიდნენ და აღარც ჩამოვლენ” სოფელ ზუმის ეკლესიის წინამძღვარს, სოფლის ცენტრში თავს დაესხნენ ჯანმრთელობის მდგომარეობის გამო, მიხეილ სააკაშვილი დღეს სასამართლო პროცესს ვერ დაესწრება დაიმახსოვრეთ 2022 წლის 24 თებერვალი: ეს პუტინის დასასრულის დასაწყისია ისანში 4 ადამიანი დაჭრეს – ერთ-ერთი გარდაიცვალა „თბილისის მომავალი უნდა იყოს რელსიანი ტრანსპორტი“ რა უნდა ერქვას საქართველოს? “პუბლიკა”: ორ ჟურნალისტს ფიზიკურად გაუსწორდნენ და ტელეფონები წაართვეს