“ხელისუფლების ბრალია, არჩევნების წინ ევაჭრებიან ადგილობრივ მუსლიმებს”

ჩოხატაურის მუნიციპალიტეტის სოფ.ბუკნარში განვითარებული კონფლიქტი, რომელიც სამწუხაროდ რელიგიურ ნიადაგზეცა წარმოშობილი და ერთმანეთს ერთი სოფლის მართმადიდებელი და მუსულიმი მოსახლეობა ფიზიკურად დაუპირისპირდა , სრულიად არის “ქართული ოცნების” და ადგილობრივი ხელისუფლების უპასუხისმგებლო პოლიტიკის დამსახურება. ისინი თითქმის ყველა არჩევნების წინ არა მხოლოდ ჩოხატაურში, არამედ მთელს რეგიონში ხმების სანაცვოდ ევაჭრებიან ადგილობრივ მუსლიმებს, რომ თუ არჩევნებში მათ დაუჭერენ მხარს, ხელს არ შუშლიან მათ სალოცავის მოწყობაში. როცა არჩევნები სრულდება, მერე ადგილობრივ მართმადიდებელებს არ ინაწყენებენ და სიტუაციას ხელოვნურად უშვებენ მის ნებაზე, რაც უმეტეს შემთხვევაში მთავრდება ფიზიკური დაპირისპირებებითა და მძიმე შედეგებით.სოფ.ბუკნარში დღეს მომხდარი ფიზიკური დაპირისპირება მართმადიდებელ და მუსულიმ თემებს შორის სამწუხაროდ არ არის ერთადერთი ფაქტი გურიის რეგიონში და სავარაუდოდ არც უკანასკნელი იქნება,სანამ ადგილობრივი თუ ცენტრალური ხელისუფლება თავს არ დაანებებს რელიგიური გრძნობებით ვაჭრობას საკუთარი პოლიტიკური ინტერესების სასარგებლოდ და საკითხს არ მიუდგება ისე, როგორც ეს კანონმდებლობითაა განსაზღვრული.პირადად მე სამარცხვინოდ მიმაჩნია საქართველოს მსგავსი მრავალეთნიკური და ტოლერანტობის უდიდესი წარსულის მქონე ქვეყანაში,21-ე საუკუნეში, რელიგიურ ნიადაგზე ქვებს ვესროდეთ ერთმანეთს.მე მყავს მუსლიმ მეგობარები, რომელიც არცერთი წუთით არ განმისხვავებია ჩემი ქრისტიანი მეგობრებიდან!-წერს ასკურავა