“საქმე გვაქვს წამების განგრძობით პროცესზე..იუსტიციის მინისტრმა უნდა დატოვოს თანამდებობა”-ჯიშკარიანი

ცენტრ “ემპათიის” ხელმძღვანელი მარიამ ჯიშკარიანი მიხეილ სააკაშვილის მიმართ ე.წ. დისციპლინარული ზომების გატარებას ეხმაურება და ამბობს, რომ ეს წამების განგრძობითი ფორმაა.

ამის შესახებ ჯიშკარიანმა “მთავარი არხის” ეთერში, გადაცემაში “ღამის მთავარი” ისაუბრა. ამბობს, რომ სახელმწიფო ინსპექტორის სამსახურმა, იმ პირების თანამდებობის დატოვება უნდა მოითხოვოს, რომლებიც რუსთავსა და გლდანის პენიტენციურ დაწესებულებაში მიხეილ სააკაშვილის მიმართ არაადამიანურ მოპყრობაში იღებდა მონაწილეობას. მისივე თქმით, თანამდებობა უნდა დატოვოს იუსტიციის მინისტრმაც.

მარიამ ჯიშკარიანმა ასევე თქვა, რომ სხვა შემთხვევაში, მიხეილ სააკაშვილის ადვოკატებმა, დროებითი ღონისძიების მოთხოვნით, სტრასბურგის სასამართლოს უნდა მიმართონ და მიხეილ სააკაშვილის გათავისუფლება მოითხოვონ.

“საუბარი გვაქვს წამების განგძობით ფორმაზე, რომელიც გრძელდება ფსიქოლოგიური ზემოქმედების სახით და რა თქმა უნდა, მე არაერთგზის აღვნიშნე მანამდე, როცა სახელმწიფო ინსპექტორმა გამოძიება დაიწყო არაადამიანური მოპყრობის მუხლით, თუმცა ჩვენი წარმოდგენით უნდა ყოფილიყო გამოყენებული წამების მუხლი, საერთაშორისო სტანდარტით, მაშინვე მას უნდა განეცხადებინა, რომ ყველა ის პრი, ვინც სავარაუდოდ, ჩართული იყო მიხეილ სააკაშვილის წამებასა თუ ღირსების შემლახავ მოპყრობასა და არასათანადო მოპყრობაში, დროებით მაინც, გამოძიების დასრულებამდე, უნდა ყოფილიყო თანამდებობიდან გადაყენებული, ამას მოითხოვს საერთაშორისო სტანდარტი.

ჩვენ ვნახეთ სავალალო შედეგი, ეს საერთაშორისო სტანდარტი არ განხორციელდა, წამებაში ჩართული ადამიანები მიხეილ სააკაშვილმა ამოიცნო და ისინი აგრძელებენ თავიანთ სადისტურ ქმედებებს. სწორედ ეს არის განგრძობითი წამების ფორმა და როგორც მინიმუმ, სახელმწიფო ინსპექტორი ხვალ უნდა შევიდეს მიხეილ სააკაშვილთან, გამოკითხოს იგი, და მოითხოვოს ყველა ამ პირის თანამდებობიდან გადაყენება, მათ შორის მე-12 და მე-18 დაწესებულებაში, ვინც სავარაუდოდ, მის ფსიქოლოგიურ თუ არაადამიანურ მოპყრობაში იყო ჩართული და მე ვფიქრობ, რომ იუსტიციის მინისტრმაც უნდა დატოვოს თანამდებობა.

წინააღმდეგ შემთხვევაში, რა არის ალტერნატივა  – ადამიანის უფლებათა ევროპულ სასამართლოს უნდა მიმართონ ადვოკატებმა ახალი დროებითი ღონისძიების მოხოვნით და ეს უნდა იყოს მიხეილ სააკაშვილის უპირობო გათავისუფლება, ვინაიდან საქართველოს ციხეთა სისტემა მისი ჯანმრთელობისთვის და სიცოცხლისთვის წარმოადგენს საფრთხეს”,-თქვა მარიამ ჯიშკარიანმა.

ცნობისთვის, მიხეილ სააკაშვილის თქმით, ინსპექტორის სამსახურის განცხადების შემდეგ, სასჯელაღსრულების დეპარტამენტმა მის მიმართ ე.წ. დისციპლინური ზომების გატარება გადაწყვიტა და მას შეუზღუდა შეხვედრები და ჩამოართვა ტელევიზორი.

მიხეილ სააკაშვილმა გორის სამხედრო ჰოსპიტალში პროტესტის ნიშნად მკურნალობა შეწყვიტა, ის დისციპლინური ზომების გაუქმებას მოითხოვს.

გააზიარეთ და მოიწონეთ სტატია:

მსგავსი სტატიები:

სამადაშვილი მიშელთან შეხვედრაზე: კრიზისიდან გამოსვლაში ევროკავშირი აქტიურად იქნება ჩართული ინტერვიუ ქართველი ჯარისკაცის შვილთან, რომელიც რუსულ აგრესიას ემსხვერპლა კარლ ჰარცელი: „პროცესები, რომლებიც მიმდინარეობდა საქართველოში, საკანონმდებლო ორგანოში გადაინაცვლებს“ მოსახლეობის უმეტესი ნაწილი უპირატესობას „ფაიზერს“ ანიჭებს – ძვირფასს დროს ვკარგავთ მოლოდინში “ივანიშვილი დიდი დილემის წინაშე დგას… კობახიძეს მომავალს არ გადააყოლებს” – დავით ჭიჭინაძე როცა შენ ყოფილ მეგობარზე გეგმავ რა დააბრალო, მორალური დაცემის მაგალითიც აღარაა – მელია მოშე კლუგჰაფტის გეგმაზე მესამე პრეზიდენტმა სასჯელაღსრულების სისტემა წამებასა და არაადამიანურ მოპყრობაში სასამართლო დარბაზიდან ამხილა “გაიხსენეთ 30 ოქტომბერი და მიხვდებით, ნიგოზს, გოჭსა და ინდაურს თქვენზე მეტი ფასი რატომ ადევს”