“ცესკოს თავმჯდომარის თანამდებობაზე გიორგი კალანდარიშვილის კანდიდატურის წარდგენაზე უარის თქმა, რადიკალური ოპოზიციის წახალისებაა”

საქართველოს პარლამენტის თავმჯდომარის, შალვა პაპუაშვილის განცხადებით, პრეზიდენტმა სალომე ზურაბიშვილმა ცესკოს თავმჯდომარის პოსტზე გიორგი კალანდარიშვილის კანდიდატურის წარდგენაზე უარის თქმით, რადიკალური ოპოზიციის დღის წესრიგი წაახალისა.

მისივე თქმით, სალომე ზურაბიშვილის ეს გადაწყვეტილება კვალიფიციური, კეთილსინდისიერი და პროფესიონალი საჯარო მოხელეების დისკრედიტაციას წარმოადგენს.

“ერთი მხრივ, ამ გადაწყვეტილებით რადიკალური ოპოზიციის წახალისება არ არის სწორი. მეორე მხრივ, მოქმედი თავმჯდომარის კვალიფიკაციის, პროფესიონალიზმის და მათ შორის, მიუკერძოებლობის მიმართაც საერთოდ ვერავინ წარმოადგინა ვერცერთი არგუმენტი. ოპოზიცია უბრალოდ, პოლიტიკურ პოზიციას აფიქსირებდა და ამ კანდიდატის ჩაგდებას ცდილობდა და მისი არ წარმოდგენით, პროფესიული ნიშნით გამორჩეული ადამიანის, ეს კვალიფიციური, კეთილსინდისიერი და პროფესიონალი საჯარო მოხელეების დისკრედიტაცია გახლავთ. აქედან გამომდინარე, მე ძალიან ვწუხვარ, რომ ის კანდიდატად წარმოდგენილი არ იქნა”, – განაცხადა პაპუაშვილმა.

ცნობისთვის, ცესკოს მოქმედი თავმჯდომარე, გიორგი კალანდარიშვილი პრეზიდენტის მიერ პარლამენტისთვის წარდგენილ კანდიდატებს შორის ვერ მოხვდა. პრეზიდენტის მიერ ცესკოს თავმჯდომარის თანამდებობაზე საქართველოს პარლამენტს ასარჩევად თამარ ალფაიძისა და რევაზ ეგაძის კანდიდატურები წარედგინა.

გააზიარეთ და მოიწონეთ სტატია:

მსგავსი სტატიები:

“უფრო მაგარი იქნებოდა, წასვლის წინ რომ განმეორებითი არჩევნები დაენიშნა” ირაკლი კიკნაველიძემ „ევროპული საქართველო“ დატოვა საავადმყოფოები შეიძლება ისევ გადაივსოს – ჯანმოს გაფრთხილება ნამახვანჰესი აღარ აშენდება – ENKA საქართველოს მთავრობასთან ხელშეკრულებას წყვეტს ”სახელმწიფოს შენების ყველა კატეგორია იმდენად მოირყა,რომ თავზარდაცემული შევცქერი რეალობას”-უსუფაშვილი ოზურგეთის მერმა სოფლის გამგებლები თანამდებობებიდან ელექტრონული ფოსტით დაითხოვა „ნუ ჩავარდებით პანიკაში… უნდა დაგამშვიდოთ“ – თამარ მამაცაშვილის მნიშვნელოვანი რჩევები „ომიკრონზე“ მოსამართლის ყვითელი ბარათი – სააკაშვილი 7 ნოემბრის საქმეზე სასამართლოზე გამოსვლას ვეღარ შეძლებს