ერთი წელი გავიდა უკრაინული სამგზავრო თვითმფრინავის ჩამოგდების შემდეგ

თვითმფრინავი „ბოინგ 737-800 NG, რომელიც თეირანიდან კიევის მიმართულებით ასრულებდა რეისს, 8 იანვარს დილით აფრენიდან მალევე ჩამოვარდა თეირანის მახლობლად. ავიაკატასტროფის შედეგად დაიღუპა 167 მგზავრი და ეკიპაჟის 9 წევრი. 7 ქვეყნის მგზავრებს შორის იყო 11 უკრაინის მოქალაქე – ეკიპაჟის 9 წევრი და 2 მგზავრი.

ირანის ხელისუფლებამ ვერ შეძლო გამჭვირვალე და სანდო გამოძიების ჩატარება 2020 წლის 8 იანვარს, უკრაინული ავიაკომპანია „უკრაინის საერთაშორისო ავიხაზების“ სამგზავრო თვითმფრინავის ავიაკატასტროფის მიზეზების დასადგენად, – ამის შესახებ ნათქვამია ორგანიზაცია „ჰიუმან რაითს უოჩის“ განცხადებაში.

ირანმა მხოლოდ 11 იანვარს აღიარა უკრაინული სამგზავრო თვითმფრინავის საზენიტო-სარაკეტო დანადგარით ჩამოგდება, რასაც უწოდა შეცდომა და საკუთარ თავზე აიღო პასუხისმგებლობა.
მოგვიანებით ცნობილი გახდა, რომ ირანმა უკრაინას გაუგზავნა ურთიერთგაგების მემორანდუმის პროექტი, რომლის თანახმად, კიევი და დაღუპულთა ოჯახების წევრები უნდა დათანხმებოდნენ თეირანის ვერსიას, თითქოს, კატასტროფის მიზეზი იყო „ადამიანური შეცდომა“ და უარი უნდა ეთქვათ თვითმფრინავის ჩამოგდებაში დამნაშავეთა მოძიების მიზნით სასამართლოში ჩივილზე.

უკრაინამ ასეთ წინადადებაზე უარი განაცხადა.

Human Rights Watch-თან ინტერვიუში დაღუპულ მგზავრთა ოჯახების წევრები აცხადებდნენ, რომ ირანის ხელისუფლებამ მათ არ დაუბრუნა მათი ახლობლების ძვირფასეულობა. ხოლო ირანის ხელისუფლების წარმომადგენლები მათ აშინებდნენ და დევნიდნენ, რათა ხელი შეეშალათ სამართლიანობის ძებნაში.

https://www.radiotavisupleba.ge/

გააზიარეთ და მოიწონეთ სტატია:

მსგავსი სტატიები:

ქრისტიანი მასწავლებელი და მუსლიმი მოსწავლე- ფოტო ბუკნარიდან ბადრი პატარკაციშვილის დედა – ნათელა პატარკაციშვილი გარდაიცვალა კახა კალაძე თავს კარგად გრძნობს და ორშაბათიდან ჩვეულ საქმიანობას შეუდგება მაიამიში 12-სართულიანი შენობა ჩამოინგრა, 99 ადამიანს ამ დრომდე ეძებენ იქ, სადაც ღრუბლებს ესაუბრები-ბახმარო ბუნების შედევრი როგორ გავგრილდეთ ზაფხულის სიცხეში | სახალისო რჩევები გაძვირებული პროდუქტი და “9 წელი” – ხალხის პასუხი მინისტრს “შეკვეთილის ფორტი” – ჟიულ გაილდრაუს ილუსტრაცია 1853 წ.