სტუდენტები, რომლებიც პროტესტის ნიშნად ღამეებს პარლამენტთან ათევენ, თანატოლებს მოუწოდებენ, 8 აპრილს მათთან ერთად გაათენონ, რათა უკვე 9-ში არალეგიტიმურ ხელისუფლებას ერთად დახვდნენ, რომლებიც, როგორც წესი, ყოველ წელს გმირთა მემორიალთან მიდიან.
სტუდენტები ამბობენ, რომ ბრძოლით არ დაიღლებიან და შედეგს აუცილებლად დადებენ.
მე ვარ საქართველოს ტექნიკური უნივერსიტეტის სტუდენტი. მე შევუერთდი აქტიურად სეუს სტუდენტების გაფიცვას. ყველა სტუდენტს მოვუწოდებ, რომ გამოვიდეს, ჩვენს გვერდში დადგეს. ბრძოლას ყოველთვის აქვს აზრი. ჩვენ, სტუდენტები არ დავიღლებით ამ ბრძოლით, ბოლომდე მივაღწევთ შედეგს. დედების მარში იქნება 8-ში და ყველას მოვუწოდებ, რომ ამ მარშაცს შემოვუერთდეთ, ბევრნი უნდა ვიდგეთ. გავათენოთ 8-ში საღამოს და 9-ში ყველა აქტიურად დავხვდეთ ამ მთავრობის არალეგიტიმურ წარმომადგენელს, იმიტომ, რომ ისინი არ უნდა მოვიდნენ მემორიალთან 9-ში, – ამბობს პროტესტის მონაწილე სტუდენტი.
ამავე აზრს იზიარებს კიდევ პროტესტის მონაწილე კიდევ ერთი ახალგაზრდა.
ყველანი უნდა ვიყოთ აქ 8-ში, ღამე უნდა დავრჩეთ, რომ 9-ს ერთად შევხვდეთ ყველანი და არ მოვუშვათ აქამდე ჩვენი არალეგიტიმური მთავრობის წარმოამდგენლები, რომლებიც, ვიცით, რომ ყოველ წელს 9-ში მოდიან მემორიალთან. რაც არ უნდა იყოს, ყოველგვარი წინააღმდეგობის მიუხედავად, ჩვენ მაინც უნდა ვიყოთ მედგრად, ერთმანეთის გვერდით უნდა ვიყოთ, – ამბობს ახალგაზრდა.
პროევროპული აქციებისას დაკავებულების მშობლები და ოჯახის წევრები ახალ საზოგადოებრივ მოძრაობას: „სინდისის პატიმრების თავისუფლებისთვის“ ქმნიან.
ახლად შექმნილი მოძრაობა 8 აპრილს ღამეს პარლამენტის წინ გაათევს.
მათივე განმარტებით, საზოგადოებრივი მოძრაობის მიზანი რეჟიმის ტყვეების დაუყოვნებლივ გათავისუფლებისთვის საჭირო ნაბიჯების გადადგმა იქნება.
“გთხოვთ, შემოგვიერთდით ამ ბრძოლაში, რათა ერთად დავიცვათ ჩვენი ქვეყნის მომავალი. ვიკრიბებით 8 აპრილს, მემორიალთან და ვათენებთ ერთად” – განაცხადეს სინდისის პატიმრების ოჯახის წევრებმა.
მსგავსი სტატიები:
“გურიაში სახალხო განათლება უფრო მაღალ დონეზეა ვიდრე სხვაგან”
საქართველოს მოქალაქეები ისრაელში დასაქმებას შეძლებენ, რეგისტრაცია 12 აპრილიდან იწყება
მაიამიში 12-სართულიანი შენობა ჩამოინგრა, 99 ადამიანს ამ დრომდე ეძებენ
2021 წელს საქართველოში 163 ადამიანი დაიკარგა, მათგან 112 იპოვეს, 51 კი კვლავ იძებნება
უკრაინის უმაღლესმა რადამ ლუდმილა დენისოვას უნდობლობა გამოუცხადა
ლანჩხუთში არსებული კლასიკური სამუსიკო სკოლა მეოცე საუკუნეში
Bloomberg: შავ ზღვაზე უკრაინის სამივე მთავარი პორტი გაიხსნა
„მივიღე სამართლიანი გადაწყვეტილება, ჩემს სინდისზე და სხდომაზე გამოკვლეულ მტკიცებულებებზე დაყრდნობით”-მოსამართლე ხუჭუა