14-წლიანი ინფლაციის ფონზე, ფილიპინები საბაზისო საქონელზე ფასების სწრაფი ზრდას განიცდიდა, მაგრამ ხახვის ამჟამინდელმა ფასმა ყველა რეკორდი მოხსნა.
როგორც EastFruit-ი წერს, ბოლო დღეებში მანილას ბაზრებზე წითელი ხახვის საცალო ფასები კილოგრამზე 700 პესომდე გაიზარდა (12,70 დოლარი), რაც ადგილობრივი ეკონომისტების აზრით, ფილიპინების ხახვს მსოფლიოში ყველაზე ძვირად აქცევს. ჯერ კიდევ 4 თვის წინ კილოგრამი ხახვი აქ 120 – 170 პესომდე ღირდა.
ხახვის ფასების ნახტომისებური ზრდა იმდენად დრამატული იყო, რომ ხელისუფლებამ გამოძიება დაიწყო. შესაძლო მიზეზად კი კონტრაბანდას და ფასების მანიპულირებას ასახელებენ.
მაგალითად, ფილიპინების საბაჟო ბიურომ ახლახან აღკვეთა კონტრაბანდის ძირითადი მცდელობები. გასულ კვირას მისმა თანამშრომლებმა 17 მილიონი პესოს ღირებულების ხახვის უკანონო ექსპორტი დაბლოკეს.
ფილიპინები ამჟამად იკვლევს ხახვის იმპორტის შესაძლებლობას, რათა გაზარდოს შეზღუდული მიწოდება და შეამციროს გადაჭარბებული ფასები. ქვეყნის სოფლის მეურნეობის დეპარტამენტი ამბობს, რომ ეს დაასტაბილურებს სიტუაციას ადგილობრივი ხახვის მოსავლის სეზონის დაწყებამდე, რომელიც რამდენიმე კვირაში დაიწყება და სავარაუდოდ, პიკს თებერვალში მიაღწევს.
ფილიპინები ხახვის რეგულარული იმპორტიორია და ჩვეულებრივ მას ჩინეთიდან და სხვა აზიელი მეზობლებიდან ყიდულობს. ხახვზე ყოველთვიური შიდა მოთხოვნა აქ 22 000 ტონაა.
მსგავსი სტატიები:
ოზურგეთი-შემოქმედი-ბჟუჟჰესი-გომისმთას გზაზე ავტოტრანსპორტის მოძრაობა აკრძალულია
“ახლა ამბობენ, ბახმაროსაც იგივე ბედი ელისო…შენი მიწა-წყალი როგორ უნდა გაყიდო?”
რა გახდა მე-11 კლასელი გოგონას თვითმკვლელობის მიზეზი-რას ყვება ბებია?
“ჩემს ოდაში აიდგა ფეხი” – რას წერს ქეთი დოლიძე გუშინ ლანჩხუთში გარდაცვლილ გოგონაზე
“ჩვენმა საგანმანათლებლო მოძრაობამ 1400 სოფელი მოიარა, ბრძოლის ველი განვავრცეთ”-კეკელიძე
3 ნოემბრის კოვიდსტატისტიკა
ფრინველის გრიპის ეპიდემიის გამო ისრაელში ათი ათასობით ინდაური და ქათამი დახოცეს
უბედური შემთხვევა ჩოხატაურში – ახალგაზრდა კაცი ხიდან ჩამოვარდა და გარდაიცვალა