ვაპირებ ვიცოცხლო საქართველოსთვის, უკრაინისთვის – მიხეილ სააკაშვილი

“ჩემი ფიზიკური მდგომარეობა იმიტომ კი არ ვაჩვენე, რომ ვინმეს თავი შევაცოდო, არამედ, რათა პუტინისტების ტყუილი ვამხილო… ” –  წერს სოციალურ ქსელში გავრცელებულ მიმართვაში საქართველოს მესამე პრეზიდენტი და საქართველოს ხელისუფლებას კიდევ ერთხელ სთავაზობს მოლაპარაკებებს. მიხეილ სააკაშვილი დებატებში მონაწილეობის მზადყოფნას გამოთქვამს:

“ჩემი ფიზიკური მდგომარეობა იმიტომ კი არ ვაჩვენე, რომ ვინმეს თავი შევაცოდო, არამედ, რათა პუტინისტების ტყუილი ვამხილო.

მინდა ოლიგარქის ერთ-ერთ მოლაპარაკე თავს ვუპასუხო: სიკვდილს არასდროს ვაპირებდი, თუმცა მისი არც მეშინია.  ვაპირებ ვიცოცხლო საქართველოსთვის, უკრაინისთვის!
ვუყურო და მონაწილეობა მივიღო რუსეთის იმპერიის საბოლოოდ დანგრევაში და უკრაინისა და საქართველოს აყვავებაში.

სჯობს მოისმინოთ ის რაც გითხარით, დავიწყოთ მოლაპარაკებები, ოღონდ არა კულუარული, არამედ ღია, გამჭვირვალე, ხალხის მონაწილეობით, როგორიც იყო მრგვალი მაგიდა პოლონეთში.
ეს უნდა მოხდეს თუნდაც იმიტომ, რომ თქვენ მომავალში ისე არავინ მოგექცეთ, როგორც თქვენ მე მომექეცით და რაც მთავარია იმისთვის, რომ მოხდეს ხელისუფლების მშვიდობიანი გადაცემა, რომელიც მოგიწევთ იმისდა მიუხედავად, რა მანიპულაციებიც არ უნდა ჩაატაროთ.

თუ დარწმუნებული ხართ თქვენს სიმართლეში, მომეცით პოლიტიკურ დებატებში, თუნდაც თქვენი პრეზიდენტის მიერ შეთავაზებული რკინის სამაჯურით მონაწილეობის შესაძლებლობა და ქართველმა ხალხმა გადაწყვიტოს, ვისი გზა არის სწორი – ჩვენი თუ თქვენი.

და მინდა ვუთხრა ოპოზიციას: ჩვენ ესენი უნდა გავანულოთ არჩევნებამდე და ეს მიღწევა ძირითად საკითხებზე ერთიანობით, ხოლო არჩევნებზე ყველას თავისი გზა და პროგრამა ისედაც ექნება” – წერს მიხეილ სააკაშვილი

გააზიარეთ და მოიწონეთ სტატია:

მსგავსი სტატიები:

“ხელისუფლების ბრალია, არჩევნების წინ ევაჭრებიან ადგილობრივ მუსლიმებს” “ოპოზიციის აგრესიული ხელმძღვანელები დაფიქრდებიან რა დაკვეთა აქვს ხალხს”?! „ეს ქვეყანა დედამიწის ერთ-ერთ უმშვენიერეს გარემოშია ჩაკარგული“… რამდენი აქვთ ხელფასი სინამდვილეში მერებს – ღარიბაშვილმა იცრუა ვაქცინაციის შემაჯამებელ ლატარიაში ბათუმელმა ქალმა 100 000 ლარი მოიგო ღარიბაშვილმა სამთავრობო ცვლილებები დაგეგმა-ვის შეეხება მინისტრთა კაბინეტში საკადრო გადაადგილება ოკუპირებული ცხინვალიდან სამხედროები უკრაინაში საბრძოლველად გაგზავნეს რომელ არხზე გადადის თამარ ბაღაშვილი?