ვარ აფხაზეთიდან და დიახაც, მე ნამდვილად მაქვს სახლი აფხაზეთში – კობა ნაყოფიას პასუხი ღარიბაშვილს

“ვარ აფხაზეთიდან, დიახაც, მე ნამდვილად მაქვს სახლი აფხაზეთში” – ასე პასუხობს კობა ნაყოფია პრემიერმინისტრის, ირაკლი ღარიბაშვილის დღევანდელ განცხადებას, რომ სენაკში ოპოზიციის მერობის კანდიდატს იქ სახლიც კი არ აქვს.

მისი თქმით, ღარიბაშვილის მუქარა ხელისუფლების შიშზე მიუთითებს.

“პრემიერ ღარიბაშვილმა, საერთოდ ბევრი რამ არ იცის და ალბათ ისიც არ იცის, რომ მე აფხაზეთიდან ვარ, მინდა მას ვუთხრა, რომ ვარ აფხაზეთიდან და დიახაც, მე ნამდვილად მაქვს სახლი აფხაზეთში, რომელსაც ჩვენ აუცილებლად დავიბრუნებთ. რა თქმა უნდა, ქართული ოცნების ხელისუფლებას და მას პირადად ეს არ ადარდებს, იმიტომ, რომ უკვე დიდი ხანია იმყოფებიან კოლაბორაციაში პუტინთან და რუსულ ხელისუფლებასთან, მაგრამ ვარწმუნებ, რომ მე ჩემ სახლს ნამდვილად დავიბრუნებ, ეს პირველი.

მეორე, რაც მაგან ისაუბრა, იმასთან დაკავშირებით, თუ როგორ შეავიწროვებს თურმე ის მერებს, თუ ეს მერები იქნებიან ოპოზიციის წარმომადგენლები. მინა მას ვუთხრა, ეტყობა ძალიან ეშინია, რომ მისი და “ქართული ოცნების” კლანები იმის შემდეგ რაც 30 ოქტომბერს სრული გამარჯვება დაფიქსირდება, არა მარტო სენაკში, ზუგდიდში, ბათუმში, თელავში, რუსთავში, ქუთაისში, თბილისში, რაც მთავარია, გამოეცლებათ ფინანსური რესურსები, ვერ შეძლებენ ფულის კეთებას, ეს ადარდებს”, – თქვა კობა ნაყოფიამ. 

მისი თქმით, ეს მორიგი “ტრიუკი” ხელისუფლებას არ გამოუვა, რადგან ხალხმა კარგად იცის კანონმდებლობაც და ვის რისი გაკეთება შეუძლია.

გააზიარეთ და მოიწონეთ სტატია:

მსგავსი სტატიები:

” ქვეყანა გაკოტრებული, რადარებიდან გამქრალი, ხალხი გაღატაკებული”.. ხვალიდან 15 იანვრის ჩათვლით უქმე დღეები ცხადდება რა არის ფილერი და ახდენს თუ არა უკუჩვენებას ვაქცინაციისას “წარმოგიდგენიათ ივანაშვილის და სააკაშვილის მოლაპარაკება საქართველოს მომავლის თაობაზე”? სამადაშვილი: დარწმუნებული ვარ, რომ არსებობს შეთანხმების შესაძლებლობა “ყველა ანტივაქსერი მძულს” – ეკა კვესიტაძე “მხოლოდ ერთი კითხვა მაქვს და თუ ჩამთვლით პასუხის ღირსად, მიპასუხეთ!” – ზაზა სარალიძე ირაკლი ღარიბაშვილს “საქართველო შორდება აუცილებელ, დასავლეთზე ორიენტირებულ რეფორმებს”