20-მდე არასამთავრობო ორგანიზაცია მესამე პრეზიდენტთან დაკავშირებით ომბუდსმენის კონსილიუმის დასკვნას ეხმაურება და სახელმწიფოს მიხეილ სააკაშვილისთვის ადეკვატური სამედიცინო დახმარების გაწევის მოთხოვნით მიმართავს.
“ჩვენ, ხელმომწერი ორგანიზაციები, ვეხმიანებით პატიმრობაში მყოფი საქართველოს მესამე პრეზიდენტის, მიხეილ სააკაშვილის ჯანმრთელობის მდგომარეობის გაუარესებასთან დაკავშირებით მიმდინარე მოვლენებს. მიგვაჩნია, რომ მისი სათანადო მკურნალობის შესახებ გადაწყვეტილება დაუყოვნებლივ უნდა იქნას მიღებული, მათ შორის, სამედიცინო დახმარების გაწევით ქვეყნის ფარგლებს მიღმა.
საზოგადოებას შევახსენებთ, რომ საქართველოს სახალხო დამცველის ეგიდით შექმნილი ალტერნატიული სამედიცინო კონსილიუმის დასკვნის თანახმად, მიხეილ სააკაშვილის ჯანმრთელობის მდგომარეობა არის დამძიმებული, მას აღენიშნება ფიზიკური და ფსიქოლოგიური ჯანმრთელობის სერიოზული პრობლემები, რომელიც უკავშირდება ისეთ დაავადებებს, როგორიცაა ანორექსია და პოსტტრავმული სტრესული აშლილობა.
შესაბამისად, პატიმარს დაუყოვნებლივ უნდა გაეწიოს შესაბამისი სამედიცინო დახმარება. მსგავსი გადაწყვეტილების მიღებისას, უნდა გამოირიცხოს პოლიტიკური მიზანშეწონილების ნებისმიერი მოტივი და შესაბამისმა ინსტიტუციებმა უნდა იხელმძღვანელონ მხოლოდ ადამიანის სიცოცხლის, ჯანმრთელობისა და პირადი უსაფრთხოების უფლების დაცვის სტანდარტით.
ყოველივე ზემოაღნიშნულის გათვალისწინებით, მოვითხოვთ, საქართველოს მესამე პრეზიდენტს დაუყოვნებლივ გაეწიოს სამედიცინო მომსახურება, რაც აუცილებელია მისი სიცოცხლისა და ჯანმრთელობის ფუნდამენტური უფლებების უზრუნველსაყოფად. აღნიშნული კი, გამომდინარეობს სახელმწიფოს კონსტიტუციური და საერთაშორისო სამართლებრივი ვალდებულებებისგან”, – წერენ ორგანიზაციები.
განცხადებას ხელს აწერენ:
- საქართველოს ღია საზოგადოების ფონდი (OSGF)
- საერთაშორისო გამჭვირვალობა – საქართველო (TI)
- სამართლიანი არჩევნებისა და დემოკრატიის საერთაშორისო საზოგადოება (ISFED)
- ეკონომიკური პოლიტიკის კვლევის ცენტრი (EPRC)
- საქართველოს დემოკრატიული ინიციატივა (GDI)
- სასამართლოს გუშაგი ( Georgian Court Watch)
- პრევენცია პროგრესისთვის
- საქართველოს ახალგაზრდა იურისტთა ასოციაცია (GYLA)
- პარტნიორობა ადამინის ულფებებისთვის (PHR)
- დემოკრატიის კვლევის ინსტიტუტი (DRI)
- წამების მსხვერპლთა ფსიქოსოციალური და სამედიცინო რეაბილიტაციის ცენტრი (GCRT)
- ინფორმაციის თავისუფლების განვითარების ინსტიტუტი (IDFI)
- ტოლერანტობის და მრავალფეროვნების ინსტიტუტი (TDI)
- ადამინის უფლებათა ცენტრი (HRC)
- კავშირი საფარი
- დემოკრატიისა და უსაფრთხო განვითარების ინსტიტუტი (IDSD)
- მედიის განვითარების ფონდი (MDF)
- მწვანე ალტერნატივა
მსგავსი სტატიები:
პომპეოს ვიზიტს აქციებს და არეულობას უპირისპირებენ- კობახიძე ოპოზიციაზე
საქართველოს ისტორიის ამ კრიტიკულ მომენტში მარტო ვერ დავტოვებთ – დონალდ ტუსკი
ერთადერთი, რაც ივანიშვილმა ამ პროცესში მოიგო-ექსპერტის განმარტება
საქართველოში წინასაარჩევნო კამპანია 3 აგვისტოდან დაიწყება
ჩემთვის მნიშვნელოვანი ახლა პოლიტიკური ამბიციის გადადება იყო..”ამხელა ბანკირი” კაცი ვიცე-მერად-მანჯგალაძე
“ეს ფოტო ერთი წლის წინ, კიევში გადავუღე…უხასიათოდ მომეჩვენა და ვუთხარი კიდეც…დაბადების დღეს გილოცავ მიშა…ყოველთვის გამარჯვებული იყავი”- ნანუკა ჟორჟოლიანი
რასაც თესავ, იმას მოიმკი… თქვენ თესავთ სიკვდილს და ნგრევას. დამნაშავე პირადად თქვენ ხართ! – დევიდ ლინჩის მიმართვა პუტინს
“გადაიყვანეთ სააკაშვილი უცხოეთში…იქნებ კიდევ არის შანსი, რომ გადავარჩინოთ”-გიული ალასანია