პატიმრობაში მყოფი ყოფილი პრეზიდენტი მიხეილ სააკაშვილი სოციალური ქსელის მეშვეობით წერს, რომ პროკურატურიდან წერილი მიიღო და ზარების განხორციელება აეკრძალა, მათ შორის შვილთან.
„სამი კვირის წინ მოვითხოვე, 2021-ში ჩემი დატყვევების დღიდან, ჩემთვის დაწესებული სატელეფონო ზარების შეზღუდვის ნაწილობრივ მაინც მოხსნა და თვეში რამდენჯერმე ალისასთან დარეკვის უფლება.
საერთოდ ეს შეზღუდვა იმიტომ წესდება, რომ ბრალდებულმა ვერ მოახერხოს მოწმეებზე ციხიდან ზეგავლენა, რაც ჩემს შემთხვევაში ისედაც აბსურდია და ნუ ალისა ვერაფრის მოწმედ ვერ ჩაითვლებოდა.
ალისა ხანდახან სოფოსთან ერთად შემოდიოდა და მნახულობდა ვივამედში და როცა აქ გადმომიყვანეს და ვეღარ მხედავდა, ძალიან დანაღვლიანებული იყო, რადგან ვერ გაეგო თუ რა ხდებოდა.
ალისასთან თვეში ოთხჯერ დარეკვის უფლება მომცეს და სამჯერ დარეკვა მოვახერხე. დღეს ე.წ. პროკურატურიდან გადმომცეს წერილი, რომ ბავშვს ჩემთან საუბრის უფლება ისევ წაართვეს და ზარების განხორციელება მთლიანად ამიკრძალეს.
ეს არის შურისძიება არა მხოლოდ ჩემზე, არამედ ალისკაზე, რომლის მილიონიანი ვიდეოები ძალიან ბოროტ ივანიშვილს, რომელსაც უბრალოდ ძალიან შურს ჩემი ლამაზი და ნიჭიერი ოჯახის და ასევე სამკვდრო სასიცოცხლოდ ეშინია ჩემი, ძალიან აღიზიანებს. მე რომ ვერაფერი დამაკლო, ახლა ბავშვზე იყარა ჯავრი.
მინდა ვუთხრა ჭორვილელ თვითგამოცხადებულ დიქტატორს — ვერ გამაჩერებთ, ბოლომდე შეგებრძოლებით და აუცილებლად დაგამარცხებთ!“ — წერს სააკაშვილი.
მსგავსი სტატიები:
“პაძერშკა” უნდა მივცეთ ჩვენს პატრიარქს…კაი ბიჭები სუყველა მივდივართ – “უცნობის” მხარდამჭერები
გამყრელიძე: სწავლის დაწყებისას ყველა სტუდენტი და მასწავლებელი ორჯერადად უნდა იყოს აცრილი
“ფაიზერი” 350 ევრო, “სინოფარმი” 400 ლარი – ვაქცინაციის ყალბი საბუთის დამზადების ბრალდებით 7 პირი დააკავეს – სახელმწიფო უსაფრთხოების სამსახურის განცხადება
“ახლა არჩევანიც და არადანიც მიშაა…„ოცნება“ თავდაცვაზე, სააკაშვილი კი თავდასხმაზეა გადასული”-გუბაზ სანიკიძე
დღეიდან საქართველოში კორონავირუსის გამო მოქმედი შეზღუდვების უმეტესობა უქმდება
გერმანია ამერიკული ნავთობით ანაცვლებს რუსულს
მდინარაძე თუ ოხანაშვილი – ვინ შეცვლის ირაკლი შოთაძეს
„ამას ებრძვიან სინამდვილეში ქოცები…ეს არ ესმის ქოცს და ამის ეშინია“ – ნანუკა ჟორჟოლიანი
