რატომ დაასანქცირეს ლევან მურუსიძე და მიხეილ ჩინჩალაძე – დიდი ბრიტანეთის საგარეო საქმეთა სამინისტროს დასაბუთების დოკუმენტში გავლენიანი მოსამართლეები “სასამართლო კლანად” არიან მოხსენიებული.
დოკუმენტში ასევე პირდაპირ წერია, რომ აღნიშნული მოსამართლეები გადაწყვეტილებებს “ქართული ოცნების” სასარგებლოდ იღებდნენ და კორუფციაში სხვადასხვა ფორმით იყვნენ ჩართულები.
მურუსიძე-ჩინჩალაძე შავ სიაში გვატემალელი მოსამართლეების გვერდით მოხვდნენ.
დღევანდელი სანქციების სამიზნეა კორუმპირებული ჩინოვნიკები და პროკურორები საქართველოსა და გვატემალაში, რომლებიც არღვევენ დემოკრატიულ მმართველობას და ძირს უთხრის სასამართლოს მიუკერძოებლობას თავიანთი უფლებამოსილების ბოროტად გამოყენების გზით.
საქართველოში ეს მოიცავს “სასამართლო კლანის” ლიდერებს – პარტიულ-პოლიტიკურ მოსამართლეთა ჯგუფს, რომლებიც ბოროტად იყენებენ თავიანთ თანამდებობას სასამართლო გადაწყვეტილებებზე ზემოქმედების მიზნით, რაც ძირს უთხრის კანონის უზენაესობას “ქართული ოცნების” პარტიის სასარგებლოდ და მათი კონტროლის ქვეშ საქართველოს სასამართლო სისტემაზე, – ნათქვამია დოკუმენტში.
დიდი ბრიტანეთის საგარეო უწყების დასაბუთების დოკუმენტში საუბარია მოლდოვაში პრორუსული აქტორების ქსელზეც, რომელიც მოქალაქების მოსყიდვას ცდილობდა, რათა მათ რეფერენდუმზე ევროკავშირში გაწევრიანებაზე უარი დაეფიქსირებინათ. სწორედ ამ ქსელის წევრების გვერდით არიან მოხსენიებულები მურუსიძე-ჩინჩალაძეც.
- სანქციები ასახავს კრემლის მცდელობებს ძირი გამოუთხაროს და დესტაბილიზაცია მოახდინოს დემოკრატიას აღმოსავლეთ ევროპაში, – ნათქვამია ინფორმაციაში.
სანქციების სამიზნეა პრორუსული აქტორების ქსელი, სახელად “ევრაზია”, რომელიც მოქმედებს მოლდოვაში კორუმპირებული გაქცეული ოლიგარქის ილან შორის სახელით, რათა მოახდინოს მოლდოვის დემოკრატიის დესტაბილიზაცია და რუსეთის მავნე გავლენის გავრცელება.
“ევრაზია”, რუსული არაკომერციული ორგანიზაცია, რომელიც შორმა გამოიყენა მოლდოვის მოქალაქეების მოსყიდვის მიზნით, რათა “არა” ეთქვათ რეფენდუმზე, რომელიც ევროკავშირში გაწევრიანებას ეხება.
მოლდოვის პოლიციამ განაცხადა, რომ დაახლოებით 130,000 მოქალაქემ ევრაზიისგან $15 მილიონი დოლარი მიიღო. გადასახადი თანხა მერყეობდა თვეში 50 დოლარიდან „მხარდამჭერებისთვის“ და თვეში 2500 დოლარზე მეტი „ლიდერებისთვის“.
დღევანდელი სანქციები მიემართება Evrazia-ს დამფუძნებელსა და დირექტორს ნელი ალექსეევნა პარუტენკოს და ევრაზიის მართვის საბჭოს წევრს ნატალია პარასკას, ისევე, როგორც თავად ევრაზიას და შორის კიდევ ერთ მთავარ პოლიტიკურ ოპერატორს, მარინა ტაუბერს. ეს სანქციები ასახავს კრემლის მცდელობებს ძირი გამოუთხაროს და დესტაბილიზაცია მოახდინოს დემოკრატიას აღმოსავლეთ ევროპაში, – ნათქვამია დოკუმენტში.
- ბრიტანეთმა კლანის წევრებად აღიარებული მოსამართლეები, ლევან მურუსიძე და მიხეილ ჩინჩალაძე დაასანქცირა.
- დიდი ბრიტანეთის სახელმწიფო ხაზინის მიერ მიღებული გადაწყვეტილებით დიდმა ბრიტანეთმა ორივე მათგანს ფინანსური სანქციები დაუწესა.
- ლევან მურუსიძე “პირველებს” უდასტურებს, რომ ბრიტანული სანქციების შემდეგ, მისი სახელფასო ბარათი დაბლოკილია.
- tvpirveli.ge
მსგავსი სტატიები:
“გურიაში სახალხო განათლება უფრო მაღალ დონეზეა ვიდრე სხვაგან”
საქართველოს მოქალაქეები ისრაელში დასაქმებას შეძლებენ, რეგისტრაცია 12 აპრილიდან იწყება
მაიამიში 12-სართულიანი შენობა ჩამოინგრა, 99 ადამიანს ამ დრომდე ეძებენ
2021 წელს საქართველოში 163 ადამიანი დაიკარგა, მათგან 112 იპოვეს, 51 კი კვლავ იძებნება
უკრაინის უმაღლესმა რადამ ლუდმილა დენისოვას უნდობლობა გამოუცხადა
ლანჩხუთში არსებული კლასიკური სამუსიკო სკოლა მეოცე საუკუნეში
Bloomberg: შავ ზღვაზე უკრაინის სამივე მთავარი პორტი გაიხსნა
„მივიღე სამართლიანი გადაწყვეტილება, ჩემს სინდისზე და სხდომაზე გამოკვლეულ მტკიცებულებებზე დაყრდნობით”-მოსამართლე ხუჭუა