საქართველოს მთავრობამ კორბოულისა და ბევერეთის სატყეო უბნები ბიძინა ივანიშვილის მეუღლეს 49 წლით გადასცა. “შაბათის ეთერის” ინფორმაციით, ოლიგარქის ოჯახმა ტყე 25 მეტრის სიმაღლეზე შემოღება და შავი კაპრონის ბადეებით გადახურა.
“ტვ პირველის” ინფორმაციით, კორბოულისა და ბევერეთის ტყის მიმდებარედ ბიძინა ივანიშვილის მეუღლის, ეაკატერინა ხვედელიძის კომპანიამ, შპს “აგრო ქართუმ” გარეული ფრინველების ფერმა ააშენა.
ფერმაში ინკუპატორში გამოჩეკილ ათასობით გნოლს, კაკაბს და ხოხობს გაზრდიან. ირკვევა, რომ რადგან ხელოვნურად მოშენებული ფრინველები ძალიან მომრავლდა, ისინი ფერმაში აღარ ეტევიან, ამიტომ ტყე გალიად გადააკეთეს და ფრინველები იქ უნდა გადაიყვანონ.
საგულისხმოა, ის ფაქტიც, რომ სატყეო სააგენტოს უფროსის მოვალეობის შემსრულებელმა “შაბათის ეთერისგან” გაიგო, რომ ტყე ბადეებით ბიძინა ივანიშვილის მეუღლემ, ეკატერინა ხვედელიძემ გადახურა. არადა, ტყეების მოვლა და პატრონობა, სწორედ გიორგი ჭაჭიაშვილს ევალება.
2022 წლის 23 სექტემბერს ქონების მართვის ეროვნლმა სააგენტომ ბევერეთის სატყეო კვარტალი, ყოფილი საკოლმეურნეო ტყე, საჩხერის სატყეო უბანი და კორბოულის სატყეო, კვარტალი საჯარო აუქციონზე 49 წლიანი იჯარით გადასაცემად გამოიტანა.
125 ათასი კვადრატული მეტრი ტერიტორია ოლიგარქის ოჯახს ნახევარი საუკუნით ისე გადაეცა, რომ ვაჭრობის დროს ივანიშვილს კონკურენტიც კი არ ჰყოლია.
დოკუმენტებით დგინდება, ქონების მართვის სააგენტომ, ბიძინა ივანიშვილის მეუღლეს ტყე ჩალის ფასად გადასცა – 125 ათას კვადრატულ მეტრ ტერიტორიაში, ივანიშვილის ცოლის კომპანია წელიწადში 32877 ლარს გადაიხდის, ერთ კვადრატული მეტრში 26 თეთრს.
ირკვევა ისიც, რომ ოლიგარქმა ტყე იქამდე შემოღობა, ვიდრე ის მისი საკუთრება გახდებოდა.
ტვ პირველი
მსგავსი სტატიები:
“მელიამ გირაოს თანხა არ უნდა გადაიხადოს…”- ნათელაშვილი
27 წლის ასაკში პორნომსახიობი დაკოტა სკაი გარდაიცვალა
საქართველოს განვითარების 50 საუკეთესო იდეა-სააკაშვილის ინიციატივა და მიღებული 150 წინადადება
“ქართულო ოცნებავ, გპირდებით, თქვენი უფლებებისთვისაც ვიბრძოლებ, როცა 5 ივლისისთვის, ან 20 ივნისისთვის დაგიჭერენ” – გრიგოლია
სუს-დან ლილუაშვილს ათავისუფლებენ, პოსტს გომელაური დაიკავებს
“იგეგმება ირაკლი კობახიძის გაპრეზიდენტება…ზურაბიშვილს ვურჩევდი “ოცნებას” პოლიტიკურ ვაჭრობაში არ აჰყვეს”- ნიკა გვარამია
შორდება თუ არა სააკაშვილი საკუთარ პარტიას და პოლიტიკას – რა ბედი ეწევა „ნაციონალურ მოძრაობას“?
ჩოხატაურის მუნიციპალიტეტში გარემოსდაცვითი საგანმანათლებლო ღონისძიება “ბიობლიცი” გაიმართა