ევროკომისიის სპიკერი აცხადებს, რომ საქართველოს პრემიერ-მინისტრის, ირაკლი კობახიძის ბრალდებები სიმართლე არ არის.
“ეს სიმართლე არ არის”, – განაცხადა გამოცემა Politico-სთან საუბარში ევროკომისიის სპიკერმა და აღნიშნა, რომ საქართველოს პრემიერ-მინისტრის ირაკლი კობახიძის ბრალდებების ფორმალური უარყოფაც მალე იქნება.
ცნობისთვის, პრემიერ-მინისტრმა, ირაკლი კობახიძემ, სოციალურ ქსელში განცხადება გამოაქვეყნა, სადაც ერთ-ერთ ევროკომისართან სატელეფონო საუბრის დეტალებზე საუბრობს. როგორც პრემიერი აღნიშნავს, ევროკომისარმა მას უთხრა, რომ „უცხოური გავლენის გამჭვირვალობის შესახებ“ კანონპროექტზე პრეზიდენტის ვეტოს დაძლევის შემთხვევაში, დასავლელმა პოლიტიკოსებმა შესაძლოა გარკვეული ზომები მიიღონ და ამავე კონტექსტში მან სლოვაკეთის პრემიერ-მინისტრზე განხორციელებული “ტერორისტული თავდასხმაც” ახსენა.
„ხანგრძლივი შანტაჟის ფონზეც კი, გამაოგნებელი იყო მუქარა, რომელიც ერთ-ერთ ევროკომისართან სატელეფონო საუბრისას გაჟღერდა. კერძოდ, ჩემთან საუბარში, ევროკომისარმა ჩამოთვალა მთელი რიგი ზომები, რომლებიც დასავლელმა პოლიტიკოსებმა გამჭვირვალობის კანონზე ვეტოს დაძლევის შემდეგ შეიძლება მიიღონ და ამ ზომების ჩამოთვლისას ახსენა – „ხომ ნახეთ, ფიცოს რა დაემართა და ძალიან ფრთხილად უნდა იყოთო“, – ნათქვამია ირაკლი კობახიძის განცხადებაში.
მსგავსი სტატიები:
6-7 ნოემბერს ამინდი მკვეთრად უარესდება
“მე ქალი ვარ და ჩემი ჭკუა თხამ არ შეჭამა”
სიძუნწე სუსტი კაცების არჩევანია – როგორია ძუნწი პარტნიორი
დიეგო კალასი: “განხეთქილების გამომწვევი სიტყვების ნაცვლად, მთავრობას მოვუწოდეთ, აიღოს ვალდებულება დაიცვას ყველა, მათ შორის უმცირესობა და პრესა”
“წაგებას უნდა შეხვდეთ ღირსეულად”
დაძაბულობა ალტ-ინფოს ოზურგეთის ახალ გახსნილ ოფისთან
არჩილ თალაკვაძე ნიკა მელიას ემუქრება – „თქვენი თითები შეიძლება, ამ ფანჯარაშია მოყოლილი“
გვარამიას დაპატიმრება მთავრობის მხრიდან კონტრპროდუქტიული ნაბიჯი იყო – ლეო დოქერტი