ადვოკატის, შოთა თუთბერიძის ინფორმაციით, მიხეილ სააკაშვილმა პროტესტის უკიდურესი ფორმების გამოყენებაზე ულტიმატუმის ვადა იანვრის ბოლომდე გადაწია. როგორც მან ჟურნალისტებთან საუბრისას განაცხადა, სააკაშვილის აზრით, ეს პირობა მიზნის მისაღწევად უფრო მისაღები და ეფექტურია.
„მიხეილ სააკაშვილის პოზიციაა, რომ თუ მისი მოთხოვნები არ დაკმაყოფილდება და არ გაეწევა ადეკვატური სამედიცინო დახმარება იანვრის თვის ბოლომდე, მიმართავს პროტესტის უკიდურეს ფორმებს. უკიდურეს ფორმას შეიძლება მოიცავდეს მათ შორის შიმშილობა, მაგრამ სხვა ფორმებით გამოხატვაც შეიძლება. მისი აზრით, ამ სიტუაციაში ეს პირობა არის უფრო მისაღები და ეფექტური მიზნით მისაღწევად. მე არ მახსოვს არცერთი დარღვეული ულტიმატუმი ან დაპირება მიხეილ სააკაშვილის მხრიდან. განსხვავებით იმ ადამიანებისგან, რომლებიც გაურბიან ობიექტური სასამართლოს ჩატარებას. დარწმუნებული ვარ, ქართველი ხალხი ძალიან სერიოზულად აღიქვამს მის თითოეულ განცხადებასა თუ მოსაზრებას”, – აღნიშნა შოთა თუთბერიძემ.
მისივე ინფორმაციით, ერთ-ერთი ყველაზე მნიშვნელოვან პრობლემად ამ დრომდე სააკაშვილთან შეხვედრისას კონფიდენციალურობის შენარჩუნება რჩება.
“ერთ-ერთ ყველაზე მნიშვნელოვანი საკითხი, რაც რჩება ხანგრძლივ პრობლემად, გახლავთ სააკაშვილთან შეხვედრისას დასაცავი კონფიდენციალურობა. ჩვენ დღესაც არ გვქონდა საშუალება, რომ გვქონოდა კონფიდენციალური კომუნიკაცია და იყო მყარი ბარიერი აღმართული, ასევე ვერ მოვახერხეთ წერილობითი კორესპონდენციის მიმოცვლა, რაც არის ერთადერთი ფორმა. რომლითაც ვერ გაიგებენ ჩვენი საუბრის შინაარსს. მოვუწოდებ დაწესებულების უფროსებს, რომ ეს უმსგავსობა აღმოფხვრან და ადვოკატთა ასოციაციის თავმჯდომარეს, რომ დაგვეხმარონ ამის აღმოფხვრაში”, – აღნიშნა შოთა თუთბერიძემ.
მსგავსი სტატიები:
აჭარის პოლიციის დეპარტამენტის ხელმძღვანელმა თანამდებობა დატოვა
“ბებია დიდ ხის გობზე, ნაშუადღევს იწყებდა ჭადის ზელვას”..
ყველა ჩემი კოლეგა მენანება, ვინც ხელი მოაწერა დოკუმენტს- მელია
“ბრიყვებთან ურთიერთობის საუკეთესო სტრატეგია – მშვიდად მოსმენა და გაღიმებაა”
სამი ოქრო, სამი ვერცხლი, ორი ბრინჯაო და გუნდური მეორე ადგილი ოზურგეთელი მძლეოსნებისგან
წინასწარი მონაცემებით “ნაციონალებმა” ოზურგეთის საკრებულოში 10 მანდატი აიღეს
ბოლო 24 საათში ქვეყნის მასშტაბით ჩატარდა 16 066 კვლევა ინფიცირების 867 გარდაცვალების 30 ახალი შემთხვევა
ტიკარაძე უვადო კოვიდპასპორტის შესახებ: სამეცნიერო პრაქტიკაში ჩვენ გარკვეულ რისკებს ვხედავთ