ბათუმელების ცნობით, ქუთაისის სააპელაციო სასამართლომ დასაშვებად ცნო იმ მტკიცებულებების ნაწილი, რომლებიც ბათუმის საქალაქო სასამართლომ გამორიცხა. საქმე ვიდეო-მტკიცებულებებს, რამდენიმე წერილობით დოკუმენტსა და ერთი მოწმის გამოკითხვის ოქმს ეხება.
სააპელაციო სასამართლომ საჯაროდ, ინტერნეტში ხელმისაწვდომი ვიდეოები, რომლებიც დეტალურად ასახავს მზია ამაღლობელის დაკავებამდე, დაკავების პროცესს და შემდგომ მოვლენებს, დასაშვებ მტკიცებულებად მიიჩნია.
4 მარტს, ბათუმის საქალაქო სასამართლოში გამართულ წინასასამართლო სხდომაზე პროკურატურამ საქმესთან შეუსაბამობის საბაბით ამ და სხვა მტკიცებულებების დაუშვებლად ცნობა მოითხოვა.
მოსამართლემ, ვიქტორ მეტრეველმა პროკურატურის მოთხოვნა დააკმაყოფილა, თუმცა, იმ საბაბით რითიც ამას პროკურატურა მოითხოვდა. მოსამართლემ თქვა, რომ კომპიუტერულ მოწყობილობაში განთავსებული ინფორმაციის მოპოვებას, მიუხედევად იმისა არის თუ არა ის საჯაროდ გავრცელებული, მოსამართლის განჩინება სჭირდება, ამაღლობელის დაცვის მხარის მიერ წარმოდგენილი მტკიცებულებები კი განჩინების გარეშე იყო წარდგენილი.
მეტრეველის თქმით, რადგან ამაღლობელის ადვოკატებმა აღნიშნული ვიდეოები დათვალიერების ოქმის საფუძველზე დაამაგრეს საქმეს, ისინი უკანონოა.
მტკიცებულებების დაუშვებლად ცნობის შესახებ ბათუმის საქალაქო სასამართლოს გადაწყვეტილება ქუთაისის სააპელაციო სასამართლოს მოსამართლემ, მალხაზ ოქროპირაშვილმა შეცვალა.
მსგავსი სტატიები:
“სახელმწიფოს მზრუნველობა – დათვის ჩახუტებად გადაგვექცა”
ხვალიდან ღია სივრცეში, სადაც 5-ზე მეტი ადამიანი იქნება, პირბადის ტარება სავალდებულო ხდება
წინასაარჩევნო დაკავებები დაიწყო – პოლიციამ კიდევ ყოფილი ძალოვანი, ამირან ჯანაშია, დააკავა
მიხეილ სააკაშვილის გატაცება გორის ჰოსპიტლიდან – გამოხმაურებები უცხოურ მედიაში
გადადებული სხდომა და უგულებელყოფილი შუამდგომლობები…მომდევნო პროცესი 11 მაისს, 12:00 საათზე ჩაინიშნა
სააკაშვილი სხვა ადამიანებმა პირადი ინტერესებისთვის გამოიყენეს – ლიზა იასკო
“მედიასაშუალების დამფუძნებელზე თავდასხმა აშკარა მცდელობაა, ჩაახშოს მედიის თავისუფლება” – მედიის ადვოკატირების კოალიცია
23- 24 სექტემბერს წინასაარჩევნო ვითარების შესაფასებლად საქართველოს PACE-ის დელეგაცია ეწვევა