“ნედლეული შეკვეთილია და გემი გზაშია, ქარხანა ასამუშავებლად მზად არის” – ამის შესახებ “აგარის შაქრის” დირექტორთა საბჭოს წევრმა ნიკა ნათბილაძემ, გადაცემაში “რეალური სივრცე” განაცხადა.
როგორც მან განმარტა მოსახლეობაში შაქრის შესყიდვაზე პანიკა უნდა შეწყდეს, რადგან ქვეყანაში შაქრის მარაგების დეფიციტი არ შეიქმნება. “აგარის შაქარი” ლერწმის შაქარზეა გადაიარაღებული და ნედლეულის მომწოდებელი ძირითადი ქვეყანა ბრაზილიაა. შაქრის მცირე რაოდენობას ქვეყანა ევროპიდანაც იღებს.
“საქართველო შაქრის ნედლეულის იმპორტით არც რუსეთზე და არც უკრაინაზე დამოკიდებული არ არის. ჩვენი წარმადობა წლიურად 100 ათასი ტონაა, საქართველოში კი შაქრის მოხმარების საერთო ბაზარი 130-140 ათასი ტონაა. თუ დეფიციტი იქნება იმპორტის მხრივ, ჩვენ მზად ვართ, დამატებითი ნედლეული შევუკვეთოთ და გადამუშავების წარმადობაც გავზარდოთ.” – აღნიშნა ნიკა ნათბილაძემ.
1 აპრილიდან “აგარის შაქარი” კიდევ ერთხელ ამუშავდება. საქმე ის არის, რომ კომპანია ბოლო წლების განმავლობაში, პერიოდულად კონსერვაციის რეჟიმზე გადადის და ახლაც მორიგი კონსერვაციის პირობებში იმყოფება, თუმცა 1 აპრილიდან ამოქმედდება და 31 დეკემბრამდე იმუშავებს. ამასთან, “აგარის შაქარში” ამბობენ, რომ მუშაობის განახლება დაგეგმილი ჰქონდათ და ის რუსეთ-უკრაინის ომს არ უკავშირდება.
რეზონანსი
მსგავსი სტატიები:
ბევრი ვიცინე, მსგავსი სისულელე რამ მოაფიქრათ? – მელია პროკურატურის შეთავაზებაზე
აქცია ბიძინა ივანიშვილის შუშის სასახლესთან – ადგილზე პოლიციაა მობილიზებული
“ივანიშვილმა რამდენჯერმე სცადა ჩემი შენარჩუნება”
“ჩემსა და გიორგი ონიანს შორის ნამდვილად შედგა, ანუ, ჩვენს საუბარს აყურადებდნენ”
“ქართველ ხალხს გაეცით პასუხი – ვინ დაიწყო ომი?” – ხერხეულიძე პრეზიდენტს
ბარემ გვირაბს გავუთხრით და გავაპაროთ, ამას გვთავაზობენ ალბათ-ბექა დავითულიანი სააკაშვილის სამკურნალოდ საზღვარგარეთ გაყვანის ინიციატივაზე
სამხრეთ კორეის პრეზიდენტმა ყოფილი პრეზიდენტი შეიწყალა
ვოლოდიმირ ზელენსკი ანტონიო გუტიერეშს – ჩამოერთვას აგრესორ ქვეყანას გაეროს უსაფრთხოების საბჭოში ხმის უფლება, რუსეთის მოქმედებებს მიენიჭოს უკრაინელი ხალხის გენოციდის კვალიფიკაცია