“უკრაინა ევროპის ფარის როლს ასრულებსამიტომ EU უნდა იყოს უკრაინის ფარი” – მეცოლა

“უკრაინა ევროპის ფარის როლს ასრულებს… ამიტომ EU უნდა იყოს უკრაინის ფარი,” – ამის შესახებ ევროპარლამენტის პრეზიდენტმა რობერტა მეცოლამ, ბრიუსელში გამართულ პრესკონფერენციაზე
განაცხადა.

“მე ძალიან მკაფიოდ ავუხსენი ევროპარლამენტის პოზიცია ლიდერებს. ჩვენ უნდა გავაკეთოთ ის, რაც უნდა გავაკეთოთ, რათა დავეხმაროთ უკრაინას თავის დაცვაში. ეს ნიშნავს, რომ ჩვენ გვაქვს კოლექტიური პასუხისმგებლობა, ჩვენ უნდა დავაჩქაროთ და გავაძლიეროთ ჩვენი ძალისხმევა, რათა უკრაინას მივაწოდოთ მისთვის საჭირო აღჭურვილობა. რიტორიკიდან მოქმედებაზე გადასვლის დრო დადგა. უკრაინა ევროპის ფარის როლს ასრულებს. ასე რომ, ჩვენ ასევე გვაქვს პასუხისმგებლობა, ვიმოქმედოთ, როგორც უკრაინის ფარი,” – განაცხადა მეცოლამ.

ევროპარლამენტის პრეზიდენტმა აღნიშნა, რომ ეს პოზიცია მან, გუშინ 20 მარტს, უკრაინის პრემიერმინისტრ დენის შმიგალთან შეხვედრისას დაამტკიცა.

“ჩვენ უნდა გავაძლიეროთ ჩვენი სანქციები, დავხუროთ ყველა ხარვეზი და მათი გვერდის ავლის გზები. ჩვენ უნდა გადავდგათ შემდეგი ნაბიჯი გაფართოების პროცესში და გამოვიყენოთ რუსული გაყინული აქტივებიდან მიღებული შემოსავლები. ჩვენ უნდა გავაგრძელოთ ავტონომიური სავაჭრო ზომები და ამავე დროს დავიცვათ ჩვენი ფერმერები და ჩვენი შიდა ბაზარი. ამ შემთხვევაში დროს ნამდვილად აქვს მნიშვნელობა,” – აღნიშნა მეცოლამ.

მანვე აღნიშნა, რომ ევროპამ გადამწყვეტი ნაბიჯები უნდა გადადგას საკუთარი უსაფრთხოების გასაძლიერებლად. ეს არის ზუსტად ის, რასაც EU-ის ყველა ქვეყნის მოქალაქე ელიას EU -სგან და რასაც ევროპარლამენტი მოუწოდებს – “გაფართოებული ევროკავშირი, მკაფიო მიზნებზე, კრიტერიუმებსა და დამსახურებებზე დაფუძნებული წევრობით, იქნება საუკეთესო ინვესტიცია მშვიდობის, უსაფრთხოების, სტაბილურობისა და კეთილდღეობისთვის ჩვენს კონტინენტზე” – მან აღნიშნა, რომ დადგა დრო, რომ EU-მა დაიწყოს გაფართოების მოლაპარაკებები ბოსნია და ჰერცეგოვინასთან.

შეგახსენებთ, რომ 21 მარტს ბრიუსელში EU-ის ორდღიანი სამიტი დაიწყო.

გააზიარეთ და მოიწონეთ სტატია:

მსგავსი სტატიები:

ვაშაძე და გახარია? – იკვეთება თუ არა პოლიტიკურ სივრცეში ახალი რეალობა? ამირან გამყრელიძე ტურისტებს ზღვის სანაპიროზე პირბადის ტარებისკენ მოუწოდებს აგვისტოს პირველ 4 დღეში ქართულმა ოცნებამ 1,4 მილიონი ლარის შემოწირულობა მიიღო სწავლა დასწრებითი და ონლაინ-ფორმატით, ერთდროულად იწყება “ზვიადაური გირაოთი გათავისუფლდა და სააკაშვილი ციხეშია…ამაზე მეტი რა უნდა თქვა ივანიშვილის რეჟიმზე?”-ნიკა გვარამია “აი ეს ხალხი მასამართლებს მე გადახარჯვაზე”…- მიხეილ სააკაშვილი მთავრობის გაზრდილ ხარჯებზე გვარამიამ ჩაგიფსით ქართულ ღვინოში და წყალშიო საზოგადოებას უთხრა და ამის დასაცავად რომ გახვალ… – ხაინდრავა “კარგია, რომ ევროკავშირის იდიოტური რეკომენდაციები არ შევასრულეთ და ისე გაგვიღეს ცხრაკლიტური” – ხოფერია