ოპოზიციონერი დეპუტატი, კახა ოქრიაშვილი ამერიკის მიერ მოსამართლეების დასანქცირებას ეხმაურება და ამბობს, რომ ასეთია შედეგი, როცა ხალხი თავზე დაისვამს არასახელმწიფოებრივად მოაზროვნე, ოლიგარქ ივანიშვილის, თავისი „თუთიყუშების“ მთავრობით.
მისი განცხადებით, საზოგადოება არ იმსახურებს ასეთ მთავრობას და 2012 წელს ქართველი ხალხი მოტყუვდა. ოქრიაშვილი ამბობს, რომ ხალხი შეცვლის ამ კორუმპირებულ, ანტიევროპულ, არალეგიტიმურ, რუსეთის აგენტებით გამოტენილ, უპერსპექტივო და დამნაშავე ხელისუფლებას.
“ამერიკის შეერთებულმა შტატებმა დაასანქცირა ქართველი მოსამართლეები და ამით აღიარა, რომ საქართველოში სამართალი არ არსებობს. ამ აღიარებამდეც დიდი ხანია ვიცით, რომ ეს ქვეყანა მიტაცებული აქვს მონოოლიგარქ ივანიშვილს და სასამართლო, ხელისუფლების ყველა შტო, „ქართული ოცნება“ და მისი ფეიკ-პარტიები ემორჩილებიან მის ნებას.
სადაც არ არის სამართალი, იქ არ არის პროგრესი. სამაგიეროდ, ყვავის ეკონომიკის მტერი ყველა „ონკოლოგიური დაავადება“ – კორუფცია, ნეპოტიზმი, უვიცობა, უსამართლო ბიუროკრატიული წნეხი და ა.შ.
„ქართული ოცნება“ არის უცოდინარი თუთიყუშების მთავრობა! და უკვე გვაქვს ამის შედეგი – ამიტომაც ვცხოვრობთ ცუდად და ასეც გაგრძელდება, ვიდრე ხელისუფლებში „ოცნება“ იქნება.
მსოფლიო ბანკმა გამოაქვეყნა საქართველოს ეკონომიკის ზრდის 2023 წლის პროგნოზი, 4,4 %, ანუ იმაზე ნაკლები, ვიდრე რამდენიმე დღის წინ აზიის განვითარების ბანკმა, 4,5 %. (ინფლაცია, ანუ ფასების ზრდა არის დაახლოებით 6 %). ამ მოცემულობაში, როცა „ოცნება“ ეკონომიკის, ანუ ბიზნესის მტერია, ეკონომიკური ზრდის ამხელა პროცენტი გასაკვირია – ესეც ბევრია და სავარაუდოდ, მომავალში ნაკლები გვექნება, ანუ არ გვექნება პერსპექტივა!
ასეთია შედეგი, როცა ხალხი თავზე დაისვამს არასახელმწიფოებრივად მოაზროვნე, ოლიგარქ ივანიშვილის, თავისი „თუთიყუშების“ მთავრობით. საუკუნეების გამოცდილებაზე დაყრდნობილი ჭეშმარიტებაა, რომ ნებისმიერი ხალხი იმსახურებს ისეთ მთავრობას, როგორიც ჰყავს. ჩვენ არ ვიმსახურებთ ასეთ მთავრობას – 2012 წელს ქართველი ხალხი მოვტყუვდით. ახლა ეს გააზრებული გვაქვს და ზუსტად ვიცი, ხალხი შეცვლის ამ კორუმპირებულ, ანტიევროპულ, არალეგიტიმურ, რუსეთის აგენტებით გამოტენილ, უპერსპექტივო და დამნაშავე ხელისუფლებას!” – წერს ოქრიაშვილი.
მსგავსი სტატიები:
“ორგანიზება გაუწიეთ პროტესტს”- გიორგი რურუა ემიგრანტებს მიმართავს
“სოდომისტებმა დაიწყეს შტურმი პარლამენტზე. არაა? “ნაციონალური მოძრაობა” სოდომისტები არ არიან?
“ნუ, მე სულ ფორმაში ვარ,ჩემი სასამართლოები მდორედ და ტაატით მიედინება, შესაშური სისტემატურობით”-ნიკა გვარამია პოლიტიკურ მართლმსაჯულებაზე
„ველოდებით – ძალიან მარტივად ვიმოქმედებთ…” – კახა კალაძე მიხეილ სააკაშვილზე
“ხედავ მიშა თურმე რას ითხოვდა ხალხი”?
ეს კადრები „პალაჩმა“ გამოუქვეყნა პუტინს, რომლისთვისაც ყველაზე დიდი მტერი არის მიხეილ სააკაშვილი
”ტანკით რომ მოგვადგებიან – “დაჩაგრული” საკუთარი მოქალაქის დაცვის საბაბით,მერე ჩირგვებში დამალვაც აღარ გიშველით!”
ლია ახეჯაკოვას სახალხო არტისტის წოდებას ართმევენ – რუსეთის დუმამ განხილვა დაიწყო