სიმინდის არაყი გურიიდან
– გურიაში მე-19 საუკუნის ბოლოს საკმაოდ ფართო ხასიათი მიიღო არაყის წარმოებამ, კონსტანტინე გვარამაძის მიხედვით 1901 წელს გურიიდან გასაყიდად 60 000 მანეთის ღირებულების არაყი გაიტანეს. თუ კი გავითვალისწინებთ, რომ ერთი ლიტრი არაყი 30-40 კაპიკი ღირდა, ამ წელს გურიიდან თითქმის 200 000 ლიტრი არაყი გაიტანეს, რაც იმ დროისათვის საკმაოდ დიდი ოდენობაა. რამდენიმე წელში კი გურიაში არყის სახდელი ქარხნების რიცხვმა ორასს გადააჭარბა.
იმ დროისათვის გურიაში არყის დასამზადებელი ნედელეული ძირითადი სიმინდი გახლდათ, პირველი დიდი არყის ქარხნები კი მეცხრამეტე საუკუნის ორმოცდაათიან წლებში დვაბზუსა და ოზურგეთში ალექსანდრე თუმანიშვილს გაუმართავს. ზაქარია ჭიჭინაძე (1905 წელი) წერდა – „გურიაში ძველადგან უმეტესად სიმინდის არყის ხდას მისდევდენ. თვითქოს ჭაჭის ხმარება და მის არყის გამოხდა მათ არ სცოდნიათ. ოზურგეთს და დუაბზუს პირველად კარგი არყის დიდი ქარხანა გაუხსნია ალექსანდრე თუმანიშვილს და ამ ქარხნის საშუალებით უფრო საფუძველიანათ მოფენილა გურიაში არყის ხდის ხელოსნობა ხელოვნურად“.
სიმინდის არაყს მოსახლეობაც ხდიდა, დაძველებულ სიმინდს ღერღილად დაფქვავდნენ, შემდეგ ბუნებრივი საფუარით გამოსახდელად მოამზადებენენ და ჩვეულებრივ გამოხდინენ.
სიმინდიდან არაყი უფრო მეტი გამოდიოდა და უფრო კარგი ხარისხისა იყო ვიდრე ჭაჭის ან ხილისაგან გამოხდილი.
სახლის პირობებში კუსტარული ტექნოლოგიის გამოყენებით გლეხები შვიდი კილოგრამი სიმინდიდან ერთი ლიტრ არაყს ღებულობდნენ.
მოკლედ, რომ ვთქვათ გურული სიმინდის არაყის ტექნოლოგია დაახლოებით იგევე გახლდათ როგორიც ამერიკული „ბურბონისა“, რომლის მასალის 50%-ზე მეტი სიმინდისაგან მზადდება.
მოამზადა კახა ჩავლეიშვილმა
მსგავსი სტატიები:
სოფელი შემოქმედი, ექადია და ნაგომარი გასულ საუკუნეში(ფოტოამბავი)
“გურულები ნებისმიერ მეტეოროლოგიურ მოვლენაში რაღაც ნიშანს ხედავენ”
როგორ გაიყიდა ოზურგეთელ ვაჭრებზე 120 ფუთი ქაღალდი გურიელების არქივიდან
ფილიმონ ქორიძე და მისი ქორო
კავკასიური ტიპები – გურული ქალი
ადელა თაყაიშვილი – “ჩემი მამა ათი წლის რომ ვიყაი ავაზაკებმა დამიხრიტეს მაშინ”
“ღმერთმა დამიფაროს გურული ფირალი ამ უსინდისო, გამყიდველ მონებს შევადარო…ფირალებს ღირსების კოდექსი გააჩნდათ, ამათ? ხვიშტი!”-ირაკლი მახარაძე
“როცა 1904 წელს დაიწყო რუსეთ-იაპონიის ომი,მეტოქეებად გამოყვანილ იყვნენ “რუსი კაზაკები”,ანუ იგივე გურული მხედრები”-ირაკლი მახარაძე