ალექსანდრე ამისულაშვილი რადგან ზარქუას სიძეა, თურმე ბულინგის მსხვერპლი უნდა გახდეს – ირაკლი ზარქუა

მინდა გამოვეხმაურო „ტვ პირველის” და მელაძის იმ უმსგავსო ქმედებას ჩემი ოჯახის წევრების მიმართ, რასაც წინა კვირას ჰქონდა ადგილი – ჩემი­ დის ოჯახს მიუვარდნენ ჯერ ლიფტში, მანქანაში ჩაუხტნენ, შემდეგ სახლში მიუვარდნენ და ადამიანს, რადგან ჩემი დის მეუღლეა, სულ ზარქუას სიძე ეძახეს, რათა საზოგადოებაში გაეჩინათ განცდა, რომ თურმე ზარქუა ლობირებს რაღაც თემებს , – ამის შესახებ საპარლამენტო უმრავლესობის წევრმა, ირაკლი ზარქუამ პარლამენტის პლენარულ სხდომაზე განაცხადა.

ზარქუა მოუწოდებს ახლობლებს და მეგობრებს, ვისაც აქვს გამოცდილება, „თამამად” მიიღონ ტენდერებში მონაწილეობა.

„ალექსანდრე ამისულაშვილი, რომელმაც მთელი თავისი ცხოვრება ღირსეულად ატარა ეროვნული ნაკრების მაისური, ეროვნული დროშა, ყველა იცნობს, ვინ რას წარმოადგენს. ეტყობა ძველი რეჟიმის დროიდან ჰგონიათ, რომ ეს ასე ხდება. ადამიანი თავისი შრომით, ჯაფით, კაპიტალით, სამშენებლო თემებშია და რადგან ზარქუას სიძეა, თურმე უნდა გახდეს ბულინგის მსხვერპლი. ეს არის თქვენი სტანდარტი. გეგონათ, თავის მართლების რეჟიმში გადავიდოდი. არა ბატონებო, პირიქით, მე მოვუწოდებ ყველა ჩემს ახლობელს, მეგობარს, უბნელს, ჩემს თბილისელებს, ჩემს წალენჯიხელებს, ვისაც გაქვთ კაპიტალი, გამოცდილება, შესაძლებლობა, რომ ღია, გამჭვირვალე, ტენდერებში მიიღოთ მონაწილეობა თამამად გააკეთეთ ეს, იმიტომ, რომ მეტი სკოლა და ბაღი უნდა აშენდეს, მეტი სპორტკომპლექსი, ღირსეულად და ხარისხიანად.

რაც შეეხება ბატონ მელაძეს და მის ამ ქმედებებს, ამას მიჩვეული ვართ, დაწყებული მისი ყალბი ინტონაციებით და მანჭვა-გრეხით პროლოგში, ეს უკვე სასაცილოა. მესმის, ეს არ არის მათი ბრალი, იმიტომ, რომ სხვანაირად რომ ყოფილიყო ისე კი არ იტყოდნენ სიუჟეტში – სავარაუდოდ ზარქუა, შესაძლებელია ზარქუა, როგორც ამბობენ ზარქუა – მტკიცებით ფორმაში იტყოდნენ, მაგრამ მტკიცებით ფორმაში ვერ ამბობს, რადგან ზუსტად იცის, რომ სავარაუდოდ სასამართლო გადაწყვეტილებით მოუწევს მრავალათასიანი ხელფასის წაგება, რომელსაც იღებს. მე ერთი თეთრი არ მინდა, მე მინდა მის თანამშრომლებს, უფასოდ რომ ამუშავებენ – მძღოლებს, ჟურნალისტებს, ოპერატორებს გადაუხადონ, მათგან ვიცი ეს ინფორმაცია. 25 000 ლარი ხელფასი რომ აქვს ბატონ მელაძეს, როგორც ამბობენ, ამის დათმობა მოუწევთ, ამიტომ ვერ ამბობენ მტკიცებით ფორმაში”, – განაცხადა ირაკლი ზარქუამ.

გააზიარეთ და მოიწონეთ სტატია:

მსგავსი სტატიები:

„ეს უფრო გაქცევას ჰგავს, ვიდრე გამარჯვებულის პოზიციიდან გასვლას“-გია ხუხაშვილი ჩინეთის ელჩი: სინოფარმი დამზადებულია ტრადიციული მეთოდით, ძალიან ცოტა გვერდითი ეფექტი აქვს წულაია ივანიშვილს მიმართავს: წადი, ინდონეზია ნახე, ეგვიპტის პირამიდები, წადი რა, წადი “მე ის მიკვირს, ხელისუფლება სააკაშვილს თვითმფრინავის გაგზავნას რატომ არ სთავაზობს”-უსუფაშვილი “სასამართლოზე რატომ არ მიგყავთ პატიმარი, რომელიც თქვენი ინფორმაციით კარგად არის და დიეტაზეა?” – თინა ხიდაშელი ”საქართველოს დროშაზე ჯვარი და წმ. გიორგი აღარაა წმინდა და ერის მოღალატე კონსერვატორების ჯვრის ნიშანია წმინდა?” სასწრაფოს თანამშრომლები დაბალ ხელფასს და ცუდ სამუშაო პირობებს აპროტესტებენ – „მთავრობას ანაზღაურება 175%-ით მოემატა, ექიმებს კი 24%-ით“ „ეს კანონი უვადო იზოლაციაში გვაბრუნებს“ — „იმედის“ ჟურნალისტი რუსა შელია