“მწამებელი სისტემა, დაისაჯონ დამნაშავეები, სისტემა ყარს, გადადგეს გომელაური” – ამ და მსგავსი სახის ბანერებით და მოთხოვნებით, თბილისსა და რეგიონებში საპროტესტო აქციები მიმდინარეობს.
თბილისში ერთდროულად ორ ლოკაციაზე მიმდინარეობს აქცია. აქტივისტები, მოქალაქეები, მშობლები შეკრებილები არიან შინაგან საქმეთა სამინისტროსთან და ქართული ოცნები სცენტრალურ ოფისთან.
“იმისთვის, რომ შემდეგი მსხვერპლები არ ვიყოთ ჩვენ და ჩვენი შვილები, აუცილებლად უნდა დაინიშნოს ვადამდელი არჩევნები”- ამბობენ სამოქალაქო აქტივისტები.
აქცია მიმდინარეობს ბათუმშიც, ერას მოედანზე ლელოს, გირჩი- მეტი თავისუფლების წევრები და აქივისტები შეიკრიბნენ და პოლიციელის მიერ შშმ არასრულწლოვანზე ძალადობას აპროტესტებენ.
ადგილზე პოლიციელები არიან მობილიზებულები.
24 იანვარს ტელეკომპანია პირველმა გაავრცელა ვიდეო, რომელშიც ჩანს, რომ პოლიციელმა ყრუ ახალგაზრდას სცემა. კონფლიქტი პოლიციელებსა და მოქალაქეებს შორის მეტროს ესკალატორზე დაიწყო. ერთ-ერთმა პირმა პოლიციელისთვის სცადა ახსნა, რომ არასრულწლოვანი შშმ პირია. სოციალური მედიით გავრცელებულ ერთ-ერთ ვიდეოში ისმის საუბარი მოქალაქესა და პოლიციელს შორის:
“მოქალაქე: ხელი გაუშვით
პოლიციელი: შენ ხომ გვიცნობ?
მოქალაქე: ყრუ-მუნჯია
პოლიციელი: მანდ უნდა იაროს მერე?
მოქალაქე:ყრუ-მუნჯია თქო
პოლიციელი: შენ ხომ ჭკვიანი ხარ? შენ ხომ გესმის? უნდა დაარიგო მერე
მოქალაქე: ყრუ-მუნჯია, რა უნდა ვუთხრა?
პოლიციელი: ეს ყრუმუნჯია? რო ავალაპარაკო ეხლა?
მოქალაქე: მიდი აალაპარაკე და მილიონს მოგცემ
პოლიციელი: მოდი, ეხლა უნდა ავალაპარაკო”
შეზღუდული შესაძლებლობის მქონე პირის ცემის საქმეზე 2 პოლიციელია დაკავებული – სახელმწიფო ინსპექტორის სამსახურის ინფორმაციით, დამამცირებელი ან არაადამიანური მოპყრობისა და სამსახურეობრივი უფლებამოსილების ბოროტად გამოყენების ბრალდებებით.
მსგავსი სტატიები:
“მელია იდეალისტია და მან მუხლზე უნდა გადაიმტვრიოს “ქოცური” სამართალი”
გურიის გუბერნატორმა ინტერნეტიზაციის პროგრამა, მერიის წარმომადგენლებთან ერთად განიხილა
“თქვენ ხართ ნაგავი” – ხაინდრავა ჟურნალისტებს
ჩემი შვილი, პოლიტიკური პატიმარი, შიმშილობს რომ აღდგეს სამართლიანობა – გიული ალასანია ზუგდიდის აქციაზე
ლელო 14 ოქტომბერს ენმ-ს აქციას არ შეუერთდება
ნათელაშვილი ივანიშვილზე: მოვა დრო და პაბლო ესკობარსა და ნორიეგასაც გადაუსწრებს თავისი კრიმინალური საქმიანობით
”სირცხვილი და ამ მთავრობის მოჯაყვა..თავისუფლება მიშას..” – რას ფიქრობენ გურიაში სააკაშვილის გასამართლებაზე
ევროპის საბჭოს კონგრესსა და ოზურგეთის მუნიციპალიტეტს შორის ურთიერთთანამშრომლობის მემორანდუმი გაფორმდა