ბახველი ქალი მამის შერჩეულ საქმროზე და უსიყვარულოდ გათხოვებაზე

დღეს ბევრი იწერება გასული საუკუნის დასაწყისში გურული ქალების სოციალურ და პოლიტიკურ საქმიანობაზე, ასევე ქალების პროტესტზე უსიყვარულოდ გათხოვების წინააღმდეგ. ლევ ტოლსტოი გურულ ქალებზე წერდა – „ქალები დადიან შეკრებებზე და მონაწილეობენ საერთო საქმეებში კაცების თანასწორად. ახლა გურულები ამბობენ, რომ ქორწინება სიყვარულის და არა ფულის გამო უნდა მოხდეს” (Маковицкий Д. П. “Яснополянские записки”. (1905) Вып. 2, стр. 12 – 13.)

.

ამ მხრივ საინტერესოა ფრაგმენტი შალვა შარაშიძის მოთხრობიდან „ნარო“, მოთხრობის მიხედვით მამა ცდილობს გაათხოვოს ნარო მის შერჩეულ საქმროზე, ნარო კი ამ დროს თავისთვის ფიქრობს:

.

“ბაბაის ამორჩეულ ქმარს წაყვე, რომ საწყალ ნენასავით ვირჩვე ჩემ სიცოცხლეში? გაჭირვებული და უენო მე სხვაიც მეზარება და მე უნდა შეიქმნე პირუტყვი? ამდენ საწყალ კაცს და საწყალ ცხოვრებას რომ ვუყურებ, მე იმიზაც გული მიკტება, თვარა მეც უნდა შევემატო იგინს? უსამართლოდ ნუ მომექცევიან, თვარა რავაია უსამართლობა მე დავანახვეფ იგენს“.