“ვაფუძნებთ პირველი მერცხალის მოძრაობას…ვიდგებით იქ…სადაც დასჭირდება ქართველ ხალხს“ – თბილისის “დინამოს” გულშემატკივართა გაერთიანება

საფეხბურთო კლუბ თბილისის “დინამოს” გულშემატკივართა გაერთიანება წერს, რომ აფუძნებენ “პირველი მერცხალის” მოძრაობას. გაერთიანება წერს, რომ აპროტესტებენ რუსულ კანონს და საქართველოს, ქართველი ხალხის ისტორიული არჩევანისა და კონსტიტუციის დასაცავად, გადავწყვიტეს, იმოქმედონ ერთობლივი ძალებით.

იხილეთ განცხადება:

“ჩვენთვის დინამო იყო, არის და იქნება ეროვნული სულისკვეთების სიმბოლო.

რუსული კანონის ინიცირების დღიდან გვქონდა მკაფიო პოზიცია და დაუგეგმავად ვიდექით დედაქალაქის მთავარ გამზირზე.

ერთი წლის შემდეგ, საპოლიციო რეჟიმის დინამიკა გვკარნახობს, რომ დათითოკაცებული აქტივობა უკვე საფრთხისშემცველია და დროა, გავერთიანდეთ.

მმართველი პარტიის მიერ უკანასკნელი კვირების განმავლობაში მიღებულმა გადაწყვეტილებებმა ქვეყანა მიიყვანა სახიფათო გზაჯვარედინამდე. სწორედ ამიტომ აუცილებელია გამოვიჩინოთ მაღალი სამოქალაქო თვითშეგნება და ყველანი განურჩევლად დავგდეთ ერთ მხარეს.

საქართველოს, ჩვენი ხალხის ისტორიული არჩევანის და კონსტიტუციის დასაცავად, გადავწყვიტეთ, ვიმოქმედოთ ერთობლივი ძალებით.

ვაფუძნებთ პირველი მერცხალის მოძრაობას. ვიდგებით იქ, სადაც დასჭირდება ქართველ ხალხს – ჩვენი მთავარი საზრუნავი იქნება დემონსტრანტებისთვის ზიანის შემცირება, ჰუმანიტარული აქტივობები და კოორდინაციისა და ორგანიზებულობის ზრდა.

ყველა დინამოელს, ყველა ფანს, ყველა მოქალაქეს – შემოგვიერთდით!”

გააზიარეთ და მოიწონეთ სტატია:

მსგავსი სტატიები:

საპატრიარქო დავით გარეჯზე: ეკლესია ვერ გაჩერდება, ვიდრე საკითხი სასიკეთოდ არ გადაწყდება “ჩემთვის უმძიმესი განცდაა ყველა ის გოჯი, რაც საქართველოს ამტკიცებს ისტორიულად” “ივანიშვილის მატლმა გონიოში წარადგინა ზუსტად ის პროექტი, რომელიც ჩვენ გვქონდა 2010 წელს” _ სააკაშვილი 5 ნოემბრის კოვიდსტატისტიკა “მოვუწოდებ სხვა ქვეყნებს, მიბაძონ ამ მაგალითს” – ზელენსკი დაუმარხავი მკვდრის პრობლემა – გიორგი თარგამაძის ედიტორიალი “ჩვენ არ დაგვიწყია საომარი მოქმედებები…ჩვენ ვცდილობთ დავასრულოთ”-ვლადიმერ პუტინი საქართველოში რუსი გენერლები დაგულაობენ, ვინ იძლევა გარანტიას, რომ სააკაშვილის სიცოცხლე დაცულია? – სანიკიძე