ივნისში საქართველოში რეკორდული – $202 მილიონის ფულადი გზავნილები გადმოირიცხა

2021 წლის ივანისში საქსრთველოში ფულადი გზავნილების სახით 201.9 მილიონი დოლარი გადმოირიცხა, რაც ფულადი გზავნილების სტატისტიკის აღრიცხვის ისტორიაში ერთ თვეში მიღებული მაქსიმალური ოდნების გზავნილებია.

წინა წელთან შედარებით, ფულადი გზავნილების მოცულობა 19.3%-ით არის გაზრდილი. ეროვნული ბანკის ანგარიშიდან ირკვევა, რომ ზრდა ძირითადად რუსეთიდან გზავნილების 20%-ით მატებამ განაპირობა. წინა თვეში რუსეთიდან $39 მილიონი დოლარი გადმოირიცხა. მეორე ადგილზეა იტალია, საიდანაც ქვეყანაში გზავნილების სახით $31.7 მილიონი შემოვიდა.

1. რუსეთი – $39.1 მილიონი, ზრდა წინა წელთან 20%
2. იტალია – $31.7 მილიონი, ზრდა წინა წელთან 18%
3. აშშ – $25.0 მილიონი, ზრდა წინა წელთან 25%
4. საბერძნეთი – $20.2 მილიონი, ზრდა წინა წელთან 2%
5. ისრაელი – $15.6 მილიონი, ზრდა წინა წელთან 13%
6. გერმანია – $9.7 მილიონი, ზრდა წინა წელთან 48%
7. თურქეთი – $9.1 მილიონი, კლება წინა წელთან -16%
8. უკრაინა – $8.1 მილიონი, ზრდა წინა წელთან 24%
9. აზერბაიჯანი – $7.1 მილიონი, ზრდა წინა წელთან 50%
10. ესპანეთი – $4.9 მილიონი, ზრდა წინა წელთან 10%
11. ყაზახეთი – $4.5 მილიონი, ზრდა წინა წელთან 193%
12. საფრანგეთი – $3.2 მილიონი, ზრდა წინა წელთან 28%
13. პოლონეთი – $2.8 მილიონი, ზრდა წინა წელთან 18%
14. კანადა – $2.1 მილიონი, ზრდა წინა წელთან 11%
15. ირლანდია – $1.9 მილიონი, ზრდა წინა წელთან 51%

საქართველოს ეკონომიკა ფულად გზავნილებზე მნიშვნელოვნად არის დამოკიდებული, რადგანაც გზავნილები ქვეყნის მშპ-ის 13%-ს აგენერირებენ. მსოფლიო ბანკის შეფასებით, ეკონომიკაში ფულადი გზავნილების წილით საქართველო მსოფლიოში 21-ე ადგილზეა.

ეროვნული ბანკის მონაცემებით, 2021 წლის ივნისში საქართველოდან საზღვარგარეთ $26.5 მილიონი გადაიგზავნა, რაც 2020 წლის ივნისის მაჩვენებელთან შედარებით 21%-ით მეტია.

bm.ge

გააზიარეთ და მოიწონეთ სტატია: