სამხრეთ კორეის პრეზიდენტმა ყოფილი პრეზიდენტი შეიწყალა

შეწყალების გადაწყვეტილება მოულოდნელი იყო, რადგან მანამდე პრეზიდენტმა მუნ ჯე ინმა მსგავსი ნაბიჯი გამორიცხა.

2018 წელს პაკ კინ ჰე 18 წარდგენილი ბრალიდან 16-ში დამნაშავედ ცნეს, უმრავლესობა რომელთაგან ქრთამის აღებასა და იძულებას ეხებოდა.

სასამართლომ დაადგინა, რომ პრეზიდენტი გაურიგდა თავის ახლო მეგობარ ჩოი სუნ სილს, რათა ზეწოლა მოეხდინა კონგლომერატებზე, როგორიცაა Samsung და Lotte, შედეგად კი მათ მილიონები გადაერიცხათ ფონდებში, რომელსაც ჩოი სუნ სილი მართავდა. გარდა ამისა, ყოფილი პრეზიდენტი დამნაშავედ ცნეს თავისი მეგობრისთვის კონფიდენციალური ინფორმაციის გადაცემაში.

ყოფილი ლიდერი ყველა ბრალდებას უარყოფდა. თავდაპირველად მას 30-წლიანი პატიმრობა და 20 მილიონი დოლარის ოდენობის ჯარიმა მიუსაჯეს, თუმცა მოგვიანებით უზენაესმა სასამართლომ ჯარიმაც და თავისუფლების აღკვეთის წლებიც შეამცირა.

formulanews.ge