„პატივი იყო ტრამპის ინაუგურაციაზე დასწრება და ქართველი ხალხის წარმოდგენა“ – პრეზიდენტი ზურაბიშვილი

ამის შესახებ საქართველოს მეხუთე პრეზიდენტი, სალომე ზურაბიშვილი დონალდ ტრამპს პრეზიდენტობის ახალი ვადის დაწყებას სოციალურ პლატფორმა X-ზეც ულოცავს.

პატივი იყო მის ინაუგურაციაზე დასწრება და ქართველი ხალხის წარმოდგენა – წერს პრეზიდენტი.

„ვულოცავ პრეზიდენტ დონალდ ტრამპს პრეზიდენტობის ახალი ვადის დაწყებას. პატივი იყო მის ინაუგურაციაზე დასწრება და ქართველი ხალხის წარმოდგენა, რომელსაც გადაწყვეტილი აქვს, შეერთებულ შტატებთან სტრატეგიული პარტნიორობა დაიბრუნოს“, – წერს ზურაბიშვილი.
ამასთან, საქართველოს მეხუთე პრეზიდენტი მარკო რუბიოს აშშ-ის სახელმწიფო მდივნის თანამდებობაზე დამტკიცებას ულოცავს.

„მარკო რუბიო, გილოცავთ თანამდებობაზე დამტკიცებას. საქართველოს რეგიონში სტაბილურობის, მშვიდობისა და დემოკრატიის სასარგებლოდ თქვენი ჩართულობის იმედი აქვს. რუსეთისა და ჩინეთის ინტერესებს რეგიონში წინააღმდეგობა უნდა გაეწიოს“, – წერს სალომე ზურაბიშვილი.
დონალდ ტრამპი ამერიკის შეერთებული შტატების 47-ე პრეზიდენტი ოფიციალურად გახდა – ტრამპმა უზენაესი სასამართლოს მთავარი მოსამართლის, ჯონ რობერტსის წინაშე, ბიბლიაზე ფიცი დადო.

დონალდ ტრამპის ინაუგურაციას ამერიკელი კანონმდებლები და სხვა ოფიციალური პირები ესწრებიან. ასევე დარბაზში ოთხი ყოფილი პრეზიდენტი: ბილ კლინტონი, ჯორჯ ბუში, ბარაკ ობამა და ჯო ბაიდენი იმყოფებიან.

ინაუგურაციის ცერემონიას ასევე ესწრება რამდენიმე უცხოელი ლიდერი, მათ შორის, საქართველოს მეხუთე პრეზიდენტი, სალომე ზურაბიშვილი.

ტრადიციულად, პრეზიდენტების ინაუგურაციის ცერემონიები კაპიტოლიუმის შენობის გარეთ იმართება, თუმცა, მოსალოდნელი ცივი ტემპერატურის გამო, იძულებული გახდნენ, ეს ტრადიცია დაერღვიათ და ფიცის დადების ცერემონია კაპიტოლიუმის შენობის როტონდაში დაეგეგმათ.

ცნობისთვის, ამერიკის ისტორიაში ტრამპი მეორე პრეზიდენტია, რომელმაც თეთრი სახლი ერთი ვადის გამოტოვებით დაიკავა და  ყველაზე ასაკოვანი კანდიდატი, რომელმაც საპრეზიდენტო არჩევნები მოიგო.

გააზიარეთ და მოიწონეთ სტატია:

მსგავსი სტატიები:

“ოცნება” ოპონენტებს ადანაშაულებს, რათა პრობლემებისგან ყურადღება გადაიტანოს – კუბილიუსი გარეჯზე “დაშინების და გაჩუმების მცდელობაა,მე არ გავჩუმდები”-გვარამია გოგოს და ბიჭის ყველაზე იშვიათი და უცნაური სახელები საქართველოში მეცნიერებმა სამხრეთ აფრიკაში კორონავირუსის ახალი ვარიანტი აღმოაჩინეს მმართველი პარტია სულ უფრო მეტად უთხრის ძირს დემოკრატიულ ინსტიტუტებს ქვეყანაში – Amnesty International საქართველოზე “მსოფლიოში წამოვიდა კოვიდის ახალი, ძლიერი ტალღა და ამისთვის უნდა ვიყოთ მზად” წასულია იმ მთავრობის საქმე რომელსაც 92 წლის ლამარა აბჟანდაძის კომენტარების ეშინია – სამთავრობო გვერდებმა ბლოგერი დაბლოკეს “საქართველოს დაბრუნება რუსეთის იმპერიაში” – პროკრემლისტებმა თბილისში კონფერენცია გამართეს