საქართველოს თავდაცვის ძალების 33-ე წლისთავს აღნიშნავს, ღონისძიებას ქვეყნის პრემიერ-მინისტრი, ირაკლი კობახიძე და პრეზიდენტი ერთად ესწრებიან.
სალომე ზურაბიშვილი რამდენიმე წუთის წინ ,,ოცნების” მიერ ჩატარებულ ,,საერთო სახალხო შეკრებას” გამოეხმაურა.
პრეზიდენტის, თქმით, ქართველი ხალხი 30 წელია ერთი მიზნის მისაღწევად არის გაერთიანებული და ეს მიზანი ევროკავშირის წევრობაა: ,, 30 წელზე მეტია, რაც ეს ქვეყანა და მისი საზოგადოება ერთი მიზნის ირგვლივაა გაერთიანებული – ევროპული პერსპექტივა. როგორც ერთადერთი, ჩვენი დამოუკიდებლობის, სუვერენობის, იდენტობის, მრავალფეროვნების, ტოლერანტობის, მშვიდობისა და განვითარების გზა. ამ 33 წლის მანძილზე, არაერთი კრიზისი, ვნებათაღელვა, განსხვავებული პოლიტიკური მოძრაობები იყო, თუმცა ამ ერთ მიზანს აქამდე არავინ აყენებდა კითხვის ქვეშ”.
ზურაბიშვილი კრიტიკული იყო მმართველი პარტიის საპატიო თავმჯდომარის, ბიძინა ივანშვილის საჯარო გამოსვლისადმიც.
,,დღეს ვიღაცებს სურთ, რომ ჩვენი 30-წლიანი მოკავშირეები და პარტნიორები წარმოადგინონ, როგორც რაღაც უცნობი და უსახო ომის პარტია, რომელიც საქართველოს იწვევს ავანტიურაში, თუ კონფრონტაცია. ეს არის დიდი ტყუილი და მავნებლობა. ჩვენ და, პირველ რიგში, თქვენ, ყველამ კარგად ვიცით და არა მხოლოდ უკანასკნელი 30 წლის მაგალითზე, თუ ვინ არის საქართველოს სახელმწიფოებრიობის და დამოუკიდებლობის მოუსვენარი მტერი”,- თქვა სალომე ზურაბიშვილმა.
“>პრეზიდენტის საჯარო გამოსვლას მოუსმინეთ აქ
მსგავსი სტატიები:
ივანიშვილი ვერ კმაყოფილდება იმ რაოდენობის მონებით, რაც ხალხმა აჩუქა- კორძაია
ექვთიმე თაყაიშვილის სახლ-მუზეუმთან მისასვლელ გზაზე ასფალტი დაიგება
“ქართულმა ოცნებამ“ დაინახა, რომ რაც არ უნდა ვირეშმაკობა ითამაშონ, 43%- ზე ვერ გადიან და საერთაშორისო “გადაგდება“ მოაწყო”
ჭკვიანად მოიქცნენ, თორემ ცხვირში მოხვდებათ – ღუდუშაური ენმ-ზე
ივანიშვილის ქონება ერთ დღეში $50 მილიონით შემცირდა
“ვინებსაც ბუსტერი აქვთ გაკეთებული, სასურველია მეორე ბუსტერი გაიკეთონ”
“მიშას რას უშობიენ და რომ ჩამევიდე, მე რაღას მიზამენ?” – გოგი წულაია
ოზურგეთის ქსენონი – პირველი ამბულატორია ოზურგეთში