რუსეთიდან იმპორტირებული ელექტროენერგიის წილი საქართველოს მთლიან შიდა მოხმარებაში 4%-ს არ აღემატება. ამის შესახებ ორგანიზაცია „მსოფლიო გამოცდილება საქართველოსთვის“ (WEG) ანგარიშში წერია.
როგორც მონაცემები აჩვენებს, ეს მაჩვენებელი ელექტროენერგიის პიკური მოხმარების პერიოდში განხორციელებულ იმპორტსაც ეხება. მკვლევარების მოსაზრებით, საჭიროების შემთხვევაში, მისი სრულად ჩანაცვლებაც შესაძლებელია.
მკვლევარი ენერგეტიკული უსაფრთხოების საკითხებში გიორგი მუხიგულიშვილი საქართველოში რუსეთიდან ელექტროენერგიის იმპორტის შემცირებას 2014 წელს ყირიმის ანექსიას უკავშირებს.
„როდესაც რუსეთმა ყირიმის ანექსია მოახდინა, ძირითადი ენერგო რესურსების მობილიზება ამ მიმართულებით გააკეთა და ამიტომ საქართველოში წლების განმავლობაში იმპორტი შემცირებულია“,- განმარტავს მკვლევარი.
ასევე უნდა აღინიშნოს, რომ საქართველოს რუსეთიდან ელექტროენერგია ოკუპირებული აფხაზეთისთვის დამატებით შემოაქვს, რომლის 90% ენგურისა და ვარდნილის ჰესების გამომუშავებიდან იფარება. რუსეთიდან იმპორტი კი მხოლოდ 10% შეადგენს.
მსგავსი სტატიები:
საქართველოში კორონავირუსის 3 157 ახალი შემთხვევა დადასტურდა
ორი ოქრო, ორი ვერცხლი და ერთი ბრინჯაო- ოზურგეთელი მძლეოსნების წარმატება
გამოქვეყნდა აშშ-ის პრეზიდენტისა და ვიცე-პრეზიდენტის საგადასახადო დეკლარაციები
“მშვენიერი ქვეყანა გვაქვს… თუ ერთეული ცუდი გამოგვერევა, ნუ განვაზოგადებთ ერზე”
ზაზა დამენიას დღეს 49 წელი შეუსრულდებოდა
ამერიკის საელჩოს პროექტის ფარგლებში ოზურგეთელი მოსწავლეები ვერცხლის და ოქროს სერტიფიკატებით დაჯილდოვდნენ
“რუსეთის დელეგაცია უკრაინულ მხარესთან მოლაპარაკებებისთვის ბელარუსში ჩავიდა”
მოვითხოვთ, მესამე პრეზიდენტს დაუყოვნებლივ გაეწიოს სამედიცინო მომსახურება – NGO-ები “ოცნებას”