გენერალური პროკურატურის ცნობით, პირი, რომელმაც მცხეთის სასამართლოში პროკურორებს სიტყვიერი შეურაცხყოფა მიაყენა და ფეხსაცმელი ისროლა, მოსამართლემ დამნაშავედ ცნო. მას სასჯელის სახედ და ზომდ 1 წლით თავისუფლების აღკვეთა განესაზღვრა.
შემთხვევა მცხეთის რაიონულ სასამართლოში 9 მაისს მოხდა, როცა სასამართლო პოლიციელზე თავდასხმისთვის ბრალდებული ორი პირის აღკვეთის ღონისძიების საკითხს განიხილავდა.
“მოსამართლის მიერ გადაწყვეტილების გამოცხადების და ბრალდებულებისთვის აღკვეთის ღონისძიების – პატიმრობის შეფარდების შემდეგ, სხდომის დარბაზში ერთ-ერთმა ბრალდებულმა პროკურორებს სიტყვიერი შეურაცხყოფა მიაყენა და ფეხსაცმელი ისროლა”, – წერს პროკურატურა.
აღნიშნულ პირს ბრალდება საქართველოს სისხლის სამართლის კოდექსის 366-ე მუხლის პირველი ნაწილით წარედგინა (სასამართლოს უპატივცემულობა, რაც გამოიხატა სამართალწარმოების მონაწილის შეურაცხყოფით).
მცხეთის რაიონულმა სასამართლომ ბრალდებული სრულად ცნო დამნაშავედ წარდგენილ ბრალდებაში.
მსგავსი სტატიები:
ბათუმში, ზღვაში, მამაკაცის ცხედარი იპოვეს
საკრებულოს დეპუტატი ოზურგეთის პატრულს თვალთვალში ადანაშაულებს და სასამართლოში უჩივის
სასტიკი მკვლელობა ფოთში – შვილიშვილმა ბებია სამზარეულოს დანით მოკლა
სისხლიანი გარჩევა ოზურგეთში – დაჭრილია 16 წლის ბიჭი
ვინ არის ოზურგეთში დაჭრილი ახალგაზრდა-მომხდარის დეტალები
გერმანიაში საიუველირო მაღაზია გატეხეს – პოლიციამ ორი ქართველი დააკავა
2021 წელს ქურდული სამყაროს წევრობისა და მასში მონაწილეობისთვის დევნა 96 პირის მიმართ დაიწყო
მორჩილი, რომელმაც სამონაზვნო პირზე იძალადა, პოლიციამ დააკავა